Amosi 5:14 - Tonga Bible 1986

¹⁴ Penjani umampha, uheni cha, kuti muŵe ŵamoyo; viyo Ambuya Chiuta wa maŵanja, wakaŵanga namwe, nge ndimo mwakambiya.

Amosi 5:14 Referans Kwoze

Yoswa 1:9

Asi ndakulanguliya? Uŵi wanthazi, khwima; ungopanga cha, nanga nkhufipa mtima; pakuti Ambuya Chiuta wako we pamoza nawe ko ukayanga.”

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

Mika 6:8

Iyo wakurongo wa munthu, cho nchamampha, ndi cho Ambuya akhumbiya iwe, kweni kuchita urunji, ndi kwanja ulemu, ndi kwenda kwakujiyuyuwa ndi Chiuta wako?

Mika 3:11

Ŵarongozgi ŵake ŵateruzgiya chimbundi, ŵazukuru ŵake ŵasambizgiya mphoto, ŵamchimi ŵake ŵaloska chifukwa cha ndrama; ndipuuli ŵayegeme ku Ambuya ndi ŵatiti, “Kumbi Ambuya ŵe mukati mwidu cha? Uheni kuti ukatiwiyanga cha.”

2 Timote 4:22

Mbuya waŵe ndi mzimu wako Wezi uŵe namwe.

Amosi 3:3

“Kumbi ŵaŵi ŵayende pamoza, asani ŵalivi kuzomerezgana?

1 Mikoka 28:20

Ndipo Davidi wanguti kwaku Solomoni mwana wake. “Uŵe wanthazi ndi ukhwimi, ndi uyichiti, ungopanga chingana nkhutenthema cha chifukwa Ambuya Chiuta yo ndi Chiuta wangu we namwe. Kuti wakujowonge chingana nkhukusiya cha mpaka penipo mlimu wa nyumba yaku Chiuta wamara.

Mateyu 1:23

“Onani, mwali yo waŵenge ndi nthumbo, ndipo wapapenge mwana munthurumi, ndipo zina lake wadanikenge Immanuele”; lenilo pakung'anamulika ndi, Chiuta pamoza nafwe.

Yesaya 55:2

Chifukwa chine mutananga ndrama zinu paku cho kuti nchakurgha cha, ndi kutakataka kwinu paku cho kuti chigutiska cha? Tegherezgani kwarwana kwaku ine, murghe cho nchamampha, ndipo mujikondwereske ndi vyakununa.

Nthanthi 11:27

Mweniyo wapenja umampha kwarwana wapenja mwaŵi, kweni uheni utuza kwaku yo watuupenja.

Sumu 46:11

Ambuya ŵa maŵanja we pamoza nafwe; Chiuta waku Yakobe nchakudingang'amo chidu.

Yesaya 8:10

Khomani fuzi pamoza, kweni yichitenge kanthu cha, kambani mazu, kweni kuti ghakamanga cha, pakuti Chiuta we nafwe pamoza.

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

Maŵerengedu 16:3

ŵanguwungana pamoza kumikana ndi Mosese ndi Aroni, ŵangunena nawo, “Mwajikuzga kwakuruska! Kweni mpingu wose ngutuŵa, we yose waku iwo, ndipo Ambuya ŵe mukati mwawo; nchifukwa uli imwe mutijikwezga kwakuruska wumba wa Ambuya?”

Chituwa 3:12

Iyo wanguti, “Kweni ndikaŵanga pamoza nawe; ndipo ichi chikaŵanga chisimikizgu kwaku iwe, kurongo kuti ndine ndakutuma: utakuti watuzga ŵaYisraele mu Egipiti wazamutataliya Chiuta pa phiri lenili.”

Chiyambo 39:23

msungi wa nyumba ya ukaidi kuti waŵikangako so maso cha kwaku kose keniko kenga kakuphwerereka ndi Yosefe, chifukwa Ambuya ŵenga nayo; ndipo che chose cho wanguchita, Ambuya anguchisakatiska.

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Amosi 5:6

Penjani Ambuya ndipo muŵenge ŵamoyo, vinu angakole nge ndi moto mu nyumba yaku Yosefe, ndiyinganyeka ndi pangaŵavi yumoza wamuzimwiyenge moto wo Betele.

Zefaniya 2:3

Penjani Ambuya, mose mwa ŵakuzika ŵamu charu, imwe mwachita malangulu ghake; penjani urunji, penjani kuzika; pamwenga mungabisika mu zuŵa la ukari wa Ambuya.

Sumu 97:10

Ambuya atanja ŵakutinkha uheni: avikiriya maumoyo gha ŵanthu ŵawo, atiŵataska ku nthazi ya ŵaheni.