Amosi 3:9 - Tonga Bible 1986

⁹ Wandiskani mu malinga mu Asiriya ndi mu malinga mu charu cha Egipiti, kuti, “Unganani pa mapiri gha Samaria, ndi muwone vivurupi vikuru mukati mwake, ndi visuzgu mukati mwake.”

Amosi 3:9 Referans Kwoze

Amosi 4:1

“Vwani mazu yagha, imwe mwa ng'ombe zinthukazi za Bashani, zo zemu phiri la Samaria, zo zikandirizga ŵakavu, ndi kupweteka ŵaranda, zo sititi ku ŵarumi ŵawo, ‘Zani nacho, timwe!’

Amosi 6:1

“Owe kwaku wo ŵaja ndi kufwasa mu Zioni, ndi kwaku wo ŵakudeka pa phiri la Samaria, ŵanthu ŵakuziŵika ŵa mitundu yakudanga, kwaku ŵeniwo nyumba yaku Yisraele yituza!

Amosi 1:8

Ndiwiskenge ŵakuja mu Ashidodi, ndi yo wakoreze ndodo ya ufumu mu Ashikeloni; ndi ng'anamuwenge janjalangu kumikana ndi Ekroni; ndi ŵakujako ŵa ŵaFilisti ŵakamaranga,” atiti Ambuya Chiuta.

Amosi 8:6

mwakuti tiguli ŵakavu ndi siliva ndi ŵakusauka ndi skapatu ziŵi, ndi kuguliska gaga wa trigu?”

Yeremiya 50:2

“Ŵandiska mukati mu mitundu ndi memeza, umike mbendera umemeze, ungabisanga cha, kamba kuti: ‘Babiloni watoreka Belo walengeskeka, Merodaki wadika nthazi. Vikozgu vyake vyalengeskeka ŵangoza ŵake ŵamara nthazi.’

Yeremiya 31:5

Mukapandanga so minda ya mphereska pa mapiri gha Samaria; ŵakupanda ŵakapandanga ndipo ŵakarghanga vipasi.

1 Samuele 5:1

ŴaFilisti ŵanguti ŵapoka bokosi laku Chiuta, ŵangulito kutuwa ku Ebenezere nipaka ku Ashidodi,

Ezekiele 37:22

ndipo ndikaŵasanduskanga mtundu umoza mu charu, pachanya pa mapiri ghaku Yisraele; karonga yumoza ndiyo wakaŵanga karonga waku wose; kuti ŵakaŵanga mitundu yiŵi cha, nanga nkhuti ŵakagaŵikananga kuŵa maufumu ghaŵi nako so cha.

Ezekiele 36:8

“Kweni imwe, mapiri gha Yisraele, mphanda zinu zikasundanga, ndi kuŵapasiya vipasi vinu ŵanthu ŵangu ŵaYisraele; chifukwa ŵepafupi kuza ku muzi.

Yeremiya 46:14

“Ziŵiskani mu Egipiti, memezani mu Migidoli, memezani mu Mempisi ndi Tapanesi; nenani, ‘Mume ndipo murongosoleke, pakuti lipanga likarghanga kwakuzunguliya imwe!’

2 Samuele 1:20

Mungataulanga ichi mu Gata cha, rekani kuchimemeza mu miseu ya Ashikeloni; vinu ŵangakondwere ŵana ŵanthukazi ŵa ŵaFilisti vinu ŵana ŵanthukazi ŵa mbura kuchinjika ŵangalankhanga.

Amosi 5:11

Chifukwa nchakuti mukandirizga ŵakavu, ndi kupoka mithulu yawo ya trigu, mwazenga nyumba za mya yakusema; kweni kuti mujengemo cha; mwalima minda ya mphereska yakukondweska; kweni kuti mukamwanga vinyo wake cha.

Nthanthi 1:13

tikasaniyanga chuma chose cha mutengo ukuru, tikazazanga nyumba zidu ndi vyakuskoŵa;

Nthanthi 11:16

Munthukazi wa wezi waronde ulemu, ndi ŵanthu ŵandeu ŵasaniya uromba.

Wakutaula 4:1

Ndinguwona so visuzgu vyose vyo vichitika panu pasi. Ehe, masozi gha ŵakukandirizgika, ŵengavi nanga njumoza wakuŵasangaruska! Kuchiri ku ŵakuŵakandirizga kwenga mazaza, ndipo pengavi yumoza wakuŵasangaruska.

Hoseya 7:1

ndi kuchizga Yisraele, uheni waku Efraimu uvumbukwa ndi so milimu yiheni ya Samaria; pakuti ŵachita kwautesi, munkhungu wasere, ndi wakuphanga waphanga kubwalo.

Amosi 6:3

owe imwe muŵika kutali zuŵa liheni, ndi kunderezge kufupi chitengo cha nkhaza?

Mika 6:10

Kumbi ndingaruwa usambasi wa uheni mu nyumba ya muheni, ndi thumba la vyakupimiya vyakupusika yo ngwakutembeka?