Amosi 3:7 - Tonga Bible 1986

⁷ Nadi Ambuya Chiuta kuti wachita kanthu cha kakuwubende, kwambura kuti wadanga wakavumbuliya ku ŵateŵeti ŵake ŵamchimi.

Amosi 3:7 Referans Kwoze

Yohane 15:15

Kuti ndikuzumbuwani ŵaŵanda so cha; chifukwa muŵanda walive kuziŵa cho wachita mbuyake: kweni ndakutamulani ŵabwezi; pakuti ndakuziŵiskani vyose vyo ndavwa ku Ada.

Chiyambo 18:17

Ambuya anguti, “Kumbi ndikamubisanga Abrahamu cho ndikachitanga;

Sumu 25:14

Ambuya ndi bwezi laku ŵeniwo ŵati ŵawopa, ndipo phanganu lawo atiŵaziŵiska.

Chivumbuzi 1:1

Uvumbuzi waku Yesu Kristu, weniwo Chiuta wangumpaska kuŵarongo ŵateŵeti ŵake vinthi vyo vitenere kuŵapo ruŵi: ndipo wanguusimikizgiya pakuwutumizgiya mu mungelo wake ku mteŵeti wake Yohane;

Chiyambo 6:13

Ndipo Chiuta wanguti kwaku Nowa, “Ndighanaghana kumara vyamoyo vyose; pakuti charu chazaza ndi ukari chifukwa chawo; ndikaŵanaganga pamoza ndi charu.

Chivumbuzi 4:1

Pavuli paku vyenivi ndingulereska, ndipo, wonani, khomu lingujurika kuchanya, ndipo liu lakudanga lo ndinguvwa lenga ulaka nda mbata yakukamba nane, “Kwere kuno, mwakuti ndikurongo vyo vitenere kuŵapo pavuli.”

Danyele 10:21

Kweni ndikuneniyenge cho chikulembeka mu buku la uneneska; ndipo kulivi yumoza yo ngwakulimba pamoza nane mukususka ivi, kweni Mikaeli pe karonga winu.”

Yeremiya 23:22

Kweni asani ŵanguma mu upu wangu, ipo mphanyi ŵangumemeza mazu ghangu ku ŵanthu ŵangu; ndipo mphanyi ŵanguŵang'anamuwako ku nthowa yawo yiheni, ndi ku uheni wa machitidu ghawo.

Chivumbuzi 1:19

Viyo lemba vyenivyo uwona vyo viripo, ndi vyo vikaŵangapo pavuli paku vyenivi,

Danyele 11:2

“Ndipo sono ndikurongonge uneneska. Ehe, ŵakaronga ŵanyake ŵatatu ŵayukenge mu Perese; ndipo wachinayi waŵenge msambasi ukongwa kuruska wose, ndipo watakuti waŵa ndi nthazi ndi usambasi wake, wayuskenge wose kurimbana ndi ufumu wa ŵaGirisi.

2 ŴaKaronga 22:13

“Rutani kafumbeni ku Ambuya gha paku ine ndi pa ŵanthu, ndi ghapaku Yuda yose, pa mazu gha buku ili lasanirika, pakuti ngukuru ukari wa Ambuya paku ifwe, chifukwa ausefwe ŵalivi kuvwiya mazu gha buku ili, kuchita kwakuyana ndi vyose vyo vyalembeke paku ifwe.”

2 ŴaKaronga 6:12

Ndipo yumoza wa ŵateŵeti ŵake wanguti, “Palivi nanga njumoza, mbuyangu karonga, kweni Elisha, mchimi yo, mweniyo wemu Yisraele, ndiyo wanene karonga wa Yisraele mazu gho imwe murongoro mu chipinda chinu chakulamo.”

2 ŴaKaronga 22:20

Chifukwa cho, ehe, ndikakuwunjikanga pamoza ndi ausu, ndipo ukasikiyanga ku muunda wako mu chimangu, ndipo maso ghako kuti ghakawonanga mauheni ghose gho ndikatolenga pa malo yagha cha.’” Ndipo ŵanguwezge mazu ku karonga.

Chivumbuzi 10:7

kweni kuti mu mazuŵa gha mazu gha mungelo wachinkhonde ndi chiŵi yo, penipo wamkumba mbata, po ndipo ghakafiskikanga mangari ghaku Chiuta, uli ndimo wanguŵanduliya umampha ŵaŵanda ŵake ŵamchimiwo.

Ezekiele 29:21

“Pa zuŵa leniliya nkhaŵikanga mazaza ghatumphuke mu fuku laku Yisraele, ndipo ndikajuranga milomo yako mukati mwawo. Penipo ndipo ŵakaziŵanga kuti ine ndine Ambuya.”

Danyele 2:47

Karonga wanguti kwaku Danyele, “Kwakuneneska Chiuta wako ndi Chiuta wa ŵachiuta, ndi karonga wa ŵakaronga, muwuvumbuzi wa vya muchindindi, chifukwa iwe wavumbuwa cha muchindindi ichi.”

1 Samuele 9:15

Kweni lenga lindazi zuŵa lakuza kwaku Sauli, Ambuya anguvumbuliya Samuele kuti:

Yesaya 18:4

Pakuti viyo ndimu angukambiya kwangu Ambuya: “Chisisi ndikapenjanga mwa kuja ine uli ndi kufunda kwa pakweru mu lumwi, ulaka ndi mtambo wa dungwi mu kufunda kwa vuna.”