Amosi 3:15 - Tonga Bible 1986

¹⁵ Nkhapumanga nyumba ya chifuku ndi nyumba ya chihanya; ndi nyumba za minyanga, zikanangikanga, ndipo nyumba zikuru zamumara,” atiti Ambuya.

Amosi 3:15 Referans Kwoze

Yeremiya 36:22

Wenga mwezi wa chinkhonde ndi chinayi, karonga wanguja mu nyumba ya chipwepwe mo mwenga moto wakolenga mu chiyaŵi cha mkuŵa paurongo pake.

1 ŴaKaronga 22:39

Sono nchitu zose zaku Ahabu, ndi vyose vyo wanguchita ndi nyumba ya minyanga yo wanguzenga ndi misumba yose yo wanguzenga, kumbi kuti vikulembeka cha mu Buku la Mikoka ya ŵaKaronga ŵaku Yisraele?

Ŵeruzgi 3:20

Ehudi wanguza kwaku iyo, po wangujamo yija mu chipinda chake cha bagha chakuzizira. Ehudi wanguti, “Ndendi uthenga wako wakutuliya kwaku Chiuta.” Ndipo wangusoke pa mpando wake.

Amosi 6:11

Pakuti wonani, Ambuya alangula, ndipo nyumba yikuru yikabwangandulikanga, ndinyumba yimana nayo yibwangandukenge.

Yesaya 5:9

Ambuya ŵa maŵanja arapa mu makutu ghangu: “Kwakuneneska nyumba zinandi zikaŵanga makunthu, nyumba zikuru ndi zamanyanda, mwambura munthu wakujamo.

Amosi 3:11

Chifukwa ichi, atiti Ambuya Chiuta: “Kupindikana kukazingirizganga charu, ndipo kukasiskiyanga pasi nthazi yako, ndipo malinga ghako ghamuphangika.”

Sumu 45:8

Minjirira yinu yose yendi fungu la muro ndi chikasi cha chema ndi kasiya. Kutuliya mu zinyumba za ufumu za minyanga ya njovu virumbu vya malisinga vitukukondweskani;

Amosi 2:5

Viyo nditumenge moto paku Yuda, ndi ukawochanga malinga ghaku Yerusalemu.”

Amosi 5:11

Chifukwa nchakuti mukandirizga ŵakavu, ndi kupoka mithulu yawo ya trigu, mwazenga nyumba za mya yakusema; kweni kuti mujengemo cha; mwalima minda ya mphereska yakukondweska; kweni kuti mukamwanga vinyo wake cha.

Malaki 1:4

Asani Edomu watiti, “Tapasuka, kweni tizengenge so vyakupasuka,” Ambuya ŵa maŵanja atiti, “Wazengenge kweni ine ndipasuliyenge pasi, mpaka wadanike mtundu uheni, ŵanthu wo Ambuya akwiya nawo muyaya.”