Amosi 3:1 - Tonga Bible 1986

¹ Vwani mazu yagha Ambuya akamba kususka imwe, mwa ŵanthu ŵaku Yisraele kususka mbumba yose yo ndikutuzga mu charu cha Egipiti:

Amosi 3:1 Referans Kwoze

Amosi 2:10

Ndipo so ndingumutuzgani mucharu cha Egipiti, ndipo ndingumurongozgani kwa virimika machumi ghanayi (40) mu bozwa, kwazachironda charu cha Amori.

Mika 3:1

Ndipo ndinguti: Vwani, imwe mwaŵarongozgi waku Yakobe, ndi mafumu gha nyumba yaku Yisraele! Kumbi kuti nkhwaku imwe cha kuziŵa weruzgi?

Yeremiya 8:3

Nyifwa yikarumbikanga kwakuruska umoyo ndi wose ŵakujapo wo ŵakajangapo ŵa mbumba iyi yiheni mu malo ghose mwenimo ndaŵadikiskiya, atiti Ambuya ŵa maŵanja.

Hoseya 4:1

Vwani mazu gha Ambuya imwe mwa ŵaYisraele; chifukwa Ambuya ŵe ndi mlando ndi ŵakuja mu charu. Palivi chigomezgu, chingana mbulemu, pamwenga kuziŵa Chiuta mu charu.

Yeremiya 31:1

“Pa nyengo yeniyiya, atiti Ambuya, ndikaŵanga Chiuta wa mbumba zose zaku Yisraele, ndipo iwo ŵakaŵanga ŵanthu ŵangu.”

Yesaya 48:12

“Tegherezga kwangu, Yakobe we, ndi Yisraele, mweniyo ndingudana! Ndine Iyo, ndine wakudanga, ndipo nde wakumariya.

2 Mikoka 20:15

Iyo wanguti, “Avwani, imwe mose ŵaYuda ndi imwe muja mu Yerusalemu, ndi imwe karonga Yehosafati, viyo ndimo watumuneniyani Chiuta, wati, ‘Mungopanga cha chingana nkhutenthema chifukwa cha chimzinda ichi chikuru, chifukwa nkhondo njinu cha, njaku Chiuta.

Chivumbuzi 2:29

Mweniyo we ndi gutu, wavwenge cho Mzimu ukamba ku mipingu.’

Hoseya 5:1

Vwani ichi, mwa ŵazukuru! Vwiyani, mwa ŵanyumba yaku Yisraele! Vwiyani, mwa ŵanyumba ya karonga! Chifukwa cheruzgu nchinu; pakuti mwenga chiŵana pa Mizipa, ndi ukonde wakupong'eka pa Taboro.

Yesaya 46:3

“Tegherezgani kwangu, mwa nyumba yaku Yakobe, ŵakujapo wose wa nyumba yaku Yisraele, ŵeniwo ŵanyamulika ndi ine kutuwa ku kawi kinu, ŵakunyamulika kutuwa ku chibali;

Yeremiya 13:11

Pakuti nge ndimo lamba likhore mu chiunu cha munthu, viyo ndimundinguchitiya nyumba yaku Yisraele ndi nyumba yaku Yuda kukhore mwaku ine, atiti Ambuya, alinga kuti ŵaŵe ŵanthu, zina, rumbu ndi unkhankhu kwaku ine; kweni kuti ŵangunkhumba kutegherezga cha.

Mika 2:3

Chifukwa ichi, viyo atiti Ambuya: Ndirunguruka chiheni kumikana ndimbumba iyi, kwaku chenicho kuti muziŵa kuwezgako masingo ghinu cha; ndipo kuti mukayendanga kwakujikuzga cha, pakuti yikaŵanga nyengo ya uheni.

Zefaniya 2:5

Soka kwaku imwe mwakuja mumphepete mu nyanja, imwe mtundu wa Kerete! Mazu gha Ambuya ghamikana nawe, iwe Kanani, charu cha ŵaFilisti, ndikuparghang'enge mpaka penipo mulive nanga njumoza wakujamo.

1 Mikoka 16:13

mwa mphapu yaku Abrahamu, mteŵeti wake, mwa ŵana ŵaku Yakobe, mwakusankhika ŵake!

Amosi 4:1

“Vwani mazu yagha, imwe mwa ng'ombe zinthukazi za Bashani, zo zemu phiri la Samaria, zo zikandirizga ŵakavu, ndi kupweteka ŵaranda, zo sititi ku ŵarumi ŵawo, ‘Zani nacho, timwe!’

Amosi 5:1

Vwani mazu yagha ndikutoriyani mu chitenje, nyumba yaku Yisraele!