Amosi 2:10 - Tonga Bible 1986

¹⁰ Ndipo so ndingumutuzgani mucharu cha Egipiti, ndipo ndingumurongozgani kwa virimika machumi ghanayi (40) mu bozwa, kwazachironda charu cha Amori.

Amosi 2:10 Referans Kwoze

Marangu 2:7

Pakuti Ambuya Chiuta winu wamutumbikani mu milimu yose ya manja ghinu. Waziŵa kwenda kwinu mu mabozwa yagha ghakuru; virimika ivi machumi ghanayi (40) Ambuya Chiuta wenga namwe, mulive kusauka.’

Chituwa 12:51

Ndipo mu zuŵa leniliya Ambuya angutuzga ŵaYisraele mu charu cha Egipiti mu maŵanja ghawo.

Amosi 3:1

Vwani mazu yagha Ambuya akamba kususka imwe, mwa ŵanthu ŵaku Yisraele kususka mbumba yose yo ndikutuzga mu charu cha Egipiti:

Machitidu gha Ŵakutumika 13:18

Ndipo ankhumba kunyengo ya virimika machumi ghanayi wanguŵabapa mu bozwa lo.

Machitidu gha Ŵakutumika 7:42

Kweni Chiuta wangung'anamuka, ndipo wanguŵapereka kwachiteŵete liŵanja la machanya uli ndimo kwalembeke mu buku la ŵamchimi: ‘Kumbi mungunditole vyakubayika ndi visopu, virimika machumi ghanayi (40) mu bozwa wanyumba we waku Yisraele?

Mika 6:4

Pakuti ndamutuzgani mu charu cha Egipiti, ndi kumuwomboni mu nyumba ya uŵanda; ndipo ndingukutumiyani panthazi pinu Mosese, Aroni ndi Miriamu ŵarongozge.

Amosi 9:7

“Kumbi kuti mwenge mbaEtiopia cha kwaku ine, imwe mwa ŵanthu ŵaku Yisraele?” atiti Ambuya. “Kumbi kuti ndinguŵatuzga cha ŵaYisraele mu charu cha Egipiti, ŵaFilisti ku Kafitoro; ndi ŵaSiriya ku Kiri?

Chituwa 3:8

Ndiziŵa maurwirwi ghawo, ndipo ndasika kuŵapozomoska ku ŵaEgipiti. Ndikaŵatuzganga mu charu chiya kuya nawo ku charu chamampha ndi chisani, charu cha mukaka unandi ndi uchi unandi. Cho ndi charu cha ŵaKanani, ŵaHiti, ŵaAmori, ŵaPerizi, ŵaHivi, ndi ŵaYebusi.

Ezekiele 20:10

Viyo ndinguŵatuzga mu Egipiti ndinguza nawo mu bozwa.

Sumu 95:10

Virimika machumi ghanayi ndingukwiyiskika ndi mgonezi uwa; rekani ndinguti, ‘Mbanthu ŵakuranda mu mtima! Ŵakana kuvwiya marangu ghangu!’

Nehemiya 9:21

Munguŵasunga virimika machumi ghanayi mu bozwa, ndipo pengavi kakuŵasoŵa, vivwaru vyengavi kuguga ndipo marundi ghawo ghengavi kutupa.

Marangu 1:39

Ndipo so ŵana ŵinu wo mungukamba kuti ŵakaskoŵekanga ŵana ŵinu ŵeniwo chingana ndi zuŵa ili kuti ŵaziŵa cha umampha ndi uheni, ndiwo ŵamusere muwa. Ndichiperekenge kwaku iwo, ndipo ŵachiharenge, chiŵenge chawo.

Chituwa 20:2

“Ine ndine Ambuya Chiuta wako, mweniyo wangukutuzga mu charu cha Egipiti kutuwa mu nyumba ya uŵanda.

Maŵerengedu 21:25

Yisraele wanguronda misumba yose iyi, ndipo wanguja mu misumba yose ya ŵaMori mu Heshiboni, ndi mu mizi yake yose.

Yoswa 13:4

ku malaŵi, charu chose cha ŵaKanani, ndi Meara wo ngwa ŵaSidoni, kuya ku Afeke, mpaka ku mphaka ya Amori;

Maŵerengedu 13:32

Viyo ŵanguza ndi makani ghaheni ghapa charu cho ŵangwachiskora ku ŵaYisraele, ŵanguti, “Charu cho tinguyako kwachichiskora, ncharu chenicho, chiturgha ŵanthu ŵakujamo ndipo wanthu wose wo tinguwona mwenimo mbanthu ŵatali msinkhu.

Maŵerengedu 32:13

Ndipo ukari wa Ambuya ungukole pa ŵaYisraele, rekani anguŵayingiska mu bozwa virimika machumi ghanayi, mpaka penipo mugonezi wose uwa unguchita uheni mu maso gha Ambuya ungumara.

Yoswa 24:8

Pavuli ndingumutoliyani ku charu cha Amori, wo ŵajanga kusirgha linyake la Yordane; ŵangurwana namwe, ndipo ndinguŵapereka mu janja linu, munguronda charu chawo, ndinguŵabaya paurongo pinu.

Yeremiya 2:6

Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’