Amosi 1:2 - Tonga Bible 1986

² Ndipo wanguti: “Ambuya abongonge mu Zioni, ndikutuzgiya mazu ghawo mu Yerusalemu; mauliska gha ŵaliska ghatenjenge, ndi pachanya pa Karmele pafotenge.”

Amosi 1:2 Referans Kwoze

Yoele 3:16

Ambuya abongo mu Zioni, ndi atuzga mazu ghawo kutuliya mu Yerusalemu, machanya ndi charu chapasi visukunikenge; kweni Ambuya nchakutaskikiyamo cha ŵanthu ŵawo linga lakukho ku ŵana ŵaku Yisraele.

Yeremiya 25:30

“Viyo iwe, ukachimanga paku iwo mazu yagha ghose, ndipo ukanenanga kwaku wo. ‘Ambuya akaurumanga kutuliya kuchanya kutuwa ku malo ghawo ghakujamo ghakupaturika, ŵakakambanga mazu ghawo; ŵakaurumanga ndi nthazi kumikana ndi khora lawo, kubangula, nge ndiwo ŵakanda mphereska, paku wo mbakuja mu charu chapasi.

Amosi 9:3

Chingana ŵangabisama pa phiri pachanya pa Karmele, ndakuŵapenja kwenikuwa ndi kuŵato; ndipo chingana ŵangabisama ku maso ghangu kusi ku nyanja, nkhalanguliyanga njoka, ndipo yikaŵarumanga kweniko.

Yeremiya 12:4

Charu chikatenjenga mpaka zuŵanji, mpaka zuŵanji uteka wamu minda yose ukamiranga? Chifukwa cha mautimbanizi ghaku wo ŵaja mwenimo vinyama ndi viyuni vyakukurwa; chifukwa ŵanthu ŵanguti, “Kuti wakawonanga umari widu cha.”

Yesaya 42:13

Ambuya aruta uli ndi munthu chilimbi, uli ndi munthu wa nkhondo wasosomo ukali wake; waliya pachanya, wadanirizga ukongwa, watijirongo yija kuŵa wa nthazi pa ŵakupindikana ŵake.

Nahumu 1:4

Achenya nyanja ndi kuyikamuska, aphwiska misinji yose; Bashani ndi Karmele ŵafota, luŵa laku Lebanoni nalo lifota.

Yoele 2:11

Ambuya atuzga mazu ghawo paurongo pa nkhondo yawo, chifukwa mupingu wawo ngukuru ukongwa; ngwanthazi yo wachita mazu ghawo. Chifukwa zuŵa la Ambuya ndikuru ndi lakofya. Ndiyani waziŵa kulimiya?

Hoseya 13:8

Ndiŵarotokiyenge nge ndi chipembere yo waphangika ŵana ŵake, ndiparuwenge nganga yawo, ndipo nkhaŵarghanga nge ndi nkharamu, nge ndimo chikoko cha mu dondo chiparuriya.

Yeremiya 50:19

Ndikamuwezgiyanga Yisraele ku uliska wake, ndipo wakarghanga pa Karmele ndi mu Bashani, ndipo linweka lake likagutiskikanga pa mapiri ghaku Efraimu ndi mu Gileada.

Yeremiya 14:2

“Yuda watenje ndipo malikomo ghake ghayungwanika; ŵanthu ŵake ŵatenjere pasi, ndipo kuliya kwa Yerusalemu kukwere pachanya.

Yesaya 35:2

likachitanga maluŵa ghakupasiya; uli ndi hanyezi likachitanga maluŵa ghanandi. Kusangaruka ndi likondwa ndi kumba, unkhankhu wa Lebanoni ukapaskikanga kwaku lo, kuziza kwa Karmele ndi Sharoni. Ŵakawonanga unkhankhu wa Ambuya, kuziza kwaku Chiuta widu.

Yesaya 33:9

Charu chitenje ndi nchakuvuka; Lebanoni ngwachitima ndi wafota; Sharoni wasanduka bozwa; ndipo Bashani ndi Karmele ŵayoyoska mani ghawo.

Nthanthi 20:2

Ukari wakofya wa karonga we uli nkhuwuruma kwa kamanakamana kwa nkharamu, mweniyo watimusosomole ku ukari wapereka umoyo wake.

1 Samuele 25:2

Kuwa kwenga munthu mu Maono, yo nchitu yake yenga ku Karmele. Munthu uyu wenga musambasi; wenga ndi mberere vikwi vitatu (3,000) mbuzi chikwi chimoza (1,000) wasenganga mberere zake mu Karmele.

Sumu 46:6

Yinguuruma mitundu, ghangusukunika maufumu; wakamba mazu ghake, charu chapasi chisongonoka.

Yeremiya 28:8

Ŵamchimi wo ŵanguza paurongo paku iwe ndi ine, ŵa nyengo zamwaka ŵanguchima nkhondo, chilala, ndi chideru kuti ndivyo vikaŵangako mu vyaru vinandi ndimu maufumu ghakuzirwa.

Hoseya 11:10

Ŵakarondonga Ambuya, Ambuya akoromenge nge ndi nkharamu, inya akoromenge, ndipo ŵana ŵake ŵakazanga ndi chitenje kutuwa ku zambwe.

Yoele 1:19

Ambuya, ndililiya imwe. Chifukwa moto wawocha vipozwa mu dondo, ndi mlipu wawocha miti yose mu dondo.

Sumu 29:4

Mazu gha Ambuya nganthazi ukongwa, mazu gha Ambuya ghendi kuziza kukuru.