Amosi 1:1 - Tonga Bible 1986

¹ Mazu ghaku Amosi, yo wenga yumoza wa ŵaliska ŵaku Tekoa, ghenigho wanguvwa ghakunena Yisraele mu mazuŵa ghaku Uziya karonga waku Yuda, ndi mu mazuŵa ghaku Yeroboamu, mwana waku Yoashi, karonga waku Yisraele. Kunguja virimika viŵi chenga chindazi chidiririzi.

Amosi 1:1 Referans Kwoze

Zekariya 14:5

Ndipo dambo la mapiri ghangu liundikenge, chifukwa dambo la mapiri lifikenge kurwande kwake; ndipo muthaŵenge nge ndimo munguthaŵiya chiyewu-yewu mu mazuŵa ghaku Uziya karonga waku Yuda. Ndipo Ambuya Chiuta wino wazenge, ndi ŵatuŵawose pamoza nayo.

Amosi 7:14

Viyo Amosi wangwamuka Amaziya wanguti, “Kuti ndine mchimi cha chingana nkhuŵa mwana wa mchimi; kweni ndine mliska wa ng'ombe, ndi wakupontho nkhuyu,

Yeremiya 6:1

Thaŵiyani kwakubisama, mwa ŵanthu ŵaku Benjamini, kuthaŵa mukati mu Yerusalemu! Mbani mbata mu Tekoa, ndipo soskani chiteskeru pa Betehakeremu; pakuti chiheni chituza kutuliya ku nkhonde ndi pharghaniko likuru.

2 Mikoka 20:20

Ndipo ŵangucherera ndi chivivivi wanguruta ku bozwa laku Tekoa; ŵachiruta, Yehosafati wanguma wanguti, “Mundivwe, mwa ŵaYuda ndi Yerusalemu! Vwanani mwaku Chiuta widu, ndipo mukhozgekenge; gomezgani ŵamchimi ŵake ndipo mupundenge.”

2 Mikoka 11:6

Wanguzenga Betelehemu Etama, ndi Tekoa,

1 ŴaKaronga 19:19

Viyo wangutuwako kuwa, ndi wangusaniya Elisha mwana waku Shafati, wangumusaniya wachilima, ndi ng'ombe za vipingu chumi ndi ziŵi paurongo pake, iyo wenga ndi ya chumi ndi ziŵi. Eliya wangumurutiliya po wenga ndipo wangupong'a chirundu chake paku iyo.

2 Samuele 14:2

Sono Yoabu wangutuma ku Tekoa; kwachitoko munthukazi wa zeru, ndi kunena nayo, “Ujiŵikemo nge ngwakutenje, uvware maraya gha malilo; ungajipakanga mafuta cha, kweni ujiwoneske nge ndi munthukazi yo watenjere wakufwa kwa mazuŵa ghanande;

Yeremiya 1:1

Mazu ghaku Yeremiya mwana waku Hilikiya, yumoza wa ŵazukuru wo ŵenga mu Anatoti mu charu chaku Benjamini.

Yesaya 1:1

Chiwona chaku Yesaya mwana waku Amozi, cho wanguwona chakukamba ndi Yuda ndi Yerusalemu mu mazuŵa ghaku Uziya, Yotamu, Ahazi, ndi Hezekiya, ŵakaronga ŵaku Yuda.

2 ŴaKaronga 14:23

Mu chirimika cha chumi pachanya vinkhonde chaku Amaziya mwana waku Yoashi, karonga waku Yuda, Yeroboamu wa chiŵi mwana waku Yoashi karonga waku Yisraele, wangwamba kuwusa mu Samaria, ndipo wanguwusa virimika machumi ghanayi pachanya chimoza.

1 ŴaKorinte 1:27

kweni Chiuta wasankha vyakupusa vya charu, alinga kuti waŵalengeske ŵazeru; ndi vyakutomboroka vya charu wasankha Chiuta, alinga walengeske vyanthazi,

Mika 1:1

Mazu gha Ambuya gho ghanguza kwaku Mika waku Moresete mu mazuŵa ghaku Yotamu, Ahazi, ndi Hezekiya, ŵakaronga ŵaku Yuda; ndivyo wanguwona kunena vya Samaria ndi Yerusalemu.

Hoseya 1:1

Mazu gha Ambuya gho ghanguza kwaku Hoseya, mwana waku Beri mu mazuŵa ghaku Uziya, Yotamu, Ahazi, ndi Hezekiya ŵakaronga ŵaku Yuda mu mazuŵa ghaku Yeroboamu waku Yoasha, karonga wa ŵaYisraele.

2 ŴaKaronga 14:21

Ndipo ŵanthu wose ŵaku Yuda ŵanguto Azariya mweniyo wenga wa virimika chumi pachanya vinkhonde ndi chimoza ŵangumuvwarika ukaronga malo gha awiske Amaziya.

Yeremiya 7:27

“Viyo ukambe nawo vinthu vyose ivi, kweni kuti ŵakakutegherezganga cha. Ukaŵadananga, kweni kuti ŵakakwamukanga cha.

Chituwa 3:1

Sono Mosese waliskanga mberere za sibweni ŵake, Yetero, mzukuru wa Midiani; ndipo wangurongozge viŵetu vyake kuchiri ku zambwe kwa bozwa, ndi wanguza ku Horebe, phiri laku Chiuta.

Mateyu 4:18

Ndipo wachenda mumphepete mu nyanja ya Galile, wanguwona ŵabali ŵaŵi, Simoni wakuzumbulika Petro, ndi Andreya mhurwa wake, ŵakupong'a mikwau mu nyanja; pakuti ŵenga ŵarovi.

Yeremiya 28:8

Ŵamchimi wo ŵanguza paurongo paku iwe ndi ine, ŵa nyengo zamwaka ŵanguchima nkhondo, chilala, ndi chideru kuti ndivyo vikaŵangako mu vyaru vinandi ndimu maufumu ghakuzirwa.