3 Yohane 1:11 - Tonga Bible 1986

¹¹ Wakwanjiwa we, ungezganga cha cho nchiheni, kwani cho nchamampha. Yo ngwakuchita umampha ngwa kwaku Chiuta: yo ngwakuchita uheni walive kumuona Chiuta.

3 Yohane 1:11 Referans Kwoze

Sumu 37:27

Tuwaniko ku kwananga, chitani umampha; viyo mukajaririyanga muyaya.

ŴaEfeso 5:1

Viyo muŵe ŵakumwezga Chiuta, uli mbana ŵakwanjiwa;

1 Petro 3:11

wapambukeko ku uheni, ndi wachite umampha; wapenje chimangu, ndipo wachindondoloske.

Yohane 3:20

Pakuti yose wakuchita uheni watinkha Kungweruka ndipo kuti watuza ku Kungweruka ko cha, vinu nchitu zake zingasuskika.

Sumu 34:14

Tuwako ku uheni, chita umampha; penja chimangu, ndi uchindondoloske.

1 Petro 3:13

Ndipo njani yo wamchitiya imwe uheni, asani mupamphukiya cho nchamampha?

2 Timote 3:10

Kweni iwe ungurondo chisambizgu changu, kendedu, khumbu, chivwanu, chilekerezga, chanju, unkhunthiya,

1 Yohane 2:29

Po muziŵiya kuti ndi murunji, ziŵani kuti yose yo ngwakuchita urunji wapapika kwaku iyo.

1 ŴaTesalonika 2:14

Chifukwa imwe, mwa ŵabali, munguŵa wakwezga mipingu yaku Chiuta mwaku Kristu Yesu gho ghe muYuda: pakuti namwe so mungukunthiyapo vyaviyo pe kutuliya mu ŵanthu ŵamtundu winu uli ndimo nawoso ŵangukunthiyapo ku ŵaYuda.

1 ŴaTesalonika 1:6

Ndipo imwe munguŵa wakwezga ifwe ndi Ambuya, munguti mwaronde mazu mu suzgu yikuru, pamoza ndi chimwemwe cha Mzimu Wakupaturika;

Yohane 12:26

asani yumoza watinditeŵete, wandirondonge; ndipo ko nde ine, kweniko waŵenge mteŵete wangu nayo: asani yumoza watinditeŵete, Ada amrumbenge.

Yohane 10:27

Mberere zangu zituvwa liu langu, ine nditiziziŵa, ndipo zitindirondo;

Chituwa 23:2

Mungarondonga mpingu wa ŵakuchita uheni; pamwenga kuchita ukaboni mrandu, kupatuka ndi kundondoroska ŵanandi, kwachitimbanizga uneneska,

ŴaHebere 6:12

alinga mungaŵanga ŵakudodoma cha, kweni ŵakwezga ŵeniwo mu chivwanu ndi unkhunthiya mbakuhara mapanganu.

1 ŴaKorinte 11:1

Muŵe ŵakwezga ine mo ine nane nditezge Kristu.

1 ŴaKorinte 4:16

Viyo ndikuŵeyereni, muŵi ŵakwezga ine.

Nthanthi 12:11

Mweniyo walima munda wake wakaŵanga ndi viŵande vinandi, kweni mweniyo wandondoloska vyambura kanthu walivi chinjeru.

ŴaFilipi 3:17

Mundezge, mwa ŵabali, ndipo ŵathoŵeni wo ŵatenda ulaka ndimo muliri ndi ifwe nge nchikozgu.

1 Yohane 3:10

Mwaku chenichi ŵarongoleka ŵana wo ŵaku Chiuta ndi ŵana wo ŵaku diabolo: munthu yose wakuura kuchita urunji, kuti ngwa kwaku Chiuta cha, chingana ndi yo walive kumwanja mbali wake.

1 Yohane 4:1

Mwaŵakwanjiwa, mungavwaniyanga cha mu mzimu we wose, kweni yesani mizimu yo, asani vinu njakutuliya kwaku Chiuta. Pakuti ŵamchimi ŵatesi ŵanandi ŵaburika mu charu.