2 ŴaKaronga 9:1 - Tonga Bible 1986

¹ Sono Elisha mchimi wangudana yumoza wa ŵana ŵa ŵamchimi wangunena nayo, “Vwara zikho, ndipo upinge supa iyi ya mafuta ndi uruti ku Ramoti-gileada.

2 ŴaKaronga 9:1 Referans Kwoze

1 Samuele 10:1

Sono Samuele wanguto supa ya mafuta wangupunguliya pa mutu wake, wangumufyofyontha ndi wanguti, “Asi ndi Ambuya wo akupaka mwakuti uŵe chirongozgi wa ŵanthu ŵake ŵaYisraele? Ndipo ukawusanga pa ŵanthu ŵa Ambuya ndi kuŵapozomoska mu janja la ŵarwani ŵawo ŵakuŵazingirizga. Ndipo ichi chiŵenge chisimikizgu kwaku iwe kuti Ambuya akupaka kukupatuwa uŵe fumu pa ŵanthu ŵake.

2 ŴaKaronga 4:29

Iyo wanguti kwaku Gehazi, “Vwara umange mu chiunu, uto ndodo yangu mu janja lako, rutanga. Asani ukumanenge ndi munthu ungamutauzganga cha, asani watukutauzga ungazomera cha; ndipo ukalarike ndodo yangu pachisku cha mwana yo.”

1 ŴaKaronga 1:39

Kwenikuwa Zadoki mzukuru yo wanguto sengwe la mafuta muhema, wangupaka Solomoni. Pavuli ŵangukuŵa mbata, ndipo ŵanthu wose ŵanguti, “Waŵe wa umoyo utali karonga Solomoni!”

1 Samuele 16:1

Ambuya anguti kwaku Samuele, “Mpaka zuŵanji ukachitiyanga chitima Sauli, pakuti Ine ndamukana kuti waŵe karonga pa ŵaYisraele? Zaza supa yako ndi mafuta. Ndipo ruta; ndikutumenge kwaku Jese waku Betelehemu, pakuti ndajiwone ndamwene karonga mukati mu ŵana ŵake.”

1 Petro 1:13

Chifukwa chenichi pakujichinyiya mu vionu vya vinjeru vinu, zizani ndi gomekezgiyani limu kwaumari pa wezi wo utolekiyenge kwaku imwe pa uvumbuzi waku Yesu Kristu;

2 ŴaKaronga 2:3

Ndipo ŵana ŵa ŵamchimi ŵanguza kwaku Elisha, ŵanguti kwaku iyo, “Kumbi uziŵa kuti msana wale Ambuya ŵakamtuzgangako kwako mbuyako?” Ndipo iyo wanguti, “Inya ndiziŵa ichi, mutaka cheti.”

Marangu 4:1

“Avwani sono, imwe ŵaYisraele, vyakulayizga ndi vyeruzgu vyo ndikusambizgani kuti muvichite, mwakuti muŵe ŵamoyo, mukasere ndikuronda charu kuŵa chinu cho Ambuya Chiuta wa auskemwe ŵamupaskani.

Yeremiya 1:17

Kweni iwe ujichinyiye mu chiunu chako; soka, ukaŵanene che chose cho ndikulanguliyenge iwe. Ungawopanga iwo cha vinu ndingakuwopeska paurongo pawo.

1 ŴaKaronga 22:20

ndipo Ambuya anguti, ‘Njani yo wangaziŵa kupusika Ahabu, kuti wakwere ndi kwachibayika ku Ramoti-gileada?’ Ndipo yumoza wangukamba kakute, munyake wangukamba kakuti.

1 ŴaKaronga 22:4

Ndipo wanguti kwaku Yehosafati, “Kumbi mungaruta nane ku nkhondo ku Ramoti-gileada?” Ndipo Yehosafati wanguti ku karonga ŵaYisraele, “Ine ndenge ndimo uliri iwe, ŵanthu ŵangu nge ndimo ŵaliri ŵanthu ŵako, ŵakavalo ŵangu mo ŵaliri ŵakavalo ŵako.”

1 ŴaKaronga 20:35

Ndipo yumoza wa ŵana ŵa ŵamchimi wangunena ndi munyake pa langulu la Ambuya, wanguti, “Undipume, nditikupempha.” Kweni munthu yo wangukana kumupuma,

1 ŴaKaronga 18:46

Ndipo janja la Ambuya lenga paku Eliya, ndipo wangujichinyiya mu chiunu chake, ndipo wanguchimbiya panthazi paku Ahabu pa likomo la Yezerele.

Marangu 4:3

Maso ghinu ghawona cho Ambuya anguchita pa Bala-peoro; chifukwa ŵanthurumi wose wo ŵangurondo Bala-peoro, Ambuya Chiuta winu wanguŵaparghang'a kuŵatuzgamo mukati mwinu;

2 ŴaKaronga 4:1

Sono muwoli wa yumoza wa ŵana ŵa ŵamchimi wanguriliya kwaku Elisha, “Ndamteŵeti wako mrumi wangu wafwa; ndipo uziŵa kuti mteŵeti wako watopa Ambuya, kweni wakumkongoleska waza kuzachito ŵana ŵangu ŵaŵi kwachiŵaŵeta kuŵa ŵaŵanda ŵake.”

Mateyu 26:7

kunguza munthukazi wakuŵa ndi supa yasangarawe ya muro wa mtengu ukuru, ndipo wangughapunguliya pa mutu pake, wachija pa kurgha.

1 ŴaKaronga 19:16

ndipo Jehu mwana waku Mimshi, wakumupaka mafuta kuŵa karonga waku Yisraele, ndipo Elisha mwana waku Shafati waku Abele-mehola wakumupaka mafuta kuŵa mchimi mu malo ghako.

2 ŴaKaronga 9:4

Viyo munyamata yo, mchimi wanguruta ku Ramoti-gileada.

2 ŴaKaronga 2:5

Ŵana ŵa ŵamchimi wo ŵenga ku Yeriko ŵangundere kufupi kwaku Elisha, ŵanguti kwaku iyo, “Kumbi uziŵa kuti msana wale Ambuya ŵakamtuzgagako kwako kuruta nayo mbuyako?” Iyo wanguwamuka, “Inya ndiziŵa, muti ŵake cheti.”

2 ŴaKaronga 2:7

Ŵanthurumi machumi ghankhonde ŵanaŵe ŵamchimi nawo ŵanguruta ndi ŵanguma pataliko kwaku wo ŵaŵi penipo ŵenga ŵeche kuma pa Yordane.

2 ŴaKaronga 2:15

Sono penipo ŵana ŵa ŵamchimi wo ŵenga pa Yeriko, ŵangumuwona kuza kwaku wo, ŵanguti, “Mzimu waku Eliya we paku Elisha.” Ndipo ŵanguza kuzachikumana nayo, ndipo ŵangukotama pasi pauronga pake.

2 Mikoka 22:1

Ndipo wo ŵanguja mu Yerusalemu ŵangumika Ahaziya kwangu wake, kuŵa karonga mu malo ghake; chifukwa ŵanthu wo ŵanguza ndi Arabu ku msasa ŵangukoso ŵaku ŵake wose. Viyo Ahaziya mwana waku Yehoramu wanguwusa.

2 Mikoka 22:5

Wangwenda mu fundo zawo, wanguruta ndi Yehoramu mwana waku Ahabu karonga waku Yisraele kwachirwana nkhondo ndi Hazaeli karonga waku Siriya ku Ramoti-gileada. Ndipo ŵaSiriya ŵanguhoma Yoramu.