2 ŴaKaronga 7:2 - Tonga Bible 1986

² Sono nduna yira, yo karonga waŵakangapo mtima wake yingunena ndi munthu waku Chiuta, “Asani Ambuya iwo ŵeneko ŵangujura madangazi gha kuchanya, kumbi chingachitika ichi?” Iyo wanguti, “Iwe ukachiwonanga ndi maso ghako, kweni kuti ukarghangapo cha.”

2 ŴaKaronga 7:2 Referans Kwoze

Malaki 3:10

Zina ndi vyachichumi vyamphumphu ku nyumba yakusungiyamo, mwakuti muŵe vyakurgha mu nyumba yangu. Po ndipo mudese, atiti Ambuya ŵa maŵanja, asani kuti nkhamujuliyaninga cha madangazi gha kuchanya, ndi kumupunguliyani vitumbiku vyakuzara.

Chiyambo 7:11

Mu chirimika cha machumi pe chumi ghankhonde ndi limoza (600) cha umoyo waku Nowa, mu mwezi wa chiŵi, pa zuŵa la chumi ndi ghankhonde ndi ghaŵi (17) la mwezi wo, pa zuŵa liya visima vya ndimba zikuru vinguphulika, ndi madangazi gha machanya ghangujurika.

2 Timote 2:13

asani tiura kuvwana, wajaririya iyo wamagomekezgeka; chifukwa kuti waziŵa cha kujikana mweneko.

ŴaRoma 3:3

Na kwati, asani ŵengavi kuvwana ŵanyake? Kumbi uwura chivwanu wawo uwayuwenge umagomekezgeka waku Chiuta?

Sumu 78:41

Kaŵikaŵi ŵangumwesa Chiuta, ndi kumukwiyiska Mtuŵa Yumoza, waku Yisraele.

Yesaya 7:9

Ndipo mutu waku Efraimu ndi Samaria, ndipo mutu wa Samaria ndi mwana waku Remaliya. Asani kuti mukavwananga cha, kwakunenenska kuti mukajarikikanga cha.’ ”

2 Mikoka 20:20

Ndipo ŵangucherera ndi chivivivi wanguruta ku bozwa laku Tekoa; ŵachiruta, Yehosafati wanguma wanguti, “Mundivwe, mwa ŵaYuda ndi Yerusalemu! Vwanani mwaku Chiuta widu, ndipo mukhozgekenge; gomezgani ŵamchimi ŵake ndipo mupundenge.”

2 ŴaKaronga 5:18

Mu makani yagha mphanyi Ambuya agowoke mteŵeti wako, penipo mbuyangu wasere mu nyumba yaku Rimoni kwachisopa muwa, kuyegeme pa janja langu, ndipo ine ndichiko tamiya pasi mu nyumba yaku Rimoni, po ndikotamiya pasi mu nyumba yaku Rimoni, Ambuya agowoke mteŵeti wako mu makani yagha.”

Marangu 3:27

Kwera pachanya pa Pisiga, ndi uchiwone ndi maso ghako. Chifukwa kuti wamukwambuka cha Yordane uyu.

Yeremiya 29:32

chifukwa cho atiti Ambuya: Ehe, ndikalanganga Shemaya waku Nehelamu ndi mphapu yake: kuti wakaŵangapo wamoyo cha mukati mu ŵanthu yaŵa, wakuti wawone chamampha chenicho ine ndikachitiyanga ŵanthu ŵangu, atiti Ambuya, chifukwa warongoro chigaruka pa Ambuya.’ ”

Maŵerengedu 11:13

Kumbi nyama ndiyitonge pani yakupaska ŵanthu wose yaŵa? Pakuti ŵaliriya ine kuti, ‘Tipaske nyama tirghenge?’

Maŵerengedu 23:19

Chiuta kuti ndi munthu cha, kuti waname, pamwenga mwana wa munthu, kuti wang'anamuke. Kumbi cho wakamba, kuti wakachitanga cha? Pamwenga cho wanena, kuti wakachifiskanga cha?