2 ŴaKaronga 6:5 - Tonga Bible 1986

⁵ Kweni penipo yumoza wawiskanga muti, mbavi yengukhwerukiya mu maji, ndipo wanguliya, “Owe, Mbuyangu! Yenga yakubwereka.”

2 ŴaKaronga 6:5 Referans Kwoze

Chivumbuzi 18:10

pakuma kutari chifukwa cha wofi wa urwirwi wake, ŵakatinge, “Owe! Owe! wamsumba ukuru, Babiloni we, msumba wanthazi! Pakuti mu ora limoza cheruzgu chako chaburika!”

Wakutaula 10:10

Asani chisulo chabumpha, ndipo yumoza wareka kunorako ku mlomo, watenere kukoreska ndi nthazi; kweni vinjeru vitovya munthu kufiska umampha.

Sumu 37:21

Muheni wakongora, ndipo kuti wawezga cha, kweni wakurunjika ngwa chifundu ndipo wapaska.

2 ŴaKaronga 6:15

Penipo mteŵeti wa munthu waku Chiuta wanguyuka ndi mlenjilenji kutuliya kubwaro, awonani, liŵanja la ŵankhondo ndi ŵakavalo ndi magareta linguzinga msumba wo. Ndipo mteŵeti yo wanguti, “Karonga ine, mbuyangu! Tikachitanganji?”

Chivumbuzi 18:19

Ndipo ŵangujifunthuliya fuvu pa mitu yawo uku ŵabongo ndi kuliya ndi kutenje, ŵakuti, “Owe! Owe! Msumba ukuru wo, mwenimo wose ŵa zingaraŵa zamu nyanja ŵangusambaskikiya chifukwa cha uromba wake! Mu ora limoza wapopeskeka.

Chivumbuzi 18:16

“Owe! Owe! msumba wo ukuru, wo unguvwara bafuta ndi ropa ndimlangari; unguzgangika ndi golide ndi mya yakuzirwa ndi ngale!

2 ŴaKaronga 4:7

Wanguruta kwachinene munthu waku Chiuta, ndipo iyo wanguti, “Rutanga kasaske mafuta gho ndiukalipe ngongoli zo, mwakuti iwe ndi ŵana ŵako mukarghenge ghakujako gho.”

2 ŴaKaronga 3:10

Sono karonga wa Yisraele wanguti, “Owe, Ambuya ŵadana ŵakaronga yaŵa ŵatatu kuziŵapereka mu janja laku Moabu.”

Yesaya 10:34

Wakadumuliyanga pasi ndi mbavi matundu gha lisuwa lakukho ukongwa, Lebanoni ndi miti yake ya muusu wakawanga.

2 ŴaKaronga 6:4

Viyo wanguruta nawo. Ndipo ŵanguti ŵafika ku Yordane, ŵangudumuwa miti.

2 ŴaKaronga 6:6

Sono munthu waku Chiuta wanguti, “Yawiya pani?” Wanguti wamurongo po yawa, wangudumuwa kamuti wangukapong'a penipa, ndipo mbavi yingubuka.