2 ŴaKaronga 4:8 - Tonga Bible 1986

⁸ Zuŵa limoza Elisha wanguruta ku Shunemu, kweniko munthukazi muromba wajanga, mweniyo wangumuchichizga kuti warghe kurgha. Viyo penipo pose wangwendiyako ku nthowa yiya wanguziŵa kupatukiyapo kwachirgha kurgha.

2 ŴaKaronga 4:8 Referans Kwoze

Yoswa 19:18

Charu chake chingubang'a Yezerele, Chesuloti, Shuneme,

Luka 24:29

Ndipo ŵangumukakamizga, ŵakuti, “Tandarani nafwe, pakuti nkhu mazuro, ndipo zuŵa lapendama kali, ndipo wangusere kwachitandara nawo,”

Jobu 32:9

Kuti mbara pe cha wo ŵendi zeru, pamwenga ŵara ukongwa kuti ndiwo pe ŵawamo cho nchakurunjika cha.

Jobu 1:3

Wenga ndi mberere, vikwi vinkhonde ndi viŵi (7,000) ŵagamila vikwi vitatu (3,000) magori gha ng'ombe machumi pe chumi ghankhonde (500), ndi mbunda zinthukazi, machumi pe chumi ghankhonde (500) ndi ŵateŵeti ŵanandi ukongwa, viyo munthu uyu wenga wakuzirwa ukongwa kuruska ŵanthu wose kuvuma.

Chiyambo 19:3

Kweni wangughachichizga ndi nthazi; viyo ghangupatukiya kwaku iyo ndi ghangusere mu nyumba ndipo wangughachitiya chakurgha ndipo wangughawoche chiŵande chambura mtupu, ndi ghangurgha.

1 ŴaKaronga 1:3

Viyo ŵangupenjapenja mwali wakutowa mu charu chose chaku Yisraele, ndipo ŵangusaniya Abishagi muChunami, ndipo ŵangumtole ku karonga.

2 Samuele 19:32

Barzilai wenga wakukota ukongwa wa umoyo wa virimika machumi ghankhonde ndi ghatatu (80); ndipo ndiyo wapaskanga kurgha karonga po wajanga pa Mahanaimi; pakuti wenga munthu msambasi ukongwa.

Ŵeruzgi 19:20

Ndipo doda lo linguti, “Chimangu chiŵe paku imwe; ine ndikaphwereriyanga vyose vyakukhumbikwa vinu; chimoza pe nchakuti, mungaja usiku wose pa luluwa cha.”

Machitidu gha Ŵakutumika 16:15

Ndipo wachibatizika, ndi nyumba yake yo, wangutiŵeyere, wakuti, “Asani mwanderuzga wamagomekezgeka ku Ambuya, sereni ku nyumba yangu, ndi jani kweniko.” Ndipo wangutikakamizga.

Luka 1:15

Pakuti waŵenge mura pa maso gha Ambuya: ndipo vinyo ndi chikumwa chikari wangamwanga cha; ndipo wazazikenge ndi Mzimu Wakupaturika, kutuwa mu nthombo ya nyina.

Nthanthi 7:21

Ndi kakambidu ka kuru kakuwoja watimuchichizga; ndi mazu ghake ghakufyafyaliska watimukakamizga.

2 ŴaKaronga 4:18

Wanguti wakuwa mwana yo zuŵa limoza wanguruta ku wiske mukati muŵakuvuna.

1 Samuele 28:4

ŴaFilisti ŵanguwunjikana, ŵanguza ndi kugoŵa pa Shunemu; Sauli wanguwunjika ŵaYisraele wose, ndipo ŵangugoŵa pa Gilboa.

Luka 14:23

Ndipo mbuya yo wangumunene muŵanda, ‘Tuliya ruŵi ku miseu ndi zinthowa, ndi ŵachichizgeni kusere, alinga kuti yizazike nyumba yangu.

Mateyu 25:17

Kwakulingana nako yo wa ghaŵi wangwanduwa ghanyake ghaŵi.