2 ŴaKaronga 4:1 - Tonga Bible 1986

¹ Sono muwoli wa yumoza wa ŵana ŵa ŵamchimi wanguriliya kwaku Elisha, “Ndamteŵeti wako mrumi wangu wafwa; ndipo uziŵa kuti mteŵeti wako watopa Ambuya, kweni wakumkongoleska waza kuzachito ŵana ŵangu ŵaŵi kwachiŵaŵeta kuŵa ŵaŵanda ŵake.”

2 ŴaKaronga 4:1 Referans Kwoze

Mateyu 18:25

Kweni pakuŵavi kakulipiyapo, mbuyake wangulangula kuti wasaskike iyo, ndi muwoli wake ndi ŵana, ndi vyose vyo wenga navyo mwakuti walipiyepo.

2 ŴaKaronga 2:3

Ndipo ŵana ŵa ŵamchimi ŵanguza kwaku Elisha, ŵanguti kwaku iyo, “Kumbi uziŵa kuti msana wale Ambuya ŵakamtuzgangako kwako mbuyako?” Ndipo iyo wanguti, “Inya ndiziŵa ichi, mutaka cheti.”

Chivumbuzi 19:5

Ndipo ghangutuwa ku chitengu-chaufumu cho mazu, ghakuti, “Thamikani Chiuta widu, mose mwaŵaŵanda ŵake, mwaŵakumopa, mwaŵamana ndi mwaŵara!”

Mateyu 18:30

Kweni iyo wangukana ndipo wangwachimutaya mu nyumba ya ulinda, mpaka po wangalipa ngongoli yo.

Malaki 4:2

Kweni imwe mutopa ine mwamuwona dazi la urunji lichituwa ndi uchizgi mu mapapiku ghake. Mwamuruta ndi kuchilipuka nge ndi mathole ghachituwa mu khola.

Malaki 3:16

Viyo wo ŵangopa Ambuya ŵangukambiskana uyo ndi munyake. Ambuya anguŵaphwere ndi anguŵavwa, ndipo buku lachikumbusku lingulembeka pa maso pawo la mazina ghaku wo ŵanguwopa Ambuya, ndi kughanaghana pa zina lawo.

Sumu 147:11

Kweni Ambuya akondwere ndi ŵakuwopa, wo ŵagomekezga mu chanju chawo chakufikapo.

Sumu 103:17

Kweni chifundu cha Ambuya nchakutuwa ku muyaya mpaka ku muyaya, paku ŵeniwo wose ŵati wawopa, ndi ukongorekwa wawo ngwa ku migonezi yose,

Sumu 103:11

Mo kuchanya kuliri ndi charu chapasi, ndimo chifundu chawo chiliri ukuru paku wose ŵakuŵawopa;

1 Samuele 22:2

Munthu yose yo wanguŵa mu masuzgu ndi yose yo wanguŵa ndi mlandu wangungole, ndi yose yo wangupwetekeka mtima, ŵanguwunjikana kwaku iyo; ndipo wanguŵa nduna yawo. Ndipo kwenga pamoza nayo ŵanthu akhumba machumi pe chumi ghanayi (400).

Chivumbuzi 15:4

Njani warekenge kopa imwe, Ambuya, ndi kukankhuska zina linu? Pakuti ndimwe pe mwe ŵakupaturika. Chifukwa mitundu yose yikazanga, ndipo yilambiyenge paurongo pinu; pakuti vyeruzgu vinu vyakurunjika vyawoneka pakweru!”

Yakobe 2:13

Chifukwa cheruzgu nchambura lisungu ku wakureka kuchita lisungu: ndipo lisungu litumbwiya pa cheruzgu.

Machitidu gha Ŵakutumika 13:26

“Mwaŵanthu, mwa ŵabali, mwaŵana ŵa mphapu yaku Abrahamu, ndi ŵamwinu ŵakumopa Chiuta, kwaku ifwe ghatumika mazu gha utaski wenuwu.

Mateyu 18:35

Viyo Ada nawo ŵakuchanya ndimo achitiyenge we yose waku imwe, asani mbali winu mureka kumugowoke kutuliya ku mitima yinu.”

Yeremiya 34:14

‘Pa umari wa virimika vinkhonde ndi chimoza we yose waku imwe wafwatuwe muHebere munyake, mweniyo wakuguliskika kwaku iwe ndipo watataliya iwe virimika vinkhonde ndi chimoza, utenere kumufwatuwako ku nchitu yako.’ Kweni auskemwe kuti ŵangunditegherezga cha chingana nkhundivwa cha.

Wakutaula 12:13

Umari wa makani; vyose vyavwika muwope Chiuta, ndipo sungani marangu ghake; pakuti ichi ndicho ndi nchitu yose ya munthu.

Wakutaula 8:12

Nanga mulakwi wachita uheni unandi limu ndi kuŵa ndi umoyo utali, ndipuuli ndiziŵa kuti ŵakopa Chiuta kukaŵaŵiyanga umampha, chifukwa ŵatopa pa maso pake;

Nehemiya 10:31

ndipo asani ŵanthu ŵa charu ichi ŵatuŵa ndi vinthu vya malonda pamwenga kurgha pa zuŵa la sabata kuguliska, kuti tikagulananga nawo cha pa sabata pamwenga pa zuŵa lakupaturika tikarekanga vyakurgha vya chirimika cha chinkhonde ndi chiŵi ndi kupana mangaŵa ghose.

Nehemiya 7:2

ndingupaska mwana munyangu Hanani mlimu wakuphwere Yerusalemu ndi Hananiya mumirizi wa nyumba ya ŵankhondo, pakuti iyo wenga munthu wamagomekezgeka ndi wakopa Chiuta kwakuruska ŵanandi.

2 ŴaKaronga 4:38

Elisha wanguza so ku Gilgala penipo mwenga chilala mu charu. Ndipo penipo ŵana ŵa ŵamchimi ŵanguja pasi paurongo pake wangunena ndi mteŵeti wake, “Ujarikepo nkhali yikuru uŵabikiye kurgha ŵana ŵa ŵamchimi.”

2 ŴaKaronga 2:5

Ŵana ŵa ŵamchimi wo ŵenga ku Yeriko ŵangundere kufupi kwaku Elisha, ŵanguti kwaku iyo, “Kumbi uziŵa kuti msana wale Ambuya ŵakamtuzgagako kwako kuruta nayo mbuyako?” Iyo wanguwamuka, “Inya ndiziŵa, muti ŵake cheti.”

1 ŴaKaronga 20:35

Ndipo yumoza wa ŵana ŵa ŵamchimi wangunena ndi munyake pa langulu la Ambuya, wanguti, “Undipume, nditikupempha.” Kweni munthu yo wangukana kumupuma,

1 ŴaKaronga 18:3

Ndipo Ahabu wangudana Obadiya yo wenga wakutufuliya nyumba. (Sono Obadiya wengawakopa Ambuya ukongwa;

ŴaLevi 25:48

pavuli pakujiguliska wangaziŵa kuwomboleka, yumoza wa ŵana ŵanyake wangaziŵa kumuwombo,

Chiyambo 22:12

Wanguti, “Reka kumubaya mwana yo, chingana nkhuchita nayo kanthu kanyake cha; pakuti sono ndiziwa kuti utopa Chiuta, pakuti wakaniliya mwana wako cha, mwana wako yumoza pe, kwaku ine.”

Sumu 115:13

atumbikenge wose akopa Ambuya, ŵamana ndi ŵara kwakukozgana.

2 ŴaKaronga 6:9

Kweni munthu waku Chiuta wangutuma mazu ku karonga waYisraele, “Chenje ungadumuwanga pa malo ghakuti cha, chifukwa ŵaSiria ndipo ŵakasikiyanga.”

Yesaya 50:1

Viyo atiti Ambuya, “Wepani karata wa chipata wa anyoko, mweniyo ndinguŵapatiyapo? Pamwenga nkhu wamateu nunju yo ndingukuguliskako? Ehe, unguguliskika chifukwa cha maulakwi ghako, chifukwa cha mautimabanizi ghako reka anyoko angupatika.

Ruti 1:3

Kweni Elimeleke, murumi waku Naomi wangufwa, ndipo Naomi wangusiyaka ndi ŵana ŵake ŵaŵi ŵanthurumi.

2 ŴaKaronga 2:7

Ŵanthurumi machumi ghankhonde ŵanaŵe ŵamchimi nawo ŵanguruta ndi ŵanguma pataliko kwaku wo ŵaŵi penipo ŵenga ŵeche kuma pa Yordane.

2 ŴaKaronga 2:15

Sono penipo ŵana ŵa ŵamchimi wo ŵenga pa Yeriko, ŵangumuwona kuza kwaku wo, ŵanguti, “Mzimu waku Eliya we paku Elisha.” Ndipo ŵanguza kuzachikumana nayo, ndipo ŵangukotama pasi pauronga pake.

Nthanthi 22:7

Musambasi wateruzga wakusauka, ndipo wakukongola ndi muŵandawa wakumukongoleska.