2 ŴaKaronga 21:7 - Tonga Bible 1986

⁷ Ndipo ngoza wakusema waku Ashera, yo wangupanga wangumumika mu nyumba yeniyo Ambuya angukamba kwaku Davidi ndi kwaku Solomoni mwana wake, “Mu nyumba iyi ndimu Yerusalemu, yo ndasankha mu makhamu ghose gha Yisraele, ndikaŵikangamo zina langu muyaya,

2 ŴaKaronga 21:7 Referans Kwoze

2 Mikoka 7:16

Chifukwa sono ndayisankha ndi kuyipatuwa nyumba yo mwakuti zina langu liŵenge mwaku yo muyanya; maso ghangu ndi mtima wangu vikaŵanga mwaku yo nyengo yose.

1 ŴaKaronga 9:3

Ndipo Ambuya anguti kwaku iyo, “Ndavwa rombu lako ndi kuŵeyere kwako, ko wachita paurongo pangu; ndayituŵiska nyumba yo wazenga, ndipo ndaŵika zina langu mwenimo muyaya, maso ghangu ndi mtima wangu vikaŵanga mwenimo nyengo yose.

1 ŴaKaronga 8:29

kuti maso ghinu ghaŵe ghakujurika usiku ndi msana pa nyumba iyi, malo ghenigho imwe mwaghakamba kuti, ‘Zina langu likajanga mwenimo,’ alinga mutegherezgenge ku rombu lenilo wapereka muŵanda winu pa malo agha.

2 Samuele 7:13

Wakazengiyanga nyumba zina langu ndipo ndikakhozganga chitengo cha ufumu wake muyaya.

Yeremiya 32:34

Wakumika maukazuzi ghawo mu nyumba yeniyo yidanika ndi zina langu, kuyikazuzga.

Nehemiya 1:9

kweni asani mukaweriyanga kwangu ndi kusunga marangu ndi kughachita, chingana kumbininiskika kwinu kungalutiriya ku midengwendi yakutali ndikaŵawunjikanga pamoza kutuwa kweniko ndi kuza nawo ku malo gho ndasankha kuwandiska zina langu kweniko?’

2 Mikoka 33:15

Wangutuzgamo ŵachiuta ŵalendo, ndi vikozgu mu nyumba ya Ambuya, ndi majochero ghose gho wanguzenga mu phiri po penga nyumba ya Ambuya, ndimu Yerusalemu, wanguvitaya kubwalo kwa msumba.

2 Mikoka 33:7

Ndipo ngoza wakusema chikozgo cho wanguchita, wanguŵika mu nyumba yaku Chiuta yeniyo Chiuta wangukamba kwaku Davidi ndi kwaku Solomoni mwana wake, “Mu nyumba iyi ndi mu Yerusalemu yo ndasankha mukati mu mafuko ghose ghaku Yisraele, ndiŵikengemo zina langu muyaya;

2 Mikoka 7:20

nkhakutuzgangamo mu charu cho ndakupaska, ndi nyumba iyi, yo ndayipatuliya ku zina langu, ndiyitayenge kuti yireke kuwoneka so ku maso ghangu, ndiyisanduskenge nthanthi ndi chitozeru mukati mu ŵanthu wose.

2 Mikoka 7:12

Ndipo Ambuya angumuwoneke Solomoni ndi usiku, ndi anguti kwaku iyo, “Ndavwa rombo lako, ndipo ndajisankhiya malo yagha kuŵa nyumba yakuperekiyamo sembe.

2 ŴaKaronga 23:27

Viyo Ambuya anguti, “Ndikamutuzgangapo Yuda nayo sopa, maso ghangu, uli ndimo ndamutuzgiyapo Yisraele, ndipo ndikawutayanga msumba uwu Yerusalemu, wo ndingusankha, ndi nyumba iyi paku yo ine ndinguti, zina langu likajanga mwenimuwa.”

2 ŴaKaronga 23:6

Ndipo wangutuzga chikozgo cha Ashera mu nyumba ya Ambuya, kwachitaya kubwalo kwa Yerusalemu, ku kamsinje ka Kidroni, wanguchoche pa kamsinje ka Kidroni wanguchipuwa kuŵa fuvu ndipo wangudira fuvu lake pachanya ndi miunda ya ŵanthu bweka.

2 ŴaKaronga 21:4

Ndipo wanguzenga majochero mu nyumba ya Ambuya gho Ambuya anguti, “Mu Yerusalemu ndikaŵikangamo zina langu.”

Marangu 16:21

“Mungapandanga muti we wose cha kuŵa lisuwa kuŵandikana ndi jochero la Ambuya Chiuta winu lo mukachitanga.

Sumu 74:2

Kumbukani mpingu winu, wo mukugula mwaka, ŵanthu wo mukuwombo kuŵa khamu laku mwaŵeni. Kumbukani phiri la Zioni, mo mwajanga!

1 ŴaKaronga 9:7

po ndipo ndikamudumuwangako Yisraele ku charu chenicho ndikuŵapaska; ndi nyumba yeniyo ndatoweske zina langu ndikayituzgangako ku maso ghangu; ndipo Yisraele wakaŵanga nthanthi ndi mphekuru mu makhamu ghose gha ŵanthu.

1 ŴaKaronga 8:44

“Asani khamu linu lituya ku nkhondo kwachirwana ndi ŵarwani ŵawo, pa nthowa yose yo muŵatumiyengemo, ndipo, ŵarombenge ku Ambuya kurata ku msumba weniwo mukusankha ndi nyumba yeniyo ndazenge zina linu,

2 ŴaKaronga 23:4

Ndipo karonga wangulanguliya Hilkiya mzukuru mura ndi ŵazukuru ŵachigaŵa cha chiŵi, ndi ŵakusunga mbuli, kwachituzga mu kasopi wa Ambuya viyaŵi vyose vyo vingupangikiya Bala vyaku Ashera, ndi vya maŵanja ghose gha kuchanya, wanguvyoche kubwalo kwa Yerusalemu mu minda ya Kidroni, kweni vyoto vyake vingutoreke ku Betele.

Ezekiele 23:38

Chinyake cho ŵandichitiya nchakuti: ŵakazuzga malo ghangu ghakupaturika ndi kufipiska masabata ghangu pa zuŵa lenilo pe.

2 ŴaKaronga 16:11

Ndipo Uriya mzukuru wanguchita jochero, kwakuyana ndi vyose vyo karonga Ahazi wangutuma kutuliya ku Damasko, viyo Uriya wangulizenga karonga wenga wandafike kutuwa ku Damasko.

2 Mikoka 6:6

Kweni ndasankha Yerusalemu kuti zina langu liŵemo, ndipo ndasankha Davidi kuti wause ŵanthu ŵangu ŵa Yisraele.’

Sumu 78:58

Wangumukalariska ndi malo ghawo ghaheni gha visopo, ŵangumuchitiska sanji ndi ŵangoza ŵawo.

Yeremiya 7:30

“Pakuti ŵana ŵaku Yuda ŵachita uheni mu maso ghangu, atiti Ambuya, ŵamika maukazuzi ghawo mu nyumba yeniyo yikudanika ndi zina langu, kuyikazuzga.