2 ŴaKaronga 21:5 - Tonga Bible 1986

⁵ Wanguzenge maliŵanja ghose ghakuchanya majochero mu maluluwa ghaŵi gha nyumba ya Ambuya.

2 ŴaKaronga 21:5 Referans Kwoze

1 ŴaKaronga 7:12

Bwalo likuru lenga ndi mizeri yatatu ya mya yakudumulika kuzunguliya kose, ndi mzeri wa miti yakupinjika ya milanji, bwalo la mukati la nyumba ya Ambuya nalo lenga navyo ivi, ndi khonde la nyumba nalo so viyo.

2 ŴaKaronga 23:12

Wangubwanganduwa majochero gha pa mitenje ya chipinda cha pachanya chaku Ahazi cho ŵakaronga ŵaku Yuda ŵangupanga, ndi majochero gho wanguzenga Manase mu mabwalo ghaŵi gha nyumba ya Ambuya, wanguwiskiya pasi ndi wanguswa tumana tumana, ndipo wangutaya fuvu lake mu kamsinje ka Kidroni.

2 ŴaKaronga 23:4

Ndipo karonga wangulanguliya Hilkiya mzukuru mura ndi ŵazukuru ŵachigaŵa cha chiŵi, ndi ŵakusunga mbuli, kwachituzga mu kasopi wa Ambuya viyaŵi vyose vyo vingupangikiya Bala vyaku Ashera, ndi vya maŵanja ghose gha kuchanya, wanguvyoche kubwalo kwa Yerusalemu mu minda ya Kidroni, kweni vyoto vyake vingutoreke ku Betele.

1 ŴaKaronga 6:36

Wanguzenga bwalo la mukati ndi mya yakusema mizeri yitatu ndi mizeri umoza wa miti ya migomba ya milanje.

Ezekiele 44:19

Ndipo asani ŵatuliya ku luluwa la kubwalo ku ŵanthu, ŵazuwe vyakuvwara vyo ŵateŵetiyanga, ŵaviŵike mu vipinda vituŵa; ndipo ŵavware maraya ghanyake, mwakuti ŵareke kupereka utuŵa wa vyakuvwara vyawo ku ŵanthu.

Ezekiele 43:5

Mzimu ungundisoska, kuza nane mu luluwa la mukati; awonani, unkhankhu wa Ambuya unguzaza kasopi.

Ezekiele 42:3

Kurungizgako mikono machumi ghaŵi yo yenga ya luluwa la mukati, kulereska kanthowa kakuyarikika ndi mya, mwenga kanthowa ka lifyakafyaka kuthyana ndi kanthowa ka lifyakafyaka mu kuyerekana patatu.

Ezekiele 40:47

Wangupima luluwa, utali lenga mikono machumi pe chumi (100), usani wake lenga mikono machumi pe chumi (100) lenga la nyondo zinayi; ndipo jochero lenga panthazi pa kasopi.

Ezekiele 40:37

Khonde lake lingulereska luluwa la kubwalo, nchindamilo zenga ndi miti ya kanchindwi, yimoza kuchiri kuno yinyake kuchiri kuwa; makwerero ghake ghenga michapu nkhonde ndi yitatu.

Ezekiele 40:32

Sono wangundiserezga mu luluwa la mukati kuchiri ku vuma, wangupima likomo; ukuru wake wenga wakuyana ndi ghanyake.

Ezekiele 40:28

Wangundiserezga mu luluwa la mukati ku likomo laku Malaŵi, ndipo wangupima likomo laku malaŵi, nalu so lingulingana ndi malikomo ghanyake ukuru.

2 Mikoka 33:15

Wangutuzgamo ŵachiuta ŵalendo, ndi vikozgu mu nyumba ya Ambuya, ndi majochero ghose gho wanguzenga mu phiri po penga nyumba ya Ambuya, ndimu Yerusalemu, wanguvitaya kubwalo kwa msumba.

2 Mikoka 33:5

Wanguzenge maliŵanja gha kuchanya, majochero ghose mu mabwalo ghaŵi gha nyumba ya Ambuya.

2 ŴaKaronga 23:6

Ndipo wangutuzga chikozgo cha Ashera mu nyumba ya Ambuya, kwachitaya kubwalo kwa Yerusalemu, ku kamsinje ka Kidroni, wanguchoche pa kamsinje ka Kidroni wanguchipuwa kuŵa fuvu ndipo wangudira fuvu lake pachanya ndi miunda ya ŵanthu bweka.

2 ŴaKaronga 23:5

Wangutuzgamo ŵazukuru ŵa ŵangoza wo ŵakaronga ŵaku Yuda ŵangumika kocha vyachema mu malo ghapachanya mu misumba yaku Yuda ndi kwakuzunguliya Yerusalemu, ndi ŵeniwo so wochiyanga vyachema Bala, ŵakoche lumwi, mwezi, ndiwumba wanyenyezi, ndi maŵanja ghose gha kuchanya.

2 Mikoka 4:9

Wanguzenga so bwalo la ŵazukuru, ndiso bwalo likuru, ndi visasa vya bwalo,

Ezekiele 8:16

Ndipo wangunditore mu luluwa la mukati la nyumba ya Ambuya; awonani, pakhomo pa kasopi wa Ambuya, pakati pa khonde lake ndi jochero, penga akhumba ŵanthu machumi ghaŵi ndi ŵankhonde, ŵangurazga misana yawo ku kasopi wa Ambuya, visku vyawo vingurazga kuchiri ku vuma, ŵasopanga lumwi ku kutuliya kwake.