2 ŴaKaronga 21:3 - Tonga Bible 1986

³ Pakuti wanguzenga so malo gha pachanya gho awiske Hezekiya ŵangubwanganduwa, ndipo wanguzenga majochero ghaku Bala ndi wangupanga Ashera, uli ndimo wanguchitiya Ahabu karonga wa waYisraele, ndipo wangusopa maŵanja ghose gha kuchanya, ndi kughateŵete.

2 ŴaKaronga 21:3 Referans Kwoze

2 ŴaKaronga 18:4

Wangutuzgamo malo gha pachanya, ndi wanguguinuliya pasi vigaŵa ndi kudumuliya pasi Asera. Wangudumuwa tumanatumana njoka ya mkuŵa yo wangupanga Mosese, pakuti mpaka kufika ku mazuŵa gho ŵaYisraele ŵangoche vyachema kwaku yo, yadanikanga chimkuŵa.

2 ŴaKaronga 17:16

Kweni iwo ŵangujowo marangu ghose gha Ambuya Chiuta wawo, ŵangujichitiya vikozgu vyakwenguwa vya ng'ombe ziŵi, ŵangujichitiya Ashera, ndipo ŵangusopa maliŵanja ghose kuchanya, ndipo wangutataliya Bala.

Marangu 17:3

pakuteŵete ŵachiuta ŵanyake ndi kuŵasopa, pamwenga kusopa dazi, pamwenga mwezi, pamwenga che chose cha maliŵanja gha kuchanya, cho ndakanizga.

Marangu 4:19

Ndipo muchenje vinu mungayunuskiya maso ghinu kuchanya, ndipo penipo mungawona dazi, mwezi, nyenyezi, ndi vya liŵanja lose lakuchanya, mungang'anamukiyaku ndi kuvisopa ndi kuviteŵete vinthu vyenivyo Ambuya Chiuta winu wavipereka ku ŵanthu wose ŵa pasi pa mtambo wose.

Mika 6:16

Chifukwa mwasunga vilayizgu vyaku Omri, ndi vyakuchita vyose vya nyumba yaku Ahabu; ndi mwayenda mufundu zawo; ndi mupasuweninge, ndi ŵakujamo ŵinu wakafyonyekanga; viyo mukayeyekanga ndi ŵanthu.”

Jobu 31:26

asani ndalereska pa lumwe penipo linguŵara, pamwenga pa mwezi po wendanga ndi kugadima,

2 Mikoka 34:3

Chifukwa mu chirimika cha chinkhonde ndi chitatu cha muwusu wake weche muhurwa, wangwamba kupenja Chiuta waku Davidi mbuyake; ndipo mu chirimika cha chumi ndi viŵi wangwamba kutozga Yuda ndi Yerusalemu, kutuzgamo malo gha pachanya, ndi Ashera, ndi ŵangoza ŵakusongono.

2 Mikoka 32:12

Yo Hezekiya ndatinge wakutuzgamo malo ghake gha pachanya ndi viguŵa, ndi kulanguliya Yuda ndi Yerusalemu kuti, “Musopenge pa chiguŵa chimoza ndi kochiyapo vya chema”?

2 ŴaKaronga 18:22

Kweni asani unenenge kwaku ine, “Ifwe tiyegeme, pa Ambuya Chiuta widu,” asi ndi mweniyo malo ghake gha pachanya ndi majochero gha sembe Hezekiya wakutuzgamo ndi kukamba kwaku Yuda ndi Yerusalemu kuti, “Mukasopanga paurongo pa jochero ili mu Yerusalemu?”

2 ŴaKaronga 8:27

Iyo nayo wangwenda mu nthowa ya nyumba yaku Ahabu, wanguchita cho chenga chiheni mu maso gha Ambuya, uli ndimo nyumba yaku Ahabu yinguchitiya, pakuti wenga mkosanu ku nyumba yaku Ahabu.

2 ŴaKaronga 8:18

Ndipo wangwenda mu nthowa ya ŵakaronga waYisraele, uli ndimo nyumba yaku Ahabu yinguchitiya, pakuti mwana muthukazi waku Ahabu ndiyu wenga muwoli wake. Wanguchita cho chenga chiheni mu maso gha Ambuya.

1 ŴaKaronga 18:26

Ndipo ŵanguto nkhuzi yo ŵangupaskika ŵanguyirongoso, ndi ŵangudana pa zina laku Bala kwamba ndi mlenji mpaka msana pakati, “Bala we, utamuke!” Kweni pengavi mazu, ndipo pengavi yo wangwamuka. Ndipo ŵanguganthiyaganthiya pa chiguŵa cha sembe cho ŵanguchita.

1 ŴaKaronga 18:21

Ndipo Eliya wanguza pafupi ndi ŵanthu wose, wanguti, “Mpaka zuŵanji mwendenge ŵakuganthiyaganthiya ndi makhumbo ghaŵi ghakupambana? Asani Ambuya ndiwo Chiuta, murundoni, kweni asani ndi Bala, iku rondoni mweniyo.” Ndipo ŵanthu kuti wangumwamuka nanga ndi mazu cha.

Marangu 16:21

“Mungapandanga muti we wose cha kuŵa lisuwa kuŵandikana ndi jochero la Ambuya Chiuta winu lo mukachitanga.

Marangu 17:2

“Asani kwasanirika nukati mwinu, mu mizi yinu yose yo Ambuya Chiuta winu watumupaskani, munthurumi pamwenga munthukazi yo walakwa mu maso gha Ambuya Chiuta winu, pakujumpha phanganu la Ambuya,

Marangu 20:18

alinga kuti ŵareke kumusambizgani kuchita kwakuyana ndi machitidu ghawo ghose ghakazuzu ghenigho ŵachitanga kukuteŵete ŵachiuta ŵawo, kuti imwe mulakwiye Ambuya Chiuta winu.

Yeremiya 7:30

“Pakuti ŵana ŵaku Yuda ŵachita uheni mu maso ghangu, atiti Ambuya, ŵamika maukazuzi ghawo mu nyumba yeniyo yikudanika ndi zina langu, kuyikazuzga.

2 ŴaKaronga 13:6

Ndipuuli kuti ŵangutuwako cha ku maulakwi gha nyumba yaku Yeroboamu ghenigho wangulakwiskiya Yisraele, kweni ŵendanga mwenimo, ndipo ŵaAshera nawo ŵangujariliya mu Samaria.)

Yesaya 65:11

Kweni imwe mupata Ambuya, imwe mwaruwa phiri langu lakupaturika, imwe mumika gome chifukwa cha Mwaŵi muzaza vyandi vya vinyo wakusazga kuzaziya Nyifwa;