2 ŴaKaronga 2:12 - Tonga Bible 1986

¹² Ndipo Elisha wanguchiwona ichi, wanguliya, “Ada! Ada! Magareta ghaku Yisraele ndi ŵanthu ŵake ŵa ŵakavalo!” Ndipo kuti wangumuwona so cha. Sono wanguto vivwalo vyamweneko ndi wanguviparuwa paŵi.

2 ŴaKaronga 2:12 Referans Kwoze

2 ŴaKaronga 13:14

Sono Elisha wanguti watama ndi urwali wakumutole ku nyifwa, Yoashi karonga waku Yisraele wanguruta kwaku iyo, ndipo wanguliya paurongo pake, wakuti “Ada! Magareta ghaku Yisraele ndi ŵapakavalo ŵake!”

Chivumbuzi 11:12

Ndipo ŵanguvwa mazu ghakuru kutuwa kuchanya ghakuŵanene, “Kweriyani kuno!” Ndipo ŵangukwere kuchanya mu mtambo, ŵamawongu ŵawo ŵaŵawonanga ŵachikwera.

ŴaEfeso 4:8

Viyonthu watiti, “Penipo wangukwere so kuchanya, wanguyora liŵanja la ŵamikoli, ndipo wangupaska mipasku ku ŵanthu.”

2 ŴaKorinte 5:4

Chifukwa nadi po teche mu hema la liŵavu lenili titamantha ndi kuzitiskika, chifukwa kuti tikhumba kuvwinkhulika cha, kweni kuvwalikika, alinga kuti lachifweni ili limezeke ndi umoyo.

2 ŴaKorinte 5:2

Chifukwa nadi mwaku yeniyi titamantha, taŵakunweka kuvwalikika uja widu wo wakutuliya kuchanya,

Machitidu gha Ŵakutumika 8:2

Ndipo ŵanthurumi ŵakopa Chiuta ŵangumuŵika Stefano, ndipo paku iyo ŵanguchitiya chitenje chikuru.

Machitidu gha Ŵakutumika 1:9

Ndipo wanguti wakamba mazu yagha, ŵachilereska iwo, wangutoreke kuchanya; ndipo mtambo ungumronde ku maso kwawo.

Yohane 3:13

Chifukwa palivi yumoza yo wakweriyako kuchanya, kweni mwana wa munthu pe yo wasikako ku kuchanya.

Luka 24:51

Ndipo kunguŵa, weche kuŵatumbika iyo, wangupatukako kwaku wo, ndipo wanyamulikiyanga kuchanya.

Luka 2:15

Ndipo kunguŵa, penipo ŵangelo ŵangutuwako kwaku wo ndi kuruta kuchanya, ŵaliska nawo ŵangunenerana, “Tiyeni mpaka ku Betelehemu, ndi tiwone nkhani yeniyi yakuŵapo, yo Ambuya ŵatiziŵiska.”

Marko 16:19

Viyo ndipo Ambuya Yesu, pavuli pa kurongoro nawo, wangurondeke kuchanya, ndipo wangujariya pasi ku janja lamarghe laku Chiuta.

Yesaya 37:21

Sono Yesaya mwana waku Amozi wangutuma kwaku Hezekiya, wanguti, “Atiti Ambuya Chiuta waku Yisraele: Chifukwa waromba kwangu paku Senakaribu karonga wa Asiriya,

Yesaya 37:15

Ndipo Hezekiya wanguromba ku Ambuya:

Nthanthi 30:4

Njani wangukwere kuchanya ndi kusikiya pasi? Njani wakufumbatiya mphepo mu janja lake? Njani wakuvungiya maji mu chivwaru chake? Njani wakujarika vigoti vyose vya charu chapasi? Zina lake njani ndipo zina la mwana wake njani? Kwakuneneska muziŵa!

Machitidu gha Ŵakutumika 27:24

wakuti, ‘Ungopanga cha, Paulo; kutenere iwe kwachima paurongo paku Kaisare: ndipo awona, Chiuta wakupaska wose ŵakwenda nawe pamoza.’

Yesaya 37:4

Panyake kokuli Ambuya Chiuta wako wakuvwa mazu gha muthenga yuwa, yo Ambuya ŵake, karonga wa Asiriya watuma kutoza Chiuta wamoyo, ndipo wakachenyanga mazu gho Ambuya Chiuta wako wavwa; chifukwa chenichi soska rombu lako chifukwa chaku ŵa ŵajako ŵakulekeka.’ ”

Wakutaula 7:19

Vinjeru vipaska nthazi ku munthu wazeru kwakuruska ŵakuwusa chumi wo ŵemu mu msumba.

Nthanthi 11:11

Ndi chitumbiku cha wakunyoroka msumba ukuzgika, kweni uthereskeka ndi mlomo wa wamphulupulu.

Jobu 22:30

Wataska munthu wambura mrandu; ukataskikanga chifukwa cha kuphotoka kwa manja ghako.”

Chiyambo 37:34

Sono Yakobe wanguparuwa vyakuvwara vyake ndi wanguvwala vigudulu mu chiunu mwake, ndipo wangutenjere mwana wake mazuŵa ghanandi.

2 ŴaKaronga 2:13

Ndipo wanguto chivwalo chaku Eliya chenicho chingumbotoka kwake, wanguweko ndipo wanguma pa likumba la Yordane.

2 ŴaKaronga 5:13

Kweni ŵateŵeti ŵake ŵanguza pafupi ndi ŵangumufumba ŵakuti, “Ada, kumbi asani mchimi wangukulanguliyani kuchita chinthu chizitu asi mwatinge muchitenge? Na uzitu ngune pakumuneniyani kuti, ‘Kasambe utozgeke’?”

2 ŴaKaronga 6:21

Penipo karonga wa ŵaYisraele wanguŵawona, wanguti kwaku Elisha, “Ada, kumbi ndiŵabaye? Kumbi ndiŵabaye?”

Chiyambo 5:24

Enoke wanguti wenda ndi Chiuta, kuti wanguwoneka so cha, chifukwa Chiuta wangumuto.

Ŵeruzgi 17:10

Mika wanguti kwaku iyo, “Ujenge penipano, ndipo uŵe kwaku ine ada ndi mzukuru, ndipo ndikakupaskanga ndrama za siliva chumi pa chaka, ndi maraya, ndi kurgha.”