2 ŴaKaronga 16:2 - Tonga Bible 1986

² Ahazi wenga wavirimika machumi ghaŵi wachamba kuwusa, wanguwusa virimika chumi pachanya nkhonde ndi chimoza mu Yerusalemu. Ndipo wengavi kuchita cho chenga chamampha mu maso gha Ambuya Chiuta wake, uli ndimo wiske davidi wanguchitiya,

2 ŴaKaronga 16:2 Referans Kwoze

2 Mikoka 29:2

Wanguchita cho chenga chakurunjika pa maso pa Ambuya, kwakuyana ndi chose cho mbuyake Davidi wanguchita.

2 Mikoka 17:3

Ndipo Chiuta wenga nayo Yehosafati chifukwa wendanga mu nthowa zakudanga, wengavi kupenja ŵaBala.

2 ŴaKaronga 22:2

Wanguchita cho chenga chakurunjika mu maso gha Ambuya, wangwenda munthowa zose zaku Davidi awiske, ndipo wengavi kung'anamukiya ku marghe pamwenga ku maze.

2 ŴaKaronga 18:3

Ndipo wanguchita cho chenga chakurunjika mu maso gha Ambuya kwakuyana ndi vyose vyo awiske Davidi wanguchita.

2 ŴaKaronga 15:34

Uyu wanguchita cho chenga chakurunjika mu maso gha Ambuya, kwakuyana ndi vyose vyo wiske Uziya wanguchita.

2 ŴaKaronga 15:3

Ndipo wanguchita cho chenga chakurunjika mu maso gha Ambuya, kwakuyana ndi chose cho wanguchita Amaziya awiske.

2 ŴaKaronga 14:3

Ndipo wanguchita cho chenga chakurunjika mu maso gha Ambuya, kweni uli ndi Davidi awiske cha, mu vinthu vyose wanguchita nge ndimo wiske Yoashi wanguchitiya.

1 ŴaKaronga 15:3

Ndipo wangwenda mu mauheni ghose gho awiske ŵanguchita paurongo pake, ndipo mtima wake kuti wenga wa uneneska kwakufikapo cha ku Ambuya Chiuta wake, nge ndi mtima waku Davidi awiske.

1 ŴaKaronga 9:4

Ndipo kwaku iwe, asani ukendanga paurongo pangu ulaka ndimo Davidi auso ŵangwende, mu ukongorekwa wa mtima ndi kunyoroka, kuchita kwakulingana ndi vyose vyenivyo, ndakulanguliya, kusunga marangu ghangu ndi vyeruzgu vyangu,

1 ŴaKaronga 3:14

Ndipo asani ukendanga mu nthowa zanga, kusunga marangu ghangu ndi malangulu ghangu, nge ndimo wangwende Davidi ausu po ndipo ndikuskiyengeko mazuŵa ghako.”

2 ŴaKaronga 18:1

Mu chirimika cha chitatu chaku Hosheya mwana waku Ela, karonga waku Yisraele, Hezekiya mwana waku Abazi, karonga waku Yuda wangwamba kuwusa.