2 ŴaKaronga 10:7 - Tonga Bible 1986

⁷ Ndipo penipo karata wanguŵafika, ŵanguko ŵana ŵa karonga ndi ŵanguŵika mitu yawo mu zisokola, ndi ŵanguyituma kwaku iyo ku Yezerele.

2 ŴaKaronga 10:7 Referans Kwoze

1 ŴaKaronga 21:21

Ehe, ndikazanga ndi uheni paku iwe; ndikakupeyanga tetete, ndipo ndikadumuwangako kwaku Ahabu munthurumi yose, kapolo pamwengamwanangwa, mu Yisraele,

2 ŴaKaronga 11:1

Penipo Ataliya nyina waku Ahaziya wanguwona kuti mwana wake wafwa, wangusoka ndi wangubwanganduwa mbumba yose ya ukaronga.

2 Mikoka 21:4

Wanguti wakwera Yehoramu pachitengo cha awiske, ndikukhozgeka, wangubaya ŵabali ŵake wose ndi lipanga, ndi ŵakaronga ŵanyake viyo mwaku Yisraele.

2 ŴaKaronga 10:9

Ku mlenji, wanguti watuwa wanguma, wangunena ndi ŵanthu wose, “Mulivi kalema. Ine ndine ndinguyukiya mbuyangu, ndi kumubaya, kweni na njani yo wakoso wose yaŵa?

2 ŴaKaronga 10:6

Sono wanguŵalembe karata wa chiŵi, wanguti, “Asani mwe kuchiri kwangu, ndipo mwe ŵakurongosoleka kundivwiya, dumuwani mitu ya ŵana ŵambuyamwe, ndipo muze kwangu pa Yezerele la mawa pa nyengu nge ndi iyi.” Sono ŵana ŵa karonga wo ŵenga machumi ghankhonde ndi ghaŵi, ŵajanga ndi ŵanthu ŵakuzirwa ŵa mu msumba, wo ŵaŵaleranga.

2 ŴaKaronga 10:8

Wanguti waza muthenga kumunene, “Ŵaza nayo mitu ya ŵana ŵa karonga,” iyo wanguti, “Muyiwunjike ndundu ziŵi pakuserere pa likomo mpaka ku mlenji.”

1 ŴaKaronga 21:19

Ukanene kwaku iyo, ‘Viyo atiti Ambuya, “Kumbi wabaya ndi kuphanga so?” ’ Ndipo ukanene, kuti, ‘Viyo atiti Ambuya, “Mu malo mwenimo ŵagaru ŵanyanganga ndopa zaku Naboti, ndimu so ŵagaru ŵakanyanganga ndopa zako.” ’ ”