2 Timote 4:5 - Tonga Bible 1986

⁵ Kweni iwe uzize mwaku vyose, kunthiyapo uheni, chita mlimu wa evangeli, fiska uteŵeti wako.

2 Timote 4:5 Referans Kwoze

2 Timote 1:8

Viyo na, ungakanyariya cha pa ukaboni wa Ambuyafwe, chingana mphaku ine ndamkoli wake: kweni vwiyangapo maukomwa ghaheni pamoza ndi evangeli uli ndi nthazi yaku Chiuta;

1 Petro 1:13

Chifukwa chenichi pakujichinyiya mu vionu vya vinjeru vinu, zizani ndi gomekezgiyani limu kwaumari pa wezi wo utolekiyenge kwaku imwe pa uvumbuzi waku Yesu Kristu;

2 Timote 2:3

Vwiyangapo vikomwa pamoza nane, nge ngwankhondo mweneke waku Kristu Yesu.

ŴaKolose 4:17

Ndipo muneniyeni Arkipo kuti, “Fiska uteŵeti wo waronde mu Mbuya.”

1 Timote 4:12

Wareke munthu yose kuyeya umpupuka wako; kweni uŵe chandiru cha ŵakuvwana mumazu, mu nkharu, mu chanju, mu chivwanu, mu ukhovu.

Machitidu gha Ŵakutumika 21:8

Ndipo pakutuwako pa lamlenji tinguza ku Kaisarea, ndipo tingusere mu nyumba yaku Filipu, mtaula yo, yumoza waku wo ŵankhonde ndi ŵaŵi, ndipo tingutandara kwake.

1 Timote 4:15

Phwerenga vyenivi jaririyanga mwaku vyo, alinga kuti kakiyakiyidu kako kawoneke kwaku wose.

1 ŴaTesalonika 5:6

Viyo na tireke kura tulo nge mbanyake, kweni ticherezge ndi tizize.

Chivumbuzi 3:2

Uŵe wakucherezga, ndipo uvikhozge vyo vyajapo, vyenga vindafwe; chifukwa kuti ndasaniya nchitu zako zakufiskika cha paurongo paku Chiuta wangu.

ŴaEfeso 4:11

Ndiyo nayo wangupaska ŵanyake kuŵa ŵakutumika; ndi ŵanyake ŵamchimi; ndi ŵanyake ŵaevangeli; ndi ŵanyake ŵaliska ndi ŵasambizgi,

ŴaHebere 13:17

Vwiyani ŵarongozgi ŵinu, ndipo ŵatheriyeni: chifukwa iwo ŵalindiya pa chifwa cha mizimu yinu, uli mbeniwo ŵamkamba likonkhoska; alinga ŵalichite ndi chimwemwe, ndipo ndi kudinginika cha: chifukwa chenichi chingaŵiya imwe chambura chanduku.

2 Timote 2:10

Chifukwa chenichi ndikunthiyapo vyose pa chifwa cha ŵakusankhika, alinga kuti iwo nawo ŵafikapo pa utaski wa mwaku Kristu Yesu ndi unkhankhu muyaya.

Luka 12:37

Mbamwaŵi ŵaŵanda yaŵa ŵeniwo mbuya yo, wakuti waza, waŵasaniyenge mbakukhazga; nadidi ndikuneniyani, kuti wajichinyiyenge ndi waŵajarikenge pa kurgha, ndi wazamkuŵamiriya.

Marko 13:37

Kweni chenicho ndinene imwe, ndinene wose: Khazgani.”

ŴaKolose 1:25

Waku lenilo ndaŵiya mteŵeti, kwakulingana ndi uteŵeti wakupaturika wo ungupaskika kwaku ine pa chifukwa chinu, mwakuti ndifiske kumemeza mazu ghaku Chiuta,

ŴaRoma 15:19

mu nthazi ya visimikizgu ndi minthondwi, mu nthazi ya Mzimu Wakupaturika; viyo kuti, kutuwa ku Yerusalemu, ndi kwakuzunguliya mpaka ku Iluriko, ndafiska kumemeza evangeli waku Kristu,

Marko 13:34

Uli ndimo munthu wakuŵa pa ulendo, wachisiya nyumba yake, ndi wachipaska mtufu ku ŵaŵanda ŵake, ku yumoza ndi yumoza nchitu yake, walanguliya mlindakhomu nayo kuti wakhazge.

Ezekiele 33:2

“Mwana wa munthu, kamba ndi ŵanthu ŵako uŵanene kuti, Asani ndituza ndi lipanga pa charu, ndipo ŵeni-charu ŵato munthu mukati mwawo, ndi kumuŵika nge ndi mlonda wawo;

Ezekiele 3:17

“Mwana wa munthu, ndakuchita uŵe mulonda wa nyumba yaku Yisraele; penipo pose utuvwa mazu ghangu, ukaŵachenjezganga.

Yeremiya 6:17

Ndingumika ŵalonda paku imwe, ndi kuti, ‘Phwereni ku kuliya kwa mbata.’ Kweni iwo ŵanguti, ‘Kuti tikaphwerenga cha!’

Yesaya 62:6

Ndaŵikapo ŵalonda pa malinga ghako, Yerusalemu we, msana wose ndi usiku wose kuti wakachetamanga cha. Imwe muŵika Ambuya mu chinkhumbu chinu, mungapumuwanga cha,

Ezekiele 33:7

“Viyo iwe, mwana wamunthu, ndakuŵika mlonda pa nyumba yaku Yisraele; penipo pose utuvwa mazu kutuwa ku mlomo wangu, uŵacheŵeske mwaku ine.

ŴaEfeso 4:12

kwachikongoreske ŵakupaturika wo ku mlimu wa uteŵeti, kwachizenge liŵavu lo laku Kristu;

2 Timote 4:17

Kweni Mbuya iyo wangumapo pamoza nane, ndipo wangundikhomeska; alinga kuti mwaku ine mumemezu wo ufiskike, ndipo kuti ŵanguvwa ŵaMitundu wose: ndipo ndingutaskika ku mlomo wa nkharamu.

Mateyu 25:16

Sono yo wanguronde matalente ghankhonde wanguruta ndi wangutataliya nagho, ndipo wangwanduwa matalente ghanyake so ghankhonde.