2 Timote 3:16 - Tonga Bible 1986

¹⁶ Lembo lose lakuuzirika ndi Chiuta ndakwanduliya so ku chisambizgu, ku chipanikizga, ku chinyoroska, ku chilangwa chamu urunji:

2 Timote 3:16 Referans Kwoze

ŴaRoma 15:4

Pakuti vyo vyose vingulembeke limu, vingulembeke kusambizgika kwidu, alinga kuti mu unkhunthiya ndi mu uchiska wa malembo tiŵe ndi chigomekezgu.

ŴaHebere 4:12

Chifukwa ngamoyo mazu ghaku Chiuta, ndi ngakuchita, ndingakuthwa kwakuruska lipanga lose la uyi kosekose, ndipo ghaporota mpaka ku mugaŵiru wa umoyo ndi mzimu, ndi marunga ndi mdinthi, ndi ngapusu kuteska maghanagha nondi maknumbu gha mtima.

Marko 12:24

Yesu wanguŵanene, “Asi mwaku chenichi muranda, pakuti mulive kuziŵa malembo gho, chingana ndi nthazi yaku Chiuta?

Sumu 119:9

Muhurwa wangatozga uli nthowa yake? Pakuvwiya visimisimivinu.

Nthanthi 6:23

Pakuti dangu ndi nyale mbukweru, ndipo kuchenjezga pakuvwiya ndi nthowa ya umoyo,

2 Timote 4:2

memeza mazu; pamphuka mu nyengo yamampha ndi mu nyengo yiheni; panikizga, chenya, chiska mu chilekerezga chose ndi chirunguchizgu.

Sumu 119:11

Mazu ghinu ndasunga mu mtima wangu, alinga kuti ndireke kumunangiyani imwe.

Sumu 119:130

Kupataula kwa mazu ghinu kupaska ukweru, kupaska zeru kwaku wo mbajira.

2 Samuele 23:2

“Mzimu wa Ambuya urongorore mwangu, mazu ghake ghepa lilimi langu.

Nthanthi 15:31

Mweniyo gutu lake liphwere kuchenyeka kwamampha wakajanga mukati mu ŵazeru.

2 Timote 2:25

Wakukunthiyapo, mu upovu wakuŵalanga wo mbakupindana, kuti vinu Chiuta wangaŵapaska chipe chakwachiziŵiska uneneska,

Marangu 4:36

Wangumuvwiskani mazu ghake kutuwa kuchanya mwakuti wamusambizgeni, ndipo pa charu chapasi wakukurongoni moto wake ukuru, ndipo munguvwa mazu ghake ghakuturiya mukati mu moto.

Machitidu gha Ŵakutumika 20:20

po ndengavi kusisiya kanthu kakukovyani, ndi kukutauliyani pakweru, ndi ku nyumba ndi nyumba,

Yohane 3:20

Pakuti yose wakuchita uheni watinkha Kungweruka ndipo kuti watuza ku Kungweruka ko cha, vinu nchitu zake zingasuskika.

Mateyu 13:52

Ndipo wanguti kwaku wo, “Chifukwa chenichi mlembi yose yo wasambizgika vya ufumu wakuchanya ngwakukozgana ndi munthu mweninyumba, yo watuzga mu mbiku yake vifyandi vyakale.”

Machitidu gha Ŵakutumika 18:25

Mweniyo wenga wakusambizgika nthowa ya Ambuya; ndipo pakuŵa waphamphu ku mzimu, wakambanga ndi wasambizganga kaunthu vyapaku Yesu, wakuwamo chibatizo chaku Yohane pe:

ŴaRoma 2:20

wakulanga ŵakupusa, msambizgi wa malitema, pakuŵa ndi chikozgu cha mziŵiru ndi cha uneneska mu chilangulu cho;

Nehemiya 9:20

Mungupaska mzimu winu kuŵarunguchizga, ndipo mwengavi kunora milomo yawo mana ghinu, ndi munguŵapaska maji pa nyota yawo.

ŴaGalatia 3:8

Ndipo lembo lo, pakuwone limu kuti Chiuta kutuwa ku chivwanu warunjiskenge ŵaMitundu, lingutauliya limu evangeli kwaku Abrahamu, lakuti, “Mwaku iwe yikatumbikikanga mitundu yose.”

ŴaHebere 3:7

Viyo na, uli ndimo wanene Mzimu Wakupaturika, “Le asani muvwenge liu lake,

1 ŴaKorinte 12:7

Kweni ku munthu we yose, yumoza-yumoza, kwapaskika uvumbuzi wa Mzimu kwachimovye mu vyamampha vyose.

Machitidu gha Ŵakutumika 20:27

Chifukwa kuti ndingusisiya cha kukutauliyani fundu yose yo yaku Chiuta.

Nthanthi 15:10

Pe kulangika kuzitu kwaku yo wareka nthowa; mweniyo watinkha kuchenyeka wakafwanga.

Yohane 10:35

Tiziŵa kuti cho malemba nchakuneneska muyaya; ŵanguŵazumbuwa iwo ŵachiuta. Ŵanthu, kwaku ŵeniwo ghanguziya mazu ghaku Chiuta.

Mateyu 26:56

Kweni chose ichi chaŵapo, alinga kuti makani gha ŵamchimi ghafiskike.” Sono wasambizi wose, ŵangumusiya, ŵanguthaŵa.

Machitidu gha Ŵakutumika 1:16

“Mwaŵanthu mwa ŵabali, lingwenere kufiskika lembo lo, lenilo Mzimu Wakupaturika wangukambiya limu mu mlomo waku Davidi la paku Yuda, yo wenga chirongozgi kwaku wo ŵangumko Yesu.

Mateyu 21:42

Yesu watiti kwaku wo, “Kumbi kali kose mundaŵerenge mu malembo: ‘Mwa wo ŵakuzenga nyumba ŵanguwukana, weniwo waŵa mutu wa nyondu: ichi ndi nchitu ya Ambuya. Ndipo nchakuziziswa mu maso ghidu?’

ŴaRoma 4:23

Kweni kuti kungulembeka pa chifukwa chaku iyo pe cha, “Kuti kungumpimikiya,”

ŴaHebere 11:1

Kweni chivwanu nchimbondu cha vyakugomekezgeka vyo, chirozgu cha vinthu vyambura kuwoneka.

ŴaRoma 3:2

Nchinandi kosekose; chakudanga na, nchakuti ghangupazgikiya iwo manenedu ghaku Chiuta.

Machitidu gha Ŵakutumika 28:25

Ndipo pakureka iwo kuzomerezgana, ŵanguruta, Paulo wanguti waŵakambiya mazu ghamoza, “Mzimu Wakupaturika wanguŵakambiya umampha auskemwe mwaku Yesaya, Mchimi yo,

Marko 12:36

Davidi iyo wangunena pakututuzgika ndi Mzimu Wakupaturika, ‘Ambuya ŵangunene Ambuyangu, uje ku marghe ghangu, mpaka po ndaŵika ŵarwani ŵanu pasi pa marundi ghinu.’

Mika 2:7

Kumbi ichi chitenere kukambika, imwe mwa nyumba yaku Yakobe? Kumbi kuti mzimu wa Ambuya ngwa kuzika cha? Kumbi iyi ndiyo milimu yake? Kumbi mazu ghangu kuti ghachita umampha cha kwaku yo watenda kwakurunjika?

Mateyu 26:54

Kweni na ghangafiskika uli malembo gho, kuti kutenere kuŵa viyo?”

Mateyu 22:43

Waŵanene, “Na, Davidi pakuzazika ndi Mzimu wamtamula uli Mbuya, wakuti,

Marangu 29:29

“Vinthu vyaku ubende vya Ambuya Chiuta widu; kweni vinthu vyo vyavumbulika vidu ndi vya ŵana ŵidu muyaya, aling kuti tichitenge mazu ghose gha dangu ili.

Zefaniya 3:2

Kuti uvwiya mazu cha, ukana kususkika. Ugomezga mwa Ambuya cha, kuti undere kwaku Chiuta wake cha.