2 Timote 3:10 - Tonga Bible 1986

¹⁰ Kweni iwe ungurondo chisambizgu changu, kendedu, khumbu, chivwanu, chilekerezga, chanju, unkhunthiya,

2 Timote 3:10 Referans Kwoze

1 Timote 6:11

Kweni iwe, wa munthu waku Chiuta, thaŵa vyenivi, ndipo rondo urunji, uwopa Chiuta, chivwanu, chanju, unkhunthiya, upovu.

Tito 2:7

mwaku vyose ŵakujirongo chandiru cha milimu yeneko; mu sambizgu lo, ŵakurongo uwurachivuzi, uziza,

1 Timote 4:6

Asani uŵakumbuska ŵabali ndi vyenivi, uŵenge mteŵeti mweneko waku Kristu Yesu, wakulereka mu mazu gha chivwanu, ndi gha chisambizgu cheneko chenicho warondo kuno ku le:

ŴaFilipi 2:22

Kweni umampha Timote muzi ŵa, mo nge ndi mwana ndi wiske, wateŵete pamoza nane mu kutaula uthenga wamampha.

ŴaHebere 13:9

Mungalongozgeka ndi visambizgu vyamtundumtundu ndi vilendo: chifukwa nkhwamampha kuti mtima ukhozgeke ndi wezi; ndi vyakurgha cha, mwenimo ŵakutangwanikamo kuti ŵangawovyeka kanthu cha.

Machitidu gha Ŵakutumika 11:23

Mweniyo wanguti wazako, ndi wawona wezi waku Chiuta, wangukondwere; ndipo wanguŵachichizga wose, kuti ndi linweka la mtima ŵamiziriye ku Ambuya;

2 Petro 3:11

Pakuti vinthu ivi vyose vyazamsongonoka, kutenere imwe kuŵa ŵakutinji mu mendedu ghakhovu ndi mauwopa Chiuta,

2 Timote 4:3

Chifukwa yikazanga nyengo penipo ŵarekenge kuvwiyapo chisambizgu cho chizirima kweni pakuŵa ndi makutu ghakunyenye, ŵajiunjikiyenge ŵasambizgi kwakuyana ndi malikhumbira ghaku ŵija;

2 Timote 2:22

Kweni thaŵanga maulakalaka ghauhurwa, ndipo ndondoloska urunji, chivwanu, chanju, chimangu, pamoza ndi ŵeniwo ŵadaniya pa Mbuya ndi mtima ukovu.

1 ŴaTesalonika 1:5

pakuti evangeli widu kuti unguziya imwe mu mazu pe cha, kweni so mu nthazi ndi mu Mzimu Wakupaturika, ndi mu uzali wenecho wa chigomekezgu. Uli ndimo muziŵiya po tinguŵiya mwinu wakuti e, pa chifukwa chinu.

2 ŴaKorinte 1:17

Viyo pakukhumba ichi, kumbi ndachitiyanga mu kuwura kuziŵa, pamwenga vyo ndipima, ndipimiya kwakulingana ndi munthu wa charu ichi kumbi, mweniyo watiti Inya kweni pa nyengo yeniyo pe watiti Awa?

ŴaRoma 16:17

Ndipo ndikuŵeyereni, mwa ŵabali, kuŵathoŵa wo mbakuchita vigaukanu ndi viguŵisku, kwakumikirana ndi chisambizgu chenicho mungusambira: ndipo ŵapambukeni wo.

Machitidu gha Ŵakutumika 26:4

“Eviyodi kajaridu kangu kakutuwa ku uhurwa wangu, weniwo kutuliya ku mtendeku wenga mu mtundu wangu ndi mu Yerusalemu, ŵaYuda wose ŵaziŵa;

Machitidu gha Ŵakutumika 20:18

Ndipo ŵati ŵaza, wanguti kwaku wo, “Mwaŵeni muziŵa kutuwa ku zuŵa lakudanga po ndinguziya mu Asia, mo ndingujariya pamoza namwe nyengo yo yose,

Machitidu gha Ŵakutumika 2:42

Ndipo ŵajaririyanga chitatata mu chisambizgu cha ŵakutumika, ndi mu wanase wo, ndi mu chimenya cho cha chiŵande, ndi mu marombo gho.

Luka 1:3

kunguwoneka kwamampha kwaku ine nane, ndati ndarondo kutuwa ku chiyambo vyose urusu urusu, kukulembiyani mluliku, akweni Teofilo,

1 Timote 1:3

Uli ndimo ndinguchichizgiya iwe kujaririya mu Efeso, po ndayanga ku Makedonia, alinga kuti ulanguliye ŵangana kureka kusambizga chamwenga,

ŴaEfeso 4:14

kuti tireke kuŵa so ŵamujedu ŵakufunchiskika ndi kuyungwiskika ndi mphepu yose ya kasambizgidu kamu fuzi la ŵanthu, mu uchenjezi wakunyengere ku urandizgi;

Danyele 1:8

Kweni Danyele kuti wangukhumba cha kujikazuzga ndi kurgha kunandi kwa karonga, pamwenga ndi vinyo yo wamwanga; viyo wanguŵeyere mura wa ŵamuthenu kuti wamuzomerezge kureka kujikazuzga.

ŴaFilipi 2:20

Chifukwa ndirive yumoza wakuyana nayo, yo wangaphwere kaunthu vya paku imwe.

2 Timote 4:2

memeza mazu; pamphuka mu nyengo yamampha ndi mu nyengo yiheni; panikizga, chenya, chiska mu chilekerezga chose ndi chirunguchizgu.

2 Timote 4:7

Ndalimbiya mlimbalimba weneko, ndafiska chipharizganu cho, ndachikoreze chivwanu cho: