2 Timote 2:25 - Tonga Bible 1986

²⁵ Wakukunthiyapo, mu upovu wakuŵalanga wo mbakupindana, kuti vinu Chiuta wangaŵapaska chipe chakwachiziŵiska uneneska,

2 Timote 2:25 Referans Kwoze

ŴaGalatia 6:1

Mwaŵabali, asani munthu wakoreka mu ubudi wakuti e, imwe mwa ŵamzimu munyoroskeni waviyo mu mzimu wa upovu, pakujithoŵa wamweni, vinu nawe so ungeseka.

Machitidu gha Ŵakutumika 11:18

Ndipo ŵachivwa vyenivi, ŵanguchetama, ndipo ŵangumkankhuska Chiuta ŵakuti, “Ndipo ku ŵaMitundu nawo Chiuta wapaska ching'anamuka cha mu mtima ku umoyo.”

1 Timote 2:4

mweniyo wakhumba ŵanthu wose kutaskika ndi kufikapo pa mziŵiru wa uneneska.

1 Petro 3:15

Kweni patuwani Kristu uli ndi Mbuya mu mitima yinu: pakurongosoleke nyengo zose kumwamuka yose wakumfumbani chifukwa cha chigomezgu chamwinu, kweni ndi upovu ndi wofi;

1 Yohane 5:16

Asani munthu wangawona mbali wake kuchita chilakwa, chakurata ku nyifwa cha, wakapemphanga, ndipo Chiuta wampaskenge umoyo kweni chifukwa chaku wo ŵalakwiya ku nyifwa cha. Chifukwa chakurata ku nyifwa chiripo: kuti ndikamba kuti wapemphe paku chenicho cha.

Machitidu gha Ŵakutumika 8:22

Viyo nyongokako ku uheni wako uwu, ndi uŵeyere Chiuta, alinga kuti vinu lingagowokereka khumbiro lo la mtima wako.

2 Timote 3:7

ŵakusambira rutaruta, ndi ŵambura kuziŵa kosekose kufikapo pa uziŵiska wa uneneska,

Mateyu 11:29

jitoleni pinu goŵa langu, ndi sambirani kwaku ine; pakuti ndine mpovu ndi wakujiyuyuwa mu mtima: ndipo musaniyenge chipumulu ku mizimu yinu.

Yakobe 1:17

Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.

Tito 1:1

Kalata wakutuwa kwaku Paulo mteŵeti waku Chiuta, ndi wakutumika waku Yesu Kristu uli ndi chivwanu cha wakusankhika waku Chiuta, ndi chiziŵisku chauneneska wa mwa uwopa Chiuta,

Machitidu gha Ŵakutumika 20:21

wakusimikizgiya ŵaYuda ndi so ŵaGriki ching'anamuka kwaku Chiuta, ndi chivwanu kuchiri ku Ambuyafwe Yesu Kristu.

Machitidu gha Ŵakutumika 5:31

Mweniyo Chiuta wamkwezge ku marghe ghake, Chirongozgi ndi Mtaski, kwachipaska Yisraele chipe ndi chireke cha vilakwa.

Machitidu gha Ŵakutumika 2:38

Ndipo Petro wanguti kwaku wo, “Ng'anamukani, ndipo munthu yose waku imwe wabatizikiye mu zina laku Yesu Kristu ku chireke cha vilakwa vinu; ndipo mukarondanga mpasku wa Mzimu Wakupaturika.

Yohane 5:34

Kweni kuti nchifukwa chakuti nditenere chisimisimi chakutuwa ku munthu cha: kweni ndikamba ivi, alinga kuti imwe mutaskike.

Marko 1:15

wakuti, “Nyengo yafiskika, ndipo waŵandika ufumu waku Chiuta: ng'anamukani ndi vwanani mu evangeli.”

Ezekiele 36:31

Penipo ndipo mukakumbukanga nthowa zinu, ndi nchitu zinu kuti zenga ziheni, sono mukajitinthanga mwaŵeni chifukwa cha maukazuzi ndi milimu ya maunyakazi ghinu.

Tito 3:2

kuphara munthu yumoza cha, kuŵa ŵaziralisonji, ŵaroŵevu, ŵakurongo upovu wose ku ŵanthu wose.

1 Timote 6:11

Kweni iwe, wa munthu waku Chiuta, thaŵa vyenivi, ndipo rondo urunji, uwopa Chiuta, chivwanu, chanju, unkhunthiya, upovu.

Machitidu gha Ŵakutumika 5:21

Ndipo ŵati ŵavwa, ŵangusere mu kasopi ku matanda kucha, ndipo ŵasambizganga. Kweni wachifikako mzukuru mura yo, ndi ŵa pamoza nayo, wanguwungang'a pamoza upu wo ndi ura wose wa ŵara ŵaku Yisraele, ndipo wangutumiya ku ulinda kwachiŵato.

Ezekiele 11:19

Ndiŵapaskenge mtima umoza, mukati mwawo ndiŵikenge mzimu ufya; ndituzgengemo mtima wa mwa mu liŵavu lawo ndi kuŵapaska mtima wa munofu,

Yeremiya 31:33

Kweni ili ndi phanganu lo ndikachitanga ndi nyumba yaku Yisraele pavuli pa mazuŵa gho, atiti Ambuya: Ndikaŵikanga dangu mukati mwawo, ndipo ndikalilembanga pa mitima yawo; ndipo ine ndikaŵanga Chiuta wawo, ndipo iwo ŵakaŵanga ŵanthu ŵangu.

Mateyu 21:32

Chifukwa Yohane wanguziya imwe mu nthowa ya urunji, ndipo kuti munguvwana mwake cha; kweni ŵamsonkhu ndi ŵanthukazi ŵareŵi ŵanguvwana mwake: kweni imwe, chingana munguchiwona, kuti mungung'anamuka cha kuvwaniya mwaku iyo.

Zekariya 12:10

“Ndipo ndipunguliyenge pa nyumba yaku Davidi ndi pa ŵakuja mu Yerusalemu mzimu wangu wachisungu-sungu ndi wakuŵeyere, viyo kuti asani ŵalereska paku yo ŵangumugwaza, ŵamuliriyenge, nge ndimo munthu waliriya kananda wake, ndipo wamuliriya ukongwa, nge ndi munthu yo waliriya mwana wake wakudanga.

Ezekiele 36:26

Ndikupaskeninga mtima ufya, ndipo mzimu ufya ndiŵikenge mukati mwinu, ndituzgenge muliŵavu linu mtima wa mwa ndikumupaskani mtima wamnofu.

Ezekiele 12:3

chifukwa ndi nyumba ya chigaruka. Pa chifukwa cho, mwana wa munthu, ujirongosole katundu wapa ulendo ku umkoli, ndipo urutenge ku umkoli ndi msana pa maso ghawo; ukarutanga nge ngwamkoli kutuwa pa malo ghako kuya pa malo ghanyake pa maso ghawo. Akhumba ŵakawangamo nanga mba nyumba ya chigaruka.