2 Timote 2:19 - Tonga Bible 1986

¹⁹ kweni chiŵanja cho chakurama chaku Chiuta chituma gwa, pakuŵa ndi chiŵali chenichi, “Waŵaziŵa Mbuya ŵeniwo mbake”: ndi “Wagaukeko ku uwura-urunji yose wakutamula zina lo la Ambuya.”

2 Timote 2:19 Referans Kwoze

Yohane 10:14

Ine ndine mliska mweneko.

1 ŴaKorinte 8:3

Kweni asani yumoza watumwanja Chiuta, mweniyo waziŵikwa ndi iyo.

Nahumu 1:7

Ambuya mbamampha, linga lakukho mu zuŵa la suzgu, atuŵaziŵa wo ŵabendama mwaku iwo.

Maŵerengedu 16:5

ndipo wangunena ndi Kora ndi mpingu wake wose, kuti, “Lemawa Ambuya akarongonga mweniyo ngwawo, ndi yo ndi mtuŵa, ndipo akamunderezgiyanga mtuŵa kufupi kwaku iwo; inya mweniyo iwo asankha akamunderezgiyanga kufupi kwawo.

Luka 13:27

ndipo wanenenge, ndikukambiyani, ‘Kuti ndiziŵa cha kweniko mutuliya; tuwaniko kwangu mose mwakuchita uchikanamarangu.’

ŴaGalatia 4:9

Kweni sono, pakuziŵa Chiuta, ndi ukongwako pakuziŵikwa ndi Chiuta, muwere uli kuvuli ku vyamtendeku viteta ndi visauchi vyo, kwaku vyenivyo mukhumba kuŵa so ŵaŵanda kachiŵi?

Chivumbuzi 3:8

“ ‘Ndiziŵa nchitu zako. Awona, ndaŵika paurongo pako khomo lakujuriko, lenilo palive yumoza ngwanthazi kujara; ndiziŵa we ndi nthazi kweni yimanavi, ndipuuli wasungirizga mazu ghangu, kuti walikana zina langu cha.

Chivumbuzi 22:4

ndipo ŵawonenge chisku chake: zina lake liŵenge pa mphumi zawo.

ŴaEfeso 4:30

Ndipo mungamkwininiska Mzimu Wakupaturika waku Chiuta, mwaku mweniyo munguzighirikiya ku zuŵa la uwombozi.

1 ŴaKorinte 1:2

ku mpingu waku Chiuta wamu Korinte, ku ŵakupaturika mwaku Kristu Yesu, wakudanikiya kuŵa wakupaturuka, pamoza ndi wose mu malo ghose wo ŵadana pa zina laku Yesu Kristu Mbuyafwe, tose pamoza Mbuya wawo ndi widu.

Yesaya 28:16

chifukwa cho Ambuya Chiuta, atati, “Ehe, ndiŵika mu Zioni chiŵanja mwa, mwa wakweseka, mwa wanyondo wakuzirwa, wa chiŵanja chakuneneska: ‘Yo wavwana kuti wakatolekanga cha.’

2 Petro 3:14

Viyo, mwaŵakwanjiwa, pakulereze vyenivi, pamphukiyani kusanirika ndi iyo mu chimangu, ŵambura banga ndi ŵambura kalema.

2 ŴaKorinte 7:1

Viyo pakuŵa ndi mapanganu ghenagha, mwaŵakwanjiwa, tijitozge ku ukazuzi wose wa liŵavu ndi mzimu, ndipo tiŵe ŵakhovu mu chopu chaku Chiuta.

Chivumbuzi 2:13

“ ‘Ndiziŵa po uja, nadi po pe chitengu-chaufumu chaku Satana, ndipo ukoreska ndi nthazi Zina langu, kuti wakana cha chivwanu changu, chingana ndi mu mazuŵa ghaku Antipase, kaboni wangu wamagomekezgeka, mweniyo wangubayika mukati mwinu, ko waja Satana.

Sumu 1:6

pakuti Ambuya aziŵa nthowa ya ŵakurunjika kweni nthowa ya ŵaheni yisoŵenge.

Mateyu 7:23

Ndipo penipo nkhakananga kwaku, wo, ‘Ndengavi kukuziŵani kose: tuwaniko kwangu, mwaŵakuchita uchikana marangu.’

ŴaEfeso 3:15

kutuwa kwaku mweniyo ŵanambumba wose kuchanya ndi panupasi ŵadanika zina, kuti wapaske imwe;

Nthanthi 3:7

Ungajisanduskanga wazeru mu maso ghaku wamweni; wopanga Ambuya, ndipo utuweko ku uheni.

Sumu 37:18

Ambuya aziŵa mazuŵa gha ŵakongorekwa, ndipo chihara chawo chikajaririyanga muyaya;

Sumu 34:14

Tuwako ku uheni, chita umampha; penja chimangu, ndi uchindondoloske.

ŴaRoma 15:20

kweni pakukweŵeke kutaula evangeli ko Kristu wengavi kutamulika kali, alinga kuti ndingazenga pa chiŵanja cha munyake cha;

Machitidu gha Ŵakutumika 15:17

viyo kuti ŵakujapo mu ŵanthu ŵapenje Ambuya, ndipo ŵaMitundu wose paku wo ladanikiya zina langu,

Mateyu 7:25

ndipo yingung'a vuwa ŵazandi ŵanguza, zinguputa mphepu, ndipo zinguyigundizga nyumba yo; kweni kuti yinguwa cha: chifukwa yinguzengeka pa jarawe.

1 Yohane 2:19

Ŵangutuwamo mwidu, kweni kuti ŵenga ŵamwaku ifwe cha; chifukwa asani ŵenga ŵamwaku ifwe, mphanyi ŵangujaririya pamoza nafwe; kweni ŵangutuwamo mwakuti kuziŵikwe kuti wose mba mwaku ifwe cha.

ŴaRoma 12:9

Chanju chinu chiŵe chamburafuvyu. Muŵe ŵakutinkha uheni, ndi ŵakumeremete ku umampha.

Marko 13:22

Chifukwa ŵakayukanga ŵanthu ŵanyake wo ŵajiŵikengemo kuti ndiwo Kristu, ndi ŵanyake kuti mbamchimi, ndipo ŵapaskenge visimikizgu ndi minthondwi kwachirandizga ŵakusankhika nawo (asani nchamachitika).

Nthanthi 10:25

Asani lilondo lakapo wamphurupuru waŵapo so cha, kweni murunji wajinthika muyaya.

Jobu 28:28

Ndipo wanguti ku munthu, ‘Wona, chofyo cha Ambuya, chenicho ndi zeru; ndipo kupatuka ku uheni ndi vinjeru.’ ”

ŴaRoma 9:11

chifukwa ŵana wo ŵecheŵandapapike, chingana nkhuchitapo so kanthu kamampha pamwenga kaheni, alinga kuti chitema chaku Chiuta kwakuyana ndi kasankhidu chijaririye, kutuwa ku zinchitu cha, kweni kwaku yo wadana,

Sumu 97:10

Ambuya atanja ŵakutinkha uheni: avikiriya maumoyo gha ŵanthu ŵawo, atiŵataska ku nthazi ya ŵaheni.

Maŵerengedu 6:27

“Viyo ŵakaŵikanga zina langu pa ŵaYisraele, ndipo ndikaŵatumbikanga.”

1 Timote 6:19

ŵakujiŵikiya chiŵanja chenecho chaku mkucha, alinga kuti ŵajibwakiye umoyo wo weniwo mbumoyo weniweni.

ŴaRoma 8:28

Ndipo tiziŵa kuti vinthu vyose vichitiya pamoza ku umampha kwaku wo mbakumwanja Chiuta, kwaku ŵeniwo mbakudanikiya uli ndi chitema chake.

Machitidu gha Ŵakutumika 9:14

ndipo panu waronde ku ŵazukuru ŵara mtufu kwachimanga wose wo mbakudana pa zina linu.”

Yohane 13:18

Kuti ndinena imwe mose cha; ine ndiziŵa wo ndatondo: kweni kuti lifiskike lembo lo, ‘Wakurgha chiŵande pamoza nane wasoske paku ine chitende chake.’

Mateyu 24:24

Chifukwa ŵayukenge ŵanthu ŵanyake wo ŵajiŵikengemo kuti ndiwo Kristu ndi ŵanyake kuti mbamchimi. Ndipo wapaskenge visimikizgu vikuru ndi minthondwe, kwachirandizga (asani kwenga kwamachitika chingana mbakusankhika nawo)

Sumu 112:6

Munthu wamampha kuti wakatondekanga cha, ndipo kuti wakaruwikanga cha muyaya.

ŴaEfeso 2:20

ndi ŵa ŵanambumba ŵaku Chiuta, pakuzengeka pa chiŵanja cho cha ŵakutumika ndi ŵamchimi, Kristu Yesu mweneko wakuŵa chikhozge-nyondo;

ŴaRoma 11:2

Chiuta walive kupata khamu lake, lenilo wanguziŵiya limu. Pamwenga mureka kuziŵa kumbi cho likamba lembo lo mwaku Eliya? Mo waŵeyere Chiuta paku Yisraele,

Luka 6:48

Wakozgana ndi munthu wakuzenga nyumba mweniyo wangukumba pasi ndi wangunyonyoska, ndi wanguŵika chiŵanja pa jarawe: ndipo pakuŵapo zandi, msinji ungukukurwiyapo pa nyumba yiya, ndipo yengavi nthazi kuyisukung'a: chifukwa yinguzengeka umampha.

Hagayi 2:23

Pa zuŵa lo, atiti Ambuya ŵa maŵanja, nkhakutonga, Zerubabele muteŵeti wangu, mwana waku Shealtiele, atiti Ambuya, ndi kukusanduska nge ndi mphete ya chidindu; chifukwa ndakusankha iwe, atiti Ambuya ŵa maŵanja.”

ŴaRoma 15:9

ndi kuti Mitunduyo yikankhuski Chiuta chifukwa cha lisungu lake, uli ndimo kwalembeke, “Chifukwa chenichi ndimzomerezgeninga mu ŵaMitundu, ndipo mu zina linu ndimbiyenge.”

Yesaya 14:32

Kumbi munthu waghamukenge uli mathenga gha mtundu? “Ambuya ndiwo akuzenga Zioni, ndipo mwaku wo ŵakusuzgika ŵa ŵanthu ŵasaniya pakubisama.”

Chivumbuzi 21:14

Ndipo linga la msumba wo lenga navyo viŵanja chumi ndi viŵi, ndi paku vyomazina chumi ndi ghaŵi gha ŵakutumika chumi ndi ŵaŵi ŵa Mwana-mberere yo.

ŴaHebere 11:10

chifukwa walerezenga msumba wo wakuŵa ndi viŵanja, waku weniwo mzengi ndi chata ndi Chiuta.

Mateyu 28:19

Viyo rutani, sambizgani mitundu yose, ŵakuŵabatiziya mu zina la Dada ndi la Mwana ndi la Mzimu ŵakupaturika:

Zekariya 3:9

Chifukwa wona pa mwa wo ndaŵika paku Yoswa, pa mwa umoza wo wendi vigaŵa vinkhonde ndi viŵi ndirembengepo mazu, atiti Ambuya ŵa maŵanja, ndipo ndituzgengepo ulakwi wa charu ichi mu zuŵa limoza.

Chivumbuzi 17:8

Chikoku cho unguwona, chinguŵapo, ndipo sono kuti chiripo cha; ndipo chepafupi kuzuwuka ku chizenji cho chakuti nyo, ndi kuya ku wanangiku. Ndipo ŵakuja pa charu, ghakuŵeniwo mazina ghalive kulembekamo mu buku la umoyo kwanda ku kujarikika kwa charu, ŵakaziŵanga ŵachilereska chikoku cho kuti chinguŵapo ndi kuti chiripo cha, ndi kuti chikaŵangapo.

Machitidu gha Ŵakutumika 11:26

Ndipo wati wamsaniya, wangumtole ku Antoike. Ndipo kunguŵaŵiya kuti chirimika champhumphu ŵanguwungirana mu mpingu, ndi kusambizga mzinda ukuru: ndipo kuti ŵasambizi wo ŵangutamulika ŵaKristu danga mu Antoike.

Yesaya 65:15

Mukajowolenga zina linu kuti litembeke ndi ŵakusankhika ŵangu, ndipo Ambuya Chiuta akuperekaninga ku nyifwa; kweni ŵateŵeti ŵake wakaŵadananga zina linyake.

Yesaya 63:19

Taŵa ulaka ndi wo imwe mulivi kuŵawusapo, nge ndi wo ŵalivi kudanikapo kuti mbaku mwaŵeni.

Ezekiele 9:4

Ndipo Ambuya angunena nayo, “Ruta mu msumba, porota mu Yerusalemu, ulembe chisimikizgu pa visku vya ŵanthu wo ŵaliya ndikufwifwinthiya pa maunyakazi ghose gho ghachitika mukati mwake.”

Yohane 3:33

Yo waronde chipanikizga chake, watijizighiriya kuti Chiuta ndiyo mneneska.

1 Timote 3:15

kweni asani ndiziulika, alinga kuti ungaziŵa mo kutenere kujariya mu nyumba yaku Chiuta, yeniyo ndi eklesiya laku Chiuta Wamoyo, mzati ndi chijarikiru cha uneneska.

Marko 12:16

Ndipo iwo ŵangumtole. Sono watiti kwaku wo, “Vyaku yani chikozgu ichi ndi lembo ili?” Wangumnene, “Vyaku Kaisare.”