2 Timote 2:13 - Tonga Bible 1986

¹³ asani tiura kuvwana, wajaririya iyo wamagomekezgeka; chifukwa kuti waziŵa cha kujikana mweneko.

2 Timote 2:13 Referans Kwoze

Maŵerengedu 23:19

Chiuta kuti ndi munthu cha, kuti waname, pamwenga mwana wa munthu, kuti wang'anamuke. Kumbi cho wakamba, kuti wakachitanga cha? Pamwenga cho wanena, kuti wakachifiskanga cha?

ŴaRoma 3:3

Na kwati, asani ŵengavi kuvwana ŵanyake? Kumbi uwura chivwanu wawo uwayuwenge umagomekezgeka waku Chiuta?

Tito 1:2

mu chigomezgu cha umoyo wamuyaya, weniwo Chiuta mzirautesi wangupangana kali ku nyengo za muyaya,

2 ŴaTesalonika 3:3

Kweni Mbuya ngwamagomekezgeka, mweniyo wamkukukhozgani, ndi wamkukusungani ku mheni yo.

1 ŴaTesalonika 5:24

Ngwamagomekezgeka yo wakumdanani, mweniyo so wakachichitanga.

1 ŴaKorinte 1:9

Ngwamagomekezgeka Chiuta, mwaku mweniyo mungudanikiya ku wanase wa Mwana wake Yesu Kristu Ambuyafwe.

ŴaHebere 6:18

alinga kuti mu vinthu viŵi vizira masinthika, mwaku vyo nkhwambura machitika kuti Chiuta waname, tiŵe ndi kachiskidu kakukho, taŵakuthaŵiriya kukoreska chigomekezgu chakujarikikiya ifwe:

Mateyu 24:35

Kuchanya ndi pasi virutenge, kweni mazu ghangu kuti gharutenge cha.

ŴaRoma 9:6

Kweni kuti kwe nge nkhuti mazu ghaku Chiuta ghatondeka cha. Chifukwa kuti wose mbaYisraele cha, ŵeniwo mbaku Yisraele,

Yesaya 25:1

Ambuya mwe, ndimwe Chiuta wangu; ndikakuzganga imwe, ndikarumbanga zina linu, pakuti imwe mwachita vinthu vya kuziziswa, vyakwata vyamwaka, vyamagomekezgeka ndi vyauneneska.

Marangu 7:9

Viyo ziŵani kuti Ambuya Chiuta winu ndi Chiuta wamagomekezgeka, yo wasunga phanganu ndi lisungu ndi ŵeniwo ŵatumwanja, ndi ŵasunga marangu ghake, kufika ku mwandano wa chikwi (1,000).