2 Timote 2:12 - Tonga Bible 1986

¹² asani tikunthiyapo, tiusiyenge pamoza nayo: asani timkanenge, iyo nayo wamkana ifwe:

2 Timote 2:12 Referans Kwoze

ŴaRoma 8:17

kweni asani te ŵana, te ŵakuhara so; ŵakuhara ŵaku Chiuta, ndi ŵakuhara ŵamasanga ndi Kristu; asani tikomwe pamoza nayo, alinga kuti tikankhuskikiye so pamoza nayo.

Mateyu 10:33

Ndipo yose yo wangakana ine paurongo pa ŵanthu, nane so ndamkumukana paurongo pa Ada wo ŵakuchanya.

Chivumbuzi 20:4

Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi.

Chivumbuzi 20:6

Ngwamwaŵi ndi ngwakupaturika yo we ndi chigaŵa mu chiyuka chachimoza cho: paku ŵeniwo nyifwa yachiŵi kuti yikaŵanga ndi mtufu cha; kweni ŵakaŵanga ŵazukuru ŵaku Chiuta ndi ŵaku Kristu, ndipo ŵakausanga pamoza nayo virimika chikwi.

Luka 12:9

kweni yo ngwakukana ine pa maso gha ŵanthu, wakanikiyenge mu maso gha ŵangelo ŵaku Chiuta.

Chivumbuzi 5:10

ndipo mwaŵazgora Chiuta widu ŵaŵe ufumu ndi uzukuru; ndipo ŵakausanga panupasi.”

Luka 9:26

Chifukwa mweniyo yose wakanyariyenge ine ndi mazu ghangu, Mwana wa munthu wakanyariyenge iyo, penipo wakazanga mu unkhankhu wake, ndi wa Awiske, ndi ŵangelo ŵakhovu.

Chivumbuzi 2:13

“ ‘Ndiziŵa po uja, nadi po pe chitengu-chaufumu chaku Satana, ndipo ukoreska ndi nthazi Zina langu, kuti wakana cha chivwanu changu, chingana ndi mu mazuŵa ghaku Antipase, kaboni wangu wamagomekezgeka, mweniyo wangubayika mukati mwinu, ko waja Satana.

Chivumbuzi 1:9

Ine nda Yohane, mbali winu, ndi msangazi munyinu mu suzgu ndi ufumu ndi unkhunthiya mwaku Yesu, ndinguŵa mu chirwa chakuzumbulika Patmo, pa chifwa cha mazu ghaku Chiuta ndi chisimisimi chaku Yesu.

Yuda 1:4

Chifukwa ŵakwaŵiyamo kwaudeke ŵanthu ŵanyake wo kali ŵangutemeke limu ku chisusa chenichi, ŵambura uwopa Chiuta, ŵakusanduska wazi waku Chiuta widu ku uyaya, ndi ŵakumkana mweneko yija ndi Mbuyafwe Yesu Kristu.

ŴaFilipi 1:28

pakofyeka ndi kanthu kanyake ndi ŵamawongu wo cha. Ndipo ichi nchisimikizgu chakupasuka kwawo kweni kwaku imwe mbutaski, chenicho nacho chikutuwa kwaku Chiuta.

Marko 8:38

Chifukwa yose wachitenge soni paku ine ndi mazu ghangu mu mgonezi uno waureŵi ndi waulakwi, Mwana wa munthu nayo wamuchita soni paku iyo, penipo wazenge mu unkhankhu wa Awiske pamoza ndi ŵangelo ŵakupaturika.”

Mateyu 26:35

Petro wanena nayo, “Chingana kungandenere kufwa pamoza namwe, kuti nkhakananga imwe cha.” Kwakulingana so ŵangukamba ŵasambizi wose.

Chivumbuzi 3:8

“ ‘Ndiziŵa nchitu zako. Awona, ndaŵika paurongo pako khomo lakujuriko, lenilo palive yumoza ngwanthazi kujara; ndiziŵa we ndi nthazi kweni yimanavi, ndipuuli wasungirizga mazu ghangu, kuti walikana zina langu cha.

Nthanthi 30:9

vinu ndingaguta ndi kuruwa iwe, ndi kukamba kuti, “Mbayani nawo Ambuya?” Pamwenga ndingaŵa so wakusauka, ndi kuba, ndi kukazuzga zina laku Chiuta wangu.

Machitidu gha Ŵakutumika 14:22

ŵakukhozga mizimu ya ŵasambizi, pakuŵachichizga kujaririya mu chivwanu, ndi kuti mu masuzgu ghanandi kutenere ifwe kusere mu ufumu waku Chiuta.

Marko 10:33

wakuti, “Onani, tikwere ku Yerusalemu, ndipo Mwana wa munthu wamkomboleke ku ŵazukuru ŵara ndi ŵalembi; ndipo ŵamweruzgiyenge ku nyifwa ndi ŵamperekenge mu Mitundu:

Mateyu 26:75

Ndipo wangukumbuka Petro mazu ghaku Yesu, ghakuti, “Wandakokoŵereke tambala, undikanenge katatu.” Ndipo wakutuliya kubwaro, wanguliya kwakuŵaŵa.

Chivumbuzi 1:6

ndi wangutichita tiŵe ufumu, ŵazukuru kwaku Chiuta Awiske; kwaku iyo kuŵiye unkhankhu ndi ukumu ku muyaya ndi muyaya. Ameni.

Luka 22:29

uli ndimo Ada ŵakumikiya ine,

Luka 22:30

alinga kuti murghenge ndi mumwenge pa gome langu mu ufumu wangu; ndipo mujenge pa vitengu, ŵakweruzga mafuku chumi ndi ghaŵi ghaku Yisraele.

ŴaRoma 5:17

Chifukwa asani, ndi ubudi waku yo yumoza, nyifwa yinguwusiya mwaku yo yumoza; ukongwa kwakuruska wo ŵaronde ufurwi wo wa wezi ndi wampasku wa urunji, ŵausiyenge mu umoyo mu yumoza yo, Yesu Kristu.

1 Timote 5:8

Kweni asani munthu wareka kuŵarongosole limu ŵaku yija, ndi viŵiviŵi ŵapake pa nyumba, wakana chivwanu, ndipo ndi muheniko kwakuruska mzira chivwanu.

Chivumbuzi 3:10

Pakuti wasungirizga mazu ghangu ghakuti, kunthiyangapo, nane so, nkhakusunganga ku ora la kesedu, lo likaziyanga pa charu chose, kwachesa wo mbakuja panupasi.

Chivumbuzi 3:21

Yo wapunda ndimpaskenge kwachija pamoza nane pa chitengu changu chaufumu uli ndimo ine nane ndikupundiya, ndipo ndija pasi pamoza ndi Ada pa chitengu chawo chaufumu.