2 Timote 1:7 - Tonga Bible 1986

⁷ Chifukwa Chiuta wengavi kutipaska mzimu wa chitenthe, kweni wa nthazi ndi wa chanju ndi wa chilangwa.

2 Timote 1:7 Referans Kwoze

ŴaRoma 8:15

Chifukwa kuti munguronde cha mzimu wa uŵanda wa chofyu, kweni munguronde mzimu wa ulezi, mwaku wo tikutiya, “Aba, Ada!”

1 Yohane 4:18

Mulive wofi mu chanju: kweni chanju chakufiskika cho chidika wofi, pakuti wofi we ndi chilanga; ndipo yo ngwakopa walive kufiskika mu chanju.

ŴaGalatia 5:22

Kweni chipasi cha Mzimu nchanju, chimwemwe, chimangu, chilekerezga, ulemu, umampha, ukongorekwa,

Yohane 14:27

Chimangu ndikusiyiyani; chimangu changu nditukupaskani, ine kuti nditukupaskani uli ndimo charu chipaskiya cha. Ungakweŵekanga mtima winu cha, chingana nkhutenthema cha.

Luka 10:19

Awonani ndakupaskani mtufu wakuphwatiya pa zinjoka ndi vipiriri, ndi pa nthazi yose ya mphindikwa: ndipo palive kanthu kose.

Machitidu gha Ŵakutumika 1:8

Kweni mwamronde nthazi wati waziya paku imwe Mzimu Wakupaturika, ndipo mundiŵiyenge ŵakaboni mosemose mu Yerusalemu, ndi mu Yuda yose ndi Samaria, ndi ku vigoti vya panupasi.”

Zekariya 4:6

Viyo wangunena nane, “Yagha ndi mazu gha Ambuya kwaku Zerubabele; ndi nkhondo cha, pamwenga ndi nthazi cha, kweni ndi Mzimu wangu, atiti Ambuya ŵa maŵanja.

Nthanthi 2:7

aŵikiya mbiku ya chinjeru chakufikapo ŵakunyoroka; iwo ndi nguru kwaku ŵeniwo ŵatenda mu urunji;

Nthanthi 8:14

Ndendi chipangu ndi zeru yakufikapo, ndendi kuziŵa kwa mukati, ndendi nthazi.

ŴaRoma 5:5

ndipo chigomekezgu kuti chilengeska cha; pakuti chanju cho chaku Chiuta chasapatiskikiya mu mitima yidu mwa Mzimu Wakupaturika, yo wapaskika kwaku ifwe.

ŴaHebere 2:15

ndi wangadomo wose ŵeniwo mu chopu cha nyifwa mu umoyo wawo wose ŵanguŵa ŵakuzighirika ku uŵanda.

Machitidu gha Ŵakutumika 20:24

Kweni kuti ndipimiya umoyo wangu kanthu socha, chingana ngwakuzirwa kwaku ndamweni cha, uli nkhufiska mvizi wangu ndi likondwa, ndi uteŵete wondinguronde ku Ambuya Yesu, kwachisimikizgiya evangeli wo wa wezi waku Chiuta.

1 ŴaKorinte 2:4

Mazu ghangu ndi chitaula changu kuti vinguŵa mu mazu ghakuwoja gha zeru waka cha, kweni mu karongoledu ka Mzimu ndi ka nthazi:

Luka 24:49

Ndipo awonani, ine nditumiya paku imwe phanganu la Ada: kweni tandarani imwe mu msumba, mpaka mufukika ndi nthazi yakutuliya kuchanya.”

Machitidu gha Ŵakutumika 10:38

mo Chiuta wangupatuliya Yesu waku Nazarete ndi Mzimu Wakupaturika ndipo ndi nthazi: mweniyo wangwendayenda wakutata vyamampha, ndi wakuchizga wose ŵakuyuzgika ndi diabolo; pakuti Chiuta wenga nayo.

Mika 3:8

Kweni ine, ndazazika ndi nthazi, ndi mzimu wa Ambuya, ndi weruzgi ndi mazaza, kunena kwaku Yakobe ulakwi wake ndi kwaku Yisraele mphurupuru yake.

Sumu 119:80

Mtima wangu uvwiye malangulu ghinu, mwakuti ndireke kulengeskeka.

1 Petro 1:22

Mwati mwatozge mauzima ghinu mu muvwiyo wa uneneska ku kwanjaŵabali kwambura fuvyu, mwanjane kwamtima ndi kwakufwiririyapo:

Machitidu gha Ŵakutumika 21:13

Sono wangwamuka Paulo, “Muchitanji, kuliya ndi kuswa mtima wangu? Chifukwa ine nde wakurongosoleke kwachimangika pe cha, kweni so kufwiya mu Yerusalemu pa chifwa cha zina la Ambuya Yesu.”

ŴaKolose 1:8

mweniyo so watikonkome chanju chinu mu Mzimu.

Machitidu gha Ŵakutumika 6:8

Kweni Stefano, wakuzara wezi ndi nthazi, wachitanga minthondwi ndi visimikizgu vikuru mu khamu lo.

Machitidu gha Ŵakutumika 9:22

Kweni ukongwako Saulo wakuliyanga mu nthazi, ndipo wavwanananga ndi ŵaYuda ŵakuja mu Damasko, pakupanikizga kuti mweniyo ndi Kristu.

Luka 8:35

Ndipo ŵangutuliya kwachiwona chakuŵapo cho ndipo ŵanguza kwaku Yesu, ndipo ŵangumsaniya munthu mwaku mweniyo ŵademone ŵangutuwa, wakuja pasi, wakuvwara ndi wavinjeru, pa marwayo ghaku Yesu; ndipo ŵangopa.

Machitidu gha Ŵakutumika 26:25

Kweni Paulo wanguti, “Akweni Festo, kuti ndikufuntha cha, kweni ndikamba makani ghauneneska ndi ghakuziza.

Luka 15:17

Ndipo wanguti wajiwezga mu mtima watinge, ‘Wamphotu ŵaringa ŵa ŵada ŵafurwa ndi vyaukurgha vinandi, ndipo ine panu ndiyowa ndi nja.

Machitidu gha Ŵakutumika 26:11

Ndipo pakuŵalanga panandi mu masinagoge ghose, ndinguŵakakamizga kuti ŵatuke; ndipo pakuŵafunthiya weni ukongwa, ndaŵandondoloskanga ku misumba ya vyaru vyakubwaro.

Yesaya 11:2

Ndipo Mzimu wa Ambuya ukajanga paku iyo, mzimu wa chinjeru ndi wakuwamo, mzimu wa fundu ndi nthazi, mzimu wa zeru ndi wa chopu cha Ambuya.