2 Timote 1:6 - Tonga Bible 1986

⁶ Chifukwa chenicho ndikukumbuska kuti ukhozge chaulera cho chaku Chiuta, chenicho che mwako mu kuŵikapo kwa manja ghangu.

2 Timote 1:6 Referans Kwoze

1 Timote 4:14

Ungachijowo cha chaulera cho chamwako, chenicho chingupaskika kwaku iwe penipo ŵamchimi ŵangurongoro, ndi ŵara ŵanguŵikapo manja.

1 ŴaTesalonika 5:19

Mungazimwa Mzimu;

2 Petro 3:1

Mwaŵakwanjiwa, ndikulembiyani sono kalata uyu wachiŵi; ndipo mu makalata ghose ghaŵi gho, ndichiska chinjeru chinu cheneko ndi kumkumbuskani,

2 Timote 4:2

memeza mazu; pamphuka mu nyengo yamampha ndi mu nyengo yiheni; panikizga, chenya, chiska mu chilekerezga chose ndi chirunguchizgu.

2 Petro 1:12

Chifukwa chenichi ndiphwerenge kumkumbuskani rutaruta ndi vyenivi, chingana muviziŵa, ndipo mukhozgeka mu uneneska wo sono we mwinu.

Machitidu gha Ŵakutumika 19:6

Ndipo penipo Paulo wanguŵika manja paku iwo Mzimu Wakupaturika wanguza paku wo; ndipo ŵarongoronga ndi malilime, ndipo ŵaloskanga.

Chituwa 36:2

Ndipo Mosese wangudana Bezalele ndi Oholiba ndi munthurumi we yose wakwenere ndipo Ambuya angumupaska chinjeru, we yose yo wangukhumba kuza kwachichita nchitu yo:

Chituwa 35:26

ŵanthukazi wose ŵazeru ŵanguwomba weya wa mbuzi.

2 Timote 2:14

Ŵakumbuske vyenivi, pakuŵasimikizgiya pa maso gha Ambuya, kuti ŵareke kurwiyana ndi mazu, kwambura chanduku chose, kweni ku chipasuka cha ŵakuvwa.

1 Timote 4:6

Asani uŵakumbuska ŵabali ndi vyenivi, uŵenge mteŵeti mweneko waku Kristu Yesu, wakulereka mu mazu gha chivwanu, ndi gha chisambizgu cheneko chenicho warondo kuno ku le:

Luka 19:13

Ndipo wati wadana chumi ŵa ŵaŵanda ŵake, wanguŵapaska ŵapaundi chumi ndi wanguti, ‘Kwaku wo, yanduwani nawo mpaka nthuza.’

Yesaya 43:26

Andikumbukeni, tiyeni tisuskane pamoza; kambani mulando winu kuti musanirike wakurunjika.

Yuda 1:5

Kweni ndikhumba kumkumbuskani, mwaŵakuziŵiya limu vyose, kuti Ambuya, ŵati ŵataska khamu ku Egipiti, pavuli po anguŵananga ŵambura kuvwana.

ŴaHebere 6:2

cha sambizgu la vibatizo, ndi cha chiŵika cha manja, ndi cha chiyuka cha ŵakufwa, ndi cha cheruzgu chamuyaya.

Machitidu gha Ŵakutumika 6:6

Wo ŵangumika paurongo pa ŵakutumika: ndipo ŵati ŵaromba, ŵanguŵika manja pakuwo.