2 Timote 1:12 - Tonga Bible 1986

¹² Chifukwa chaku chenicho ndikomwe so vyenivi: kweni kuti ndikanyara cha; chifukwa ndimziŵa mweniyo ndigomezga, ndipo ndiziŵa kuti ngwanthazi kusungirizgiya zuŵa liya chakupazgika changu.

2 Timote 1:12 Referans Kwoze

2 Timote 1:8

Viyo na, ungakanyariya cha pa ukaboni wa Ambuyafwe, chingana mphaku ine ndamkoli wake: kweni vwiyangapo maukomwa ghaheni pamoza ndi evangeli uli ndi nthazi yaku Chiuta;

Yuda 1:24

Ndipo kwaku mweniyo ngwanthazi kumbhozgani ŵambura kuguŵa, ndi kumjarikani paurongo pa unkhankhu wake ŵambura kalema mu chimwemwe chenichikuru,

1 Petro 4:19

Viyo, so ŵeniwo ŵakomwa kwakulingana ndi khumbo laku Chiuta ŵapazgiye mauzima ghawu mu kuchita umampha ku mlengi wamagomekezgeka.

2 Timote 4:8

chajako kuti chiŵikikiye ine chifuku cho cha urunji, chenicho Mbuya, cheruzga yo murunji, wandipaskenge mu zuŵa liya: ndipo kwaku ine pe cha, kweni so kwaku wose ŵeniwo ŵanja chiwoneka chake.

ŴaHebere 7:25

Viyo ndimo ngwanthazi kukutaskiya kose limu wo ŵatuziya kwaku Chiuta mwaku iyo, pakuŵa wamoyo nyengo zose kwachiŵeyere pa chifwa chawo.

1 Timote 6:20

Timote we, sungirizga chakupazgika cho; pambukako ku makani ghamtonyoru ndi kuvimikiranu vya mziŵiru wo, weniwo utamulika viyo kwautesi;

Nahumu 1:7

Ambuya mbamampha, linga lakukho mu zuŵa la suzgu, atuŵaziŵa wo ŵabendama mwaku iwo.

ŴaRoma 1:16

Chifukwa kuti ndikanyara ndi evangeli wo cha: chifukwa ndi nthazi yaku Chiuta, yakutaskiya yose yo ngwakuvwana; kuti muYuda danga, ndi so ku muGriki.

Mateyu 24:36

“Kweni vya zuŵa lo ndi ora lake palive yumoza waziŵa, chingana mbangelo ŵa kuchanya, chingana ndi Mwana iyo, kweni Ada pe ŵija.

1 Petro 1:5

mwaŵakusungika ndi nthazi yaku Chiuta mu chivwanu ku utaski wakurongosoleke kuvumbulikiya mu nyengo yaumari.

Sumu 25:2

Mwa Chiuta wangu, mwaku imwe ndagomekezga, ndireke kulengeskeka: ŵareke kutumbiya paku ine ŵarwani ŵangu.

2 Timote 1:18

(Mbuya wampaske kusaniya lisungu ku Mbuya mu zuŵa liya!) Ndipo vyenivyo vyose wanguteŵeta mu Efeso, iwe uziŵa umamphavi.

ŴaFilipi 3:21

mweniyo wamsanduska liŵavu lidu la kuyuyulika kuti lilinganizgike ndi liŵavu la unkhankhu wake, kwakuyana ndi nthazi yo ye mwaku iyo yeniyo so wathereskiyenge vinthu vyose kwaku iyo mweneko.

Sumu 9:10

Ndipo wo ŵaziŵa zina linu ŵaŵika chigomekezgu chawo mwaku imwe, Ambuya, kuti mwaŵajowo cha akumupenjani.

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

2 Timote 2:9

mwaku wo ndikomwe mpaka ku magoŵa uli ndi mchita uheni; kweni mazu ghaku Chiuta kuti ghamangika cha.

ŴaFilipi 3:10

kuti ndimziŵe iyo, ndi nthazi yo ya chiyuka chake, ndikuti ndisangane nayo mu vyakukomwa vyake, kuŵa nge ndiyo mu nyifwa yake,

ŴaFilipi 3:8

Nadi ndapima vyose kuŵa chitayiku chifukwa cha mziŵiru wakuzungura pakumuthoŵa Kristu Yesu Ambuyangu. Chifukwa chaku iyo ndataya, vyose, ndipo ndituvyesa mitawi alinga kuti ndanduwe Kristu,

1 ŴaKorinte 3:13

nchitu yake yose yikawonekanga: chifukwa zuŵa lo yikayirongonga, pakuti yikavumbulikanga mu moto; ndipo nchitu yaku yose mo yiriri, moto ndiwo wesenge nchituyo.

Yohane 17:15

Kuti ndiromba cha kuti muŵatuzge mu charu, kweni kuti muŵasunge ku mheni yo.

Mateyu 12:21

Ndipo mu zina lake ndimo mitundu yigomekezgenge.”

Yesaya 54:4

“Ungopanga cha, pakuti kuti ukalengeskekanga cha; ungaghanaghananga cha, pakuti kuti ukatolekiyanga chilengesku cha; pakuti ukaruwanga chilengesku cha unyamata wako, kusekeka kwa uvyokoro wako kuti ukakumbukanga so cha.

Sumu 31:5

Mu janja linu ndipereka mzimu wangu; mwandiwombo, Ambuya, Chiuta wamagomekezgeka.

ŴaRoma 9:33

uli ndimo kwalembeke, “Awonani, ndiŵika mu Zioni mwa wachiguŵisku ndi jarawe la chiwiska: ndipo yo ngwakuvwana paku iyo kuti walengeskekenge cha.”

1 Petro 4:16

Kweni asani wakomwa uli ndi mkristu, wareke kuŵa wasoni; kweni wakankhuske Chiuta mu zina lenili.

ŴaHebere 12:2

ŵakumthoŵa Yesu jandu ndi mfiski wa chivwanu chidu, mweniyo, chifukwa cha chimwemwe chakujarikika paurongo pake, wanguyizizimizgiyapo mphinjika, ndi kuyuyuwa lilengu lake, ndipo sono waja pasi ku marghe gha chitengu cha ufumu chaku Chiuta.

ŴaHebere 2:18

Chifukwa po wakomwe pakweseka, ngwanthazi kuwovya wo ŵateseka.

1 ŴaTesalonika 2:16

pakuti ŵatitikanizga kuŵakambiya ŵaMtundu kuti ŵataskike. Nyengo yose iyi ŵatakatakanga kuti ŵazaze mweso wa maulakwi ghawo. Ndipo sono ukari waku Chiuta wafikiya paku iwo.

ŴaFilipi 1:20

uli nchilereze cho ndinweka ndi chigomekezgu changu, chakuti ndingalengeskeka mu kanthu kamoza cha, kweni kuti mu chiganga chose sono nge ndi nyengo zose, Kristu wakuzgikiyenge mu liŵavu langu, manyi ndi mu umoyo, pamwenga mu nyifwa.

Machitidu gha Ŵakutumika 21:13

Sono wangwamuka Paulo, “Muchitanji, kuliya ndi kuswa mtima wangu? Chifukwa ine nde wakurongosoleke kwachimangika pe cha, kweni so kufwiya mu Yerusalemu pa chifwa cha zina la Ambuya Yesu.”

Machitidu gha Ŵakutumika 13:50

Kweni ŵaYuda wo ŵangukhuŵirizga ŵanthukazi ŵachisopa ŵaulemu, ndi ŵanthurumi ŵara ŵa msumba, ndipo ŵanguyuskiya paku Paulo ndi Barnaba chiŵembu, ndipo ŵanguŵadikiska mu mphaka zawo.

Machitidu gha Ŵakutumika 13:46

Kweni Paulo ndi Barnaba ŵangugangiya, kuti “Kungwenere kuti mazu ghaku Chiuta ghakambike danga kwaku imwe. Kweni imwe mutighapata ndipo mujesa ŵambura kwenere umoyo wo wamuyaya, awonani, ting'anamukiya ku Mitundu yo.

Machitidu gha Ŵakutumika 9:16

chifukwa nkhamurongonga vyo vyose kutenere iyo kukunthiyapo pa chifwa cha zina langu.”

Machitidu gha Ŵakutumika 7:59

Ndipo ŵachimudina ndi mya Stefano, wanguromba, wakuti, “Ambuya Yesu, rondani mzimu wangu.”

Yohane 6:44

Kuti yumoza waziŵa kuza kwaku ine cha, kwambura kuti Ada wo angundituma anguza: ndipo Ine ndimyuskenge mu zuŵa lakumariya.

Luka 23:46

Ndipo Yesu, wakubongo ndi mazu ghakuru, wanguti, “Ada, mu manja ghinu ndiŵika mzimu wangu!” Ndipo wanguti wanena chenichi wangumara mtima.

Yesaya 50:7

Pakuti Ambuya Chiuta atindovya; chifukwa chenichi kuti ndatimbanizgika cha; chifukwa cho ndamika chisku changu uli ndi mwa, ndipo ndiziŵa kuti, kuti ndikalengeskekanga cha;

Sumu 56:9

Penipo ndipo ŵarwani ŵangu ŵaweriyenge vuli muzuŵa lo ndidaniya. Cho ndiziŵa nchakuti, Chiuta we pamoza nane.

1 ŴaTesalonika 5:4

Kweni imwe, mwa ŵabali, kuti mwe mu mdima cha, viyo kuti zuŵa lo lingamkoni nge ndi munkhungu:

Luka 10:12

Ndinene imwe, mu zuŵa liya kuŵiyenge kwamakunthirikaku ku Sodomu kwakuruska ku muzi wuwa.

Mateyu 7:22

Ŵanandi ŵanenenge nane mu zuŵa liya, ‘Ambuya, Ambuya, asi tingutauliya mu zina linu, ndi mu zina linu tingutuzgiya ŵademone, ndi mu zina linu tinguchitiya vyanthazi vinandi?’

1 ŴaKorinte 1:8

mweniyo nayo wakakhozganga imwe mpaka ku umari, wambura masumulika mu zuŵa la Ambuyafwe Yesu Kristu.

2 Timote 1:14

Chakuzgika cheneko cho sungirizgiya mu Mzimu Wakupaturika mweniyo waja mwaku ifwe.

2 Timote 1:16

Mbuya wapaske lisungu ku nyumba yaku Onesiforo: pakuti panandi wangundisisipuska, ndipo kuti wangukanyara cha ndi unyoru wangu:

Tito 3:8

Ndamagomekezgeka nenedu lo, ndipo paku vyenivi ndikhumba ukokomezgepo iwe, alinga kuti wo ŵagomekezga maku Chiuta ŵaphwerenge kurongo milimu yeneko. Vyenivi ndivyo vyamampha ndi vyawanduzi ku ŵanthu: