2 Timote 1:10 - Tonga Bible 1986

¹⁰ kweni warongoleka sono mu chiwoneka cha Mtaski widu Yesu Kristu, mweniyo wakoto nyifwa, ndi wawoneska umoyo ndi uzirachivuzi mu evangeli,

2 Timote 1:10 Referans Kwoze

1 Yohane 1:2

(ndipo Umoyo wo ungurongoleka, ndipo tauwona ndipo tisimikizga ndi tikutauliyani Umoyo wo wamwuyaya, wo wenga nawo Dada, ndipo ungurongoleke kwaku ifwe);

ŴaRoma 16:26

Kweni sono ghakuvumbulika, ndipo mumalembo gha ŵamchimi kwakulingana ndi langulu laku Chiuta wamuyaya, chaziŵiskika, ku mitundu yose kuŵatore ku chivwanu cha mu muvwiyu;

2 Petro 3:18

Kweni kuliyanimu wezi ndi mziŵiru wa Ambuyafwe ndi Mtaski Yesu Kristu. Mwaku iyo kuŵiye unkhankhu wo sono ndi ku zuŵa lamuyaya. Ameni.

Tito 2:11

Chifukwa wezi waku Chiuta wabulika, wakutole ŵanthu wose utaski,

1 ŴaKorinte 15:26

Wamawongu wakumariya kwachiwayulika ndi nyifwa.

ŴaRoma 2:7

Umoyo wamuyaya kwaku ŵeniwo ŵachita umampha kwalinthata, mbakulembe unkhankhu ndi rumbu ndi uwura chivuzi;

2 Timote 1:1

Kalata wakutuwa kwaku Paulo wakutumika waku Kristu mu khumbu laku Chiuta, uli ndi phanganu la umoyo wa mwaku Kristu Yesu,

ŴaEfeso 1:9

pakuti watiziŵiska ungari wa khumbu lake, uli ndi likondwa lake, lenilo wanguteme limu mwaku iyo, kuti,

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Hoseya 13:14

Kumbi nkhaŵawombonga ku nthazi ya muunda? Kumbi nkhaŵawombonga ku nyifwa? Wa nyifwa we, urwirwi wako we pani? Wa muunda we, kuparghang'a kwako kwe pani? Lisingu labisika ku maso ghangu.

Chivumbuzi 22:17

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.

Chivumbuzi 22:14

Mbakutumbikika wo ŵasuka minjirira yawo, viyo kuti ŵaŵenge ndi mtufu pa muti wo wa umoyo, ndi kuti pamalikomo ŵaserenge kuya mu msumba wo.

Chivumbuzi 18:1

Pavuli pa ichi ndinguwona mungelo munyake kusikako kuchanya; wenga ndi mtufu ukuru; ndipo charu chingungweruskika ndi unkhankhu wake.

Chivumbuzi 2:7

Mweniyo we ndi gutu, wavwenge cho Mzimu ukamba ku mipingu. Kwaku yo wapunda, nkhapaskanga kurghapo vyapa muti wa umoyo, wo wemu Paradiso waku Chiuta.’

2 Petro 3:2

kuti mukumbukedi manenedu gho ghangukambikiya limu ndi ŵamchimi ŵakupaturika, ndi langulu so la Ambuya ndi Mtaski lakukambika ndi ŵakutumika ŵinu.

2 Petro 2:20

Chifukwa asani, wati wathaŵa maukazuzi gha charu mu chiziŵiru cha Ambuyafwe ndi Mtaski Yesu Kristu, pakuwiramo so mwaku ghenigho, wathereskeka, vyakumariya vyaŵaŵiya viheniku kwakuruska vyakudanga vyo.

2 Petro 1:11

chifukwa viyo kakuskikiyengeko kwaku imwe kwakusambasa kasereredu kamu ufumu wamuyaya wa Ambuyafwe ndi mtaski Yesu Kristu.

2 Petro 1:3

Uli ndimo nthazi yake yauchiuta yatipaskiya vyose vyakukhumbikwa ku umoyo ndi uwopa Chiuta, mu kumziŵa mweniyo watidaniya ku unkhankhu ndi umampha waku yija;

ŴaHebere 10:32

Kweni mujikumbuske ndi mazuŵa ghakundanga, mwenimo, munguti mwangweuskika, mungukunthiyapo mlimbalimba ukuru wa vikomwa,

Tito 3:4

kweni penipo ungubulika ulemu ndi wanja-ŵanthu wa Mtaski widu Chiuta,

Tito 2:13

pakulereze chigomekezgu cho chamwaŵindi chiwoneka cha unkhankhu waku Chiuta mkhuru ndi wa Mtaski widu Yesu Kristu;

2 ŴaTesalonika 2:8

Ndipo wamvumbulika chikana marangu yo mweniyo Ambuya amukumwananga ndi mvuchi wamumlomo wawo, ndipo amukumuvikita ndi chiwoneka cha uzi wawo.

ŴaEfeso 1:18

ngati ghangweruskika maso gha mtima winu, alinga kuti muziŵe imwe cho nchigomekezgu cha mdanu wake, wo mbusambasi wa unkhankhuwa chihara chake mu ŵakupaturika wo,

ŴaGalatia 5:4

Mwagaukako kwaku Kristu mose mwaŵakurunjiskikiya mu chilangulu; mwadezukako ku wezi.

2 ŴaKorinte 5:4

Chifukwa nadi po teche mu hema la liŵavu lenili titamantha ndi kuzitiskika, chifukwa kuti tikhumba kuvwinkhulika cha, kweni kuvwalikika, alinga kuti lachifweni ili limezeke ndi umoyo.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

ŴaRoma 6:6

pakuziŵa chenichi, kuti unthu widu wakali ungupayikikiya pamoza nayo, alinga kuti liŵavu lo la ulakwi liwayulike, viyo kuti tireke ifwe kuŵa so ŵaŵanda ku ulakwi;

ŴaRoma 3:31

Viyo ndi chivwanu tiwayuwa chilangulu kumbi? Kungaŵanga viyo cha! Kweni tikhozga chivwanu.

Machitidu gha Ŵakutumika 13:23

Mu mbeu yaku mweniyo Chiuta wangutole Yisraele kwakulingana ndi chipanganu, Mtaski, Yesu,

Machitidu gha Ŵakutumika 5:31

Mweniyo Chiuta wamkwezge ku marghe ghake, Chirongozgi ndi Mtaski, kwachipaska Yisraele chipe ndi chireke cha vilakwa.

Yohane 20:31

Kweni vyenivi vyalembeka, alinga kuti muvwane kuti Yesu ndiyo Kristu, Mwana waku Chiuta: ndikuti mwaŵakuvwana muŵendi umoyo mu zina lake.

Yohane 5:40

kweni kuti mukhumba kuza kwaku ine cha, mwakuti muŵe umoyo.

Yohane 4:42

Ndipo ku munthukazi yo ŵatinge, “Sono tivwana pa chifukwa cha makani ghako pe cha: kweni pakuti taŵeni tijavwiya, ndipo taziŵa kuti kwakuneneska mwenuyu ndi Mtaski wa charu.”

Yohane 1:9

Kungweruka kwenecho, kwakungweruska munthu yose kwazanga mu charu.

Luka 13:7

Ndipo wanguti ku mlimi mphereska, ‘Awona, virimika ivi vitatu sono nthuza chipenja chipasi mu mkuyu uwu, ndipo kuti ndichisaniyapo cha; uwudumuliye pasi; chifukwa chine usuŵizga so charu?’

Luka 11:36

Asani viyo liŵavu lako lizirima ndakuŵala, lambura chigaŵa chimoza chamdima, liŵenge lakuŵala kosekose, uli mphenipo nyali ndi uŵali wake yikuŵaliya.”

Luka 2:11

pakuti wakuwiyani le, mu muzi waku Davidi, Mtaski mweniyo ndi Kristu Mbuya.

Yesaya 45:21

Taulani ndi longoni mulando winu; ŵarekeni ŵapangane fundu pamoza! Njani wangukamba ichi kale ukongwa? Njani yo wangutaula gha mwaka? Kuti ndenga ine cha Ambuya? Ndipo palivi Chiuta munyake pade paku ine, Chiuta murunji ndi Mtaski; palivi munyake pade paku ine.

Yesaya 45:15

Kwakuneneska, ndiwe Chiuta mweniyo watijibisa, Chiuta mwe waku Yisraele Mtaski.

Yesaya 43:3

Pakuti ndine Ambuya Chiuta winu, Mtuŵa Yumoza waku Yisraele, Mtaski winu. Ndipereka Egipiti nge ndi thumba linu, Etiopia ndi Seba mukugulizgana ndi imwe.

1 Yohane 4:14

Ndipo tawona ifwe, ndipo tisimikizga kuti Dada watuma Mwana wake kuŵa Mtaski wa charu.

2 Petro 1:1

Kalata wakutuwa kwaku Simoni Petro, muŵanda ndi wakutumika waku Yesu Kristu, kwaku ŵeniwo ŵaronde chivwanu chakuzirwa chakuyana ndi chidu mu urunji wa ku Chiuta widu ndi wa Mtaski Yesu Kristu:

Chivumbuzi 20:14

Ndipo nyifwa ndi Hadesi vingupong'eka mu nyanja ya moto. Yeniyi ndi nyifwa yachiŵi, nyanja yo ya moto.

2 Timote 1:8

Viyo na, ungakanyariya cha pa ukaboni wa Ambuyafwe, chingana mphaku ine ndamkoli wake: kweni vwiyangapo maukomwa ghaheni pamoza ndi evangeli uli ndi nthazi yaku Chiuta;

2 Timote 4:1

Ndisimikizgiya pa maso ghaku Chiuta, ndi ghaku Kristu Yesu, yo wakeruzganga ŵamoyo ndi ŵakufwa, ndipo ndi chiwoneka chake ndi ufumu wake;

2 Timote 4:8

chajako kuti chiŵikikiye ine chifuku cho cha urunji, chenicho Mbuya, cheruzga yo murunji, wandipaskenge mu zuŵa liya: ndipo kwaku ine pe cha, kweni so kwaku wose ŵeniwo ŵanja chiwoneka chake.