2 Samuele 8:4 - Tonga Bible 1986

⁴ Ndipo Davidi wangukwamphuwa ŵanthu ŵa pakavalo, chikwi ndi machumi pe chumi ghankhonde ndi ghaŵi (1,700) ndi ŵankhondo ŵakwenda pasi vikwi machumi ghaŵi (20,000); ndipo Davidi wangufyo ŵakavalo wose ŵamagareta, kweni wangusiyapo ŵakwenere pa magareta machumu pe chumi (100).

2 Samuele 8:4 Referans Kwoze

Yoswa 11:9

Ndipo Yoswa wanguŵachitiya nge ndimo Ambuya angumupangizgiya; wangudengenduwa ŵakavalo ŵawo, wangocha ndi moto magareta ghawo.

Yoswa 11:6

Ambuya angunena ndi Yoswa, “Ungaŵawopanga wo cha, chifukwa la mawa pa nyengo nge ndi iyi ndikaŵaperekanga wose, ŵakubayika, kwaku Yisraele; mukadengenduwanga ŵakavalo ŵawo, mukawochanga magareta ghawo ndi moto.”

Sumu 20:7

Ŵanyake ŵathamiya magareta, ŵanyake ŵathamiya ŵakavalo; kweni ifwe tithamiya mu zina la Ambuya Chiuta widu.

1 Mikoka 18:4

Ndipo Davidi wanguronda magareta kwaku iyo chikwi chimoza (1,000); ŵanthu ŵapa ŵakavalo vikwi vinkhonde ndi viŵi (7,000) ndi ŵasilikali ŵakwenda pasi vikwi machumi ghaŵi (20,000) Davidi wangudumuwa misipi ya ŵakavalo wose ŵa magareta, kweni wangusungako ŵakavalo ŵakuyana ndi magareta machumi pe chumi (100).

1 ŴaKaronga 10:26

Ndipo Solomoni wanguunjika pamoza magareta, ndi ŵakukwera pa ŵakavalo; wenga ndi machumi pe chumi ndi ghanayi (1,400) gha magareta, ndi ŵakukwera pa ŵakavalo vikwi chumi ndi viŵi (12,000) ŵeniwo ŵanguŵaŵika mu misumba ya magareta ndi pamoza ndi karonga mu Yerusalemu.

Marangu 17:16

Kweni wangadaniskanga ŵakavalo cha, pamwenga kutumizga ŵanthu ku Egipiti cha mwakuti wandaniske ŵakavalo, pakuti Ambuya akumukambiyani kale imwe kuti, ‘Mukawerenga so ku nthowa yiya cha.’

Chiyambo 49:6

Iwe wa mtima wangu, ungazanga mu fundu yawo cha; iwe wa mzimu wangu, ungajibatikanga ku mpingu wawo cha; pakuti mu kukara kwawo wangubaya ŵanthu, ndipo mu kuwura kujiko kwawo wangupunduwa ng'ombe.