2 Samuele 7:8 - Tonga Bible 1986

⁸ Mu chifukwa ichi ukambenge ndi mteŵeti wangu Davidi, ‘Viyo atiti Ambuya ŵa maŵanja, ndingukuto ku uliska, ku kulondo mberere, mwakuti uŵi mwana wa karonga pa khamu langu Yisraele;

2 Samuele 7:8 Referans Kwoze

2 Samuele 12:7

Natani wanguti kwaku Davidi, “Munthu yo ndimwe. Viyo atiti Ambuya, Chiuta waku Yisraele, ‘Ndingukupaka karonga pa ŵaYisraele, ndipo ndingukutaska ku janja laku Sauli;

2 Samuele 6:21

Sono Davidi wanguti kwaku Mikala, “Penga pa maso pa Ambuya, yo wangundisankha pachanya pa ausu, pachanya pa nyumba yake yose, kundimika nge ndi mwana wa karonga pa ŵaYisraele, khamu la Ambuya, ndipo ndikondwenge paurongo pa Ambuya.

1 Mikoka 17:7

Viyo ndimo wamukambiya ku mteŵeti wangu Davidi, ‘Ambuya ŵa maŵanja atiti, ndingukuto iwe uliska kukuliska mberere, kuti uŵe karonga wa ŵanthu ŵangu ŵaYisraele;

1 Samuele 10:1

Sono Samuele wanguto supa ya mafuta wangupunguliya pa mutu wake, wangumufyofyontha ndi wanguti, “Asi ndi Ambuya wo akupaka mwakuti uŵe chirongozgi wa ŵanthu ŵake ŵaYisraele? Ndipo ukawusanga pa ŵanthu ŵa Ambuya ndi kuŵapozomoska mu janja la ŵarwani ŵawo ŵakuŵazingirizga. Ndipo ichi chiŵenge chisimikizgu kwaku iwe kuti Ambuya akupaka kukupatuwa uŵe fumu pa ŵanthu ŵake.

1 Samuele 9:16

“Mawa pa nyengo nge ndi iyi ndikutumiyenge munthu wakutuliya ku charu chaku Benjamini, ndipo ukamupakanga mafuta kumupatuwa mwakuti waŵe murongozgi wa ŵanthu ŵangu ŵaYisraele. Wakataskanga ŵanthu ŵangu kutuwa ku janja la ŵaFilisti; chifukwa ndawona suzgu ya ŵanthu ŵangu, kuriya kwawo kwafika kwaku ine.”

Machitidu gha Ŵakutumika 7:46

yo wangusaniya wezi paurongo paku Chiuta, ndi wangupempha kumusaniriya Chiuta waku Yakobe hema lakujamo.

1 Samuele 2:8

Akwezga mkavu kutuwa ku fuvu; asoske pachanya ŵaumphaŵi kutuwa kuchiza, kuŵajariska pamoza ndi ŵana ŵa mafumu ndi kuŵahariska mpando wa chitumbiku. Pakuti viŵanja vya charu chapasi vya Ambuya ndipo pakuvyo achimika charu.

2 Samuele 23:1

Ndipo yagha ndi mazu ghaku mariya ghaku Davidi: Karongororedu kaku Davidi, mwana waku Jese, kakambidu ka munthu yo wangukwezgeka pachanya wakupakika waku Chiuta waku Yakobe, mwimbi wakunozga waku Yisraele:

2 Samuele 24:17

Davidi wanguti wawona mungelo yo wakosonga ŵanthu wangunena ndi Ambuya, wanguti, “Wonani, ndananga, ndipo ndachita uheni; kweni nanga mberere izi, kumbi zachitanji? Janja linu, ndi murombani, limikani ndi ine ndipo limikani ndi nyumba ya ada.”

1 ŴaKaronga 3:6

Ndipo Solomoni wanguti, “Mungurongo chifundu chikuru ku muŵanda winu Davidi ada, chifukwa wangwenda paurongo pinu mu ukongorekwa, mu urunji, ndi mukunyoroka kwa mtima kwaku imwe, ndipo munguŵaŵikiya chifundu chikuru ichi, ndipo munguŵapaska mwana munthurumi wakuja pachitengo chawo msana wale.

1 ŴaKaronga 8:16

‘Kutuliya zuŵa lo ndingutuzgiya khamu langu Yisraele mu charu cha Egipiti, ndengavi kusankhapo msumba umoza mu mafuku ghose gha ŵaYisraele, mwakuti ndimu yizengeke nyumba, kuti zina langu lijenge mwenimo; kweni ndingusankha Davidi kuŵa wa­kutufuliya khamu langu la Yisraele.’

1 Mikoka 21:17

Ndipo Davidi wanguti kwaku Chiuta, “Kumbi kuti ndine cha ndingulangula kuti ŵanthu ŵaŵerengeke? Ndalakwa ndine, ndipo ndachita uheni. Kweni mberere izi zachita chine? Ndimurombani Ambuya Chiuta wangu kuti janja linu limikani ndi ine ndi nyumba ya ada; kweni ŵanthu ŵareke kukomwa ndi nthenda ya chigodora.”

2 Samuele 5:2

Mu nyengo zaruta, po Sauli wenga karonga pachanya pidu, ndimwe mungurongozga Yisraele kutuwa ndi kuwe nayo; Ambuya angukamba namwe, ‘Ukaliskanga khamu langu Yisraele, ndipo ukaŵanga karonga pa ŵaYisraele.’ ”

2 Samuele 14:13

Munthukazi wanguti, “Na chifukwa nchine imwe mwaghanaghana chinthu ichi kumikana ndi khamu laku Chiuta? Pakuti pakupereka cheruzgu ichi karonga watijimanga mweneko, po pose karonga wareke kumuwezge pa nyumba wakuthaŵa yo.

Amosi 7:15

ndipo Ambuya angundidana kutuwa ku uliska wangu wa mskambu, ndi anguti kwaku ine, ‘Ruta, ukachimi ku ŵanthu ŵangu ŵaYisraele!’