2 Samuele 7:6 - Tonga Bible 1986

⁶ Kuti ndaja mu nyumba cha kutuliya pa zuŵa lo ndingukwezge ŵaYisraele kutuwa mu Egipiti mpaka zuŵa linu, kweni ndaŵa wakwendendeka mu hema nge nchakujamo changu.

2 Samuele 7:6 Referans Kwoze

1 ŴaKaronga 8:16

‘Kutuliya zuŵa lo ndingutuzgiya khamu langu Yisraele mu charu cha Egipiti, ndengavi kusankhapo msumba umoza mu mafuku ghose gha ŵaYisraele, mwakuti ndimu yizengeke nyumba, kuti zina langu lijenge mwenimo; kweni ndingusankha Davidi kuŵa wa­kutufuliya khamu langu la Yisraele.’

Yoswa 18:1

Sono mpingu wose wa ŵaYisraele unguwungana pa Shilo, ndipo ŵangumika hema lakuwunganamo; charu chinguthereskeka paurongo pawo.

Chivumbuzi 2:1

“Ku mungelo wa mpingu wamu Efeso lembapo: ‘Vyenivi watiti yo ngwakukoreze mu janja lake lamarghe nyenyezi zo nkhonde ndi ziŵi, yo watenda mukati mu vikoleru-nyali vyo vinkhonde ndi viŵi vya golide.

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

Machitidu gha Ŵakutumika 7:44

“Mu bozwa lo auskefwe ŵenga nalo hema la ukaboni, uli ndimo wangulanguliya yo wakambiyanga Mosese kuti walichiti iyo kwakulingana ndi chikozgu cho wawona.

Marangu 23:14

Chifukwa Ambuya Chiuta winu watenda mukati mu ugoŵi winu kumutaskani ndi kupereka ŵakupindikana ŵinu paurongo pinu, chifukwa cho ugoŵi winu utenere kuŵa wakupaturika, kuti wareke kuwona ke kose kawuyu mukati mwinu, vinu wangatuwako kwinu.

2 Samuele 11:11

Uriya wanguti, “Bokosi la Ambuya ndi Yisraele ndi Yuda ŵaja mu misasa; ndipo mbuyangu Yoabu ndi ŵateŵeti ŵa mbuyangu wagona pa bwalo mu dondo; sono ine ndingaruta ku nyumba yangu, kwa chirgha ndi kumwa, ndi kugona ndi muwoli wangu? Po muliri ŵamoyo imwe, ndimo uliri wamoyo mzimu winu, kuti ndichitenge chinthu ichi cha.”

Ŵeruzgi 20:27

Ndipo ŵaYisraele ŵangufumbiriya ku Ambuya (pakuti bokosi la phanganu laku Chiuta lenga kwenikuwa mu mazuŵa ghenigho,