2 Samuele 7:16 - Tonga Bible 1986

¹⁶ Ndipo myumba yako ndi ufumu wako vikajaririyanga kwauneneska pa maso ghangu muyaya; chitengo chako chikakuzgikanga muyaya.’ ”

2 Samuele 7:16 Referans Kwoze

2 Samuele 7:13

Wakazengiyanga nyumba zina langu ndipo ndikakhozganga chitengo cha ufumu wake muyaya.

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Danyele 7:14

Ndipo mtufu, unkhankhu, ndi ufumu, vingupaskika kwaku iyo, kuti ŵanthu wose, mitundu yose, ndi makambidu ghose ŵamutataliye, muwusu wake ndi muwusu wamuyaya, wo kuti umarenge cha. Ndipo ufumu wake kuti ubwangandukenge cha.

Danyele 2:44

Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;

Sumu 45:6

Chitengo chako cha ufumu nchakujaririya muyaya ndi muyaya. Ndodo yinu yachifumu ndi ndodo ya ukongorekwa;

Chiyambo 49:10

Nthonga ya ufumu kuti yikatuwangako kwaku Yuda cha, chingana ndi nthonga ya mweruzgi kutuwa pakati pa malundi ghake, mpaka wazi mweneko waku yo: ndipo kwaku iyo kwamkuŵa muvwiyu wa ŵanthu.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

ŴaHebere 1:8

Kweni ndi Mwana yo Chiuta wanguti: “Chitengu nchako cha ufumu, uwusa ufumu wako ndi urunji.

Yohane 12:34

Mzinda wo ungumwamuka, “Ifwe tavwa ku langulu lo, kuti Kristu wakajaririyanga muyaya. Ukamba uli iwe, mwana wa munthu watenere kusoskeka? Njani uyu Mwana wa munthu?”

2 ŴaKaronga 19:34

Pakuti ndikavikiriyanga msumba uwu ku utaksa, pa chifukwa cha paku ndamweni ndi pa chifukwa chaku Davidi mteŵeti wangu.”

Sumu 72:5

Ŵanthu ŵinu ŵasope imwe po posi dazi liŵala, pose po mwezi upaska kuŵala kwake, ku migonezi yose.

Mateyu 16:18

Ndipo ine nane ndinene iwe, kuti ndiwe Petro, ndipo pa jarawe lenili nkhazenganga eklesiya langu; ndipo nthazi za nyifwa kuti zingalipunda cha.

1 Samuele 25:28

Ndipempha ndigowokeyeni kwananga kwangu ndamteŵeti munthukazi winu, pakuti nadi Ambuya amuchitiyenge mbuyangu nyumba yakukho, chifukwa mbuyangu waturwa nkhondo za Ambuya; ndipo uheni kuti usanirikengemo mwinu cha mu umoyo winu wose.

2 Samuele 7:17

Kwakuyana ndi mazu ghose yagha, ndi kwakuyana ndi chiwona chose, ichi Natani wangumukonkhome Davidi.

1 ŴaKaronga 9:5

po ndipo ndikamiskanga chitengo chako cha ufumu paku Yisraele muyaya, nge ndimo ndingupangirana ndi Davidi ausu, kuti, ‘Kuti pakaperenga munthu wako cha pa chitengo chaku Yisraele.’

Sumu 89:4

“Wa mphapu yako ndiyo wakaŵanga karonga muyaya; ndikasunganga ufumu wako ku migonezi yose.”

Yeremiya 17:25

po ndipo ŵakaserenga pa malikomo yagha ŵakaronga wo ŵaja pa chitengo chaku Davidi ŵakazanga ŵakukwera mu magareta ndi pa ŵakavalo, iwo ndi ŵanangwa ŵawo, ŵanthu ŵaku Yuda ndi ŵakuja mu Yerusalemu, ndipo mu msumba uwumukajanga ŵanthu muyaya.

Yeremiya 33:17

“Pakuti, atiti viyo Ambuya: Davidi kuti wakasoŵanga munthu cha wakuja pa chitengo chaku Yisraele,

2 Samuele 22:51

Apaska upundi ukuru ku karonga wawo, ndi kurongo lisungu la kwanja ku wakupakika wawo; kwaku Davidi ndi ku mphapu yake muyaya.”

1 ŴaKaronga 2:4

alinga kuti Chiuta wafiske mazu ghenigho wangurongoro paku ine, kuti, ‘Asani ŵana ŵako ŵakaphwerenga nthowa zawo, kwachenda paurongo pangu mu ukongorekwa ndi mtima wawo wose ndi ndimzimu wawo wose, kuti wakaperengapo munthu cha wako pa chitengo chaku Yisraele.’

2 ŴaKaronga 8:19

Kweni Ambuya kuti angubaya ŵaYuda cha pa chifukwa chaku Davidi mteŵeti wawo pakuti angupangana kumupaska nyali mpaka ku mphapu yake muyaya.

2 Mikoka 6:16

Viyo sono Ambuya, Chiuta waku Yisraele, sungani cho mungupangana ndi Davidi mteŵeti winu, Davidi ada, kuti, ‘Wasoŵenge cha pamaso ghangu munthu wakuja pa chitengo cha ufumu waku Yisraele, asani ŵana ŵako pe ndiwo ŵangaphwere nthowa yawo, kwenda mu dangu langu nge ndimo iwe wayende paurongo pango.’

Jobu 36:7

Kuti wawezge vuli maso ghake cha kutuwaku ku ŵarunji, kweni wati ŵajarika pamoza ndi ŵakaronga muyaya pa chitengo chawo cha ufumu ndipo ŵakuzgika.

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Ezekiele 37:25

Wakajanga mu charu cho ŵangujamo auskemwe cho ndingupaska mteŵeti wangu Yakobe; iwo, ndi ŵana ŵawo, pamoza ndi ŵana ŵa ŵana ŵawo ŵakajanga mwaku cho muyaya; ndipo Davidi mteŵeti wangu wakaŵanga fumu yawo muyaya.