2 Samuele 5:7 - Tonga Bible 1986

⁷ Kweni ndipuuli Davidi wangupoka linga la Zioni, lo ndi msumba waku Davidi.

2 Samuele 5:7 Referans Kwoze

1 ŴaKaronga 2:10

Sono Davidi wangula pamoza ndi awiske, ndipo wanguŵikika mu msumba waku Davidi.

2 Samuele 6:16

Ndipo pakufika ndi Bokosi la Ambuya mu msumba waku Davidi, Mikala mwana munthukazi waku Sauli wangulereska kubwalo pa dangazi; ndi wanguwona karonga Davidi kuwuluka ndi kuvina paurongo pa Ambuya, wangumunyoza mu mtima wake.

2 Samuele 6:12

Ndipo kungukambika kwaku Davidi karonga kuti, “Ambuya atumbika nyumba yaku Obededomu, ndi vyose vyo wenavyo, chifukwa cha Bokosi laku Chiuta.” Sono Davidi wanguruta kwachito Bokosi laku Chiuta ku nyumba yaku Obededomu wanguza nalo mu muzi wake ndi kukondwere;

Chivumbuzi 14:1

Ndipo ndingulereska, ehe, Mwana-mberere wanguma pa phiri Zioni, ndipo pamoza nayo penga vikwi machumi pe chumi ndi machumi ghanayi ndi vinayi (144,000) wo ŵenga ndi zina lake, ndi zina la Awiske, lakulembeka pa mphumi zawo.

ŴaHebere 12:22

Kweni mwaziya ku phiri Zioni ku Msumba waku Chiuta wamoyo, Yerusalemu wakuchanya, ndi ku maurapasi ghakuru gha ŵangelo,

ŴaRoma 9:33

uli ndimo kwalembeke, “Awonani, ndiŵika mu Zioni mwa wachiguŵisku ndi jarawe la chiwiska: ndipo yo ngwakuvwana paku iyo kuti walengeskekenge cha.”

Mika 4:2

ndi mitundu yinandi yikazanga ndi kunena kuti: “Tiyeni tikwere ku phiri la Ambuya, ku nyumba yaku Chiuta waku Yakobe; mwakuti watisambizge nthowa zake ndi kuti tendenge mwaku zo.” Chifukwa ku Zioni kukatuwiyanga dangu, ndi mazu gha Ambuya ghakatuwiyanga ku Yerusalemu.

Yesaya 59:20

“Ndipo akazanga ku Zioni uli ndi Muwombozi, kwaku wo ŵaweko ku utimbanizi mwaku Yakobe,” atiti Ambuya.

Yesaya 12:6

Bongoni, ndipo mbani ndi chimwemwe, mwa ŵakuja mu Zioni, pakuti mukuru mukati mwinu ndi Mtuŵa Yo waku Yisraele.”

Sumu 132:13

Ambuya asankha Zioni; akhumba kumanga uja wawo penipa;

Sumu 87:2

watanja msumba wa Yerusalemu kwakuruska malo ghose ghanyake mu Yisraele.

Sumu 51:18

Chitiyani umampha Zioni mu kukondwa kwaku mwaŵeni; zengani so malinga ghaku Yerusalemu,

Sumu 48:12

Yendani kuzunguliya Zioni, mzunguliyeni, ŵerengani ŵasonjo ŵake,

Sumu 9:11

Mbiyani marumbu ku Ambuya, akuja mu Zioni! Taulani mukati mu ŵanthu nchitu zawo!

Sumu 2:6

“Ndamika karonga wangu pa Zioni, phiri langu lakupaturika.”

2 Mikoka 24:16

Wangumuŵika mu msumba waku Davidi mukati mu ŵakaronga, chifukwa wanguchita umampha mu Yisraele ndi kwaku Chiuta ndi ku nyumba yake.

2 Mikoka 5:2

Viyo Solomoni wanguwungang'a ŵaraŵara ŵaku Yisraele ndi ŵara wose ŵa mafuku, ndi wose ŵara ŵa nyumba za auskeu za ŵaYisraele ku Yerusalemu kwachito bokosi la phanganu la Ambuya, kulituzga mu msumba waku Davidi; wo ndi Zioni.

1 Mikoka 11:7

Davidi wajanga mu linga lakukhozgeka; chifukwa cho ungudanika msumba waku Davidi.

1 ŴaKaronga 8:1

Pavuli Solomoni wanguwunjika pamoza ŵara ŵaku Yisraele, ndi ŵarongozgi wose ŵa mafuku, ŵarongozgi ŵa nyumba za auskeu ŵa khamu laku Yisraele, paurongo pa karonga Solomoni mu Yerusalemu, kwachito bokosi la phanganu la Ambuya kutuwa mu msumba waku Davidi, wo ndi Zioni.

1 ŴaKaronga 3:1

Solomoni wanguchita chanasi cha nthengwa ndi Farao karonga wa Egipiti; wangu to mwana munthukazi waku Farao ndipo wanguza nayo mu msumba waku Davidi, mpaka penipo wangumalizga kuzenga nyumba yake ndi nyumba ya Ambuya ndi linga lakuzunguliya Yerusalemu.

2 Samuele 6:10

Viyo Davidi kuti wangukhumba cha kutole Bokosi la Ambuya mu muzi wake; kweni Davidi wangulitore ku nyumba yaku Obededemu mu Giti.

2 Samuele 5:9

Ndipo Davidi wanguja mu linga, ndi wangulidana linga la msumba waku Davidi, ndipo Davidi wanguzenga msumba zingirizge kutuwa ku Milo mpaka mukati.

2 Samuele 5:8

Ndipo Davidi wanguti pa zuŵa liya, “Yose yo wangapuma ŵaYebusi, wakwere mu mpopi wa maji ŵakupunduka ndi ŵachuburumutiya, ŵakutinkhika ndi mzimu waku Davidi.” Mu chifukwa ichi kukambika, “Ŵachimburumutiya ndi ŵakupunduka kuti ŵakazanga mu nyumba cha.”

1 ŴaKaronga 9:24

Kweni mwana munthukazi waku Farao wangukwera kutuwa ku msumba waku Davidi kuya ku nyumba yake yo wangumuzenge Solomoni, pavuli wanguzenga Milo.

Yeremiya 21:13

“Ehe, ine nde wakususkana nawe, wakuja mu dambo we, jarawi lapa mtetete we, atiti Ambuya; mwaŵenimwe mutiti, ‘Njani wakasikanga kulimbana ndi ifwe, pamwenga njani wakaserenga mu nyumba zidu?’

Nehemiya 3:15

Ndipo Shalumu mwana waku Koloheze mweruzgi wa charu cha Mizpa, wangulongoso Likomo la Chisima; wangulizenga ndi kuŵikapo bagha ndi wanguŵikamo visasa vyake, mpilingizgu, ŵakabali ŵake, ndi mphanjizgu zake ndi wanguzenga linga la chiziŵa cha Shela chamu munda wa karonga, kwachifika kumakwerero ghakusikiyapo pakutuwa ku msumba waku Davidi.

Sumu 48:3

Mukati mu nyumba zake za ufumu, Chiuta wajirongo mweneko kuŵa chivekeru chakukho.