2 Samuele 3:6 - Tonga Bible 1986

⁶ Ndipo po kwenga nkhondo pakati pa nyumba yaku Sauli ndi nyumba yaku Davidi, Abnere wangujikuzga mu nyumba yaku Sauli.

2 Samuele 3:6 Referans Kwoze

Mateyu 12:30

Yo kuti we pamoza nane cha, wamikana nane; ndipo yo walive kuwunjika pamoza nane, waparghang'a.

Nthanthi 21:30

Palivi zeru, palivi kuwamo, palivi pangizgu, vyo vingawovya kumikana ndi Ambuya.

2 Mikoka 25:8

Kweni asani ughanaghana kuti pakuchita viyo uŵenge ndi nthazi kurwa mkhondo Chiuta wamkukuwiska pasi pa ŵarwani ŵako, pakuti Chiuta wendi nthazi kovya pamwenga kupong'a pasi.”

2 ŴaKaronga 10:23

Sono Yehu wangusere mu nyumba yaku Bala pamoza ndi Yehonadabu mwana waku Rekabu; ndipo wanguti ku ŵakusopa Bala, “Penjani, ndi muwoni kuti mulivi wakuteŵete Ambuya mukati mwinu, kweni ŵaŵemo ŵakusopa Bala pe.”

2 Samuele 3:5

wachinkhonde ndi chimoza wenga, Itireama, waku Egla, muwoli waku Davidi. Yaŵa ŵangupapikiya Davidi mu Hebroni.

1 Samuele 14:50

muwoli waku Sauli wenga Ahinoamu mwana munthukazi waku Ahimaza. Ndipo zina la nduna yake ya nkhondo lenga Abnere mwana waku Nere, msibweni waku Sauli;

2 Samuele 3:1

Panguŵa nkhondo nyengo yitali pakati pa nyumba yaku Sauli ndi nyumba yaku Davidi; ndipo Davidi wakuwanga-kuwanga mu nthazi, po nyumba yaku Sauli yatomborokangatomborokanga.