2 Samuele 23:7 - Tonga Bible 1986

⁷ munthu wakuyikwaska watijirongosole chisulo ndi luti la mkondo; ndipo yitocheka ndi moto.”

2 Samuele 23:7 Referans Kwoze

ŴaHebere 6:8

kweni cho nchakume minga ndi ŵakankhandi, nchakupatika ndipo che pafupi kutembeka; kamaridu kaku chenicho nkhocheka.

2 ŴaTesalonika 2:8

Ndipo wamvumbulika chikana marangu yo mweniyo Ambuya amukumwananga ndi mvuchi wamumlomo wawo, ndipo amukumuvikita ndi chiwoneka cha uzi wawo.

2 ŴaTesalonika 1:8

wachitayiya thayu pa ŵakuura-kuziŵa Chiuta, ndi ku ŵakureka-kuvwiya evangeli wa Ambuyafwe Yesu.

Yohane 15:6

Asani munthu wareka kujaririya mwaku ine, wapong'eka kubwaro nge ndi mphanda, wamira; ndipo ŵaunjika mphanda zo, watizipong'a mu moto, ndipo zitocheka.

Luka 19:27

Ndipo so ŵakupindikana nane yaŵa, wo ŵengavi kukhumba ine kuŵaŵusa ŵatoleni kuno, ndi ŵabayiyeni paurongo pangu.’ ”

Luka 19:14

Kweni ŵamumuzi wake ŵamtinkhanga ndipo ŵangutuma nthumi muvuli mwake, ŵakunena, ‘Kuti tikhumba uyu kuwusiya paku ifwe cha.’

Mateyu 13:42

ndipo waŵapong'enge mu ng'anjo ya moto: kweniko kuŵenge kuliya ndi kukukuta kwa minyu.

Yesaya 27:4

Kweni kuti ndisaniya vinyo cha. Mphanyi ndinguŵa ndi minga ndi kankhande, ndatinge ndirwenge nawo nkhondo ndi kuwocha wose.

Mateyu 13:30

Virekeni vyose viŵi vikuliye pamoza mpaka chivuna: ndipo mu nyengo ya kuvuna ndiŵaneniyenge ŵakuvuna, Unjikani danga maduru, ghamangeni nchindanchinda kwachighocha: kweni trigu yo rongani mu nkhokwe yangu.’”

Yesaya 33:12

Ndipo ŵanthu ŵakaŵanga nge ŵawocheka kuŵa utoto, uli ndi minga yakudumulikiya pasi yo yocheka mu moto.”

Ezekiele 2:6

Ndipo iwe, mwana wa munthu, ungaŵawopanga cha, nanga nkhopa mazu ghawo, nanga mukwakwazu ndi minga vye paku iwe ndipo uja pasi pa vipiliri; kopa mazu ghawo cha, pamwenga kulakatuka ndi kalereskero kawo, chifukwa ndiwo nyumba yakugaruka.

Sumu 21:10

Imwe muparghang'enge mphapu yawo mu charu chapasi, ndi ŵana ŵawo mukati mu ŵana ŵa ŵanthu.