2 Samuele 21:21 - Tonga Bible 1986

²¹ Ndipo po wanguti wanyoza Yisraele, Jonafani mwana waku Shimei, mbali waku Davidi wangumukoso.

2 Samuele 21:21 Referans Kwoze

1 Samuele 17:36

Ndamteŵeti winu ndabayapo zinkharamu ndi ŵachipembere ndipo muFilisti uyu wambura kuchinjika wakaŵanga nge njimoza yaku zo, pakuti wanoza maŵanja ghaku Chiuta wamoyo.”

1 Samuele 17:10

MuFilisti uyu wanguti, “Ndaŵaderera ŵamazaza ŵaku Yisraele, zuŵa linu ndipaskeni munthu kuti tipumane.”

1 Samuele 16:9

Jese wangujumphiskapo Shama, Samuele wanguti, “Nanga ndi uyu kuti Ambuya amusankha cha.”

1 Mikoka 27:32

Yonafani msimbweni waku Davidi wenga mupifundu, wenga munthu wazeru ndi mlembi; iyo ndi Yehieli mwana waku Hakinoni wenga pamoza ndi ŵana ŵa karonga.

1 Mikoka 2:13

Jese wangupapa Eliabu wa umwali, Abinadabu wachiŵi, Shimeya wachitatu,

2 ŴaKaronga 19:13

Wepani karonga wa Hamati, karonga wa Arpadi, karonga wa msumba wa Sefarvaimu, karonga wa Hena, pamwenga wa Iva?’ ”

1 Samuele 17:3

ŴaFilisti ŵanguma kurwande kwa phiri, ŵaYisraele ŵanguma kurwandi linyake la phiri, dambo linguŵa pakati pawo.

2 Samuele 21:20

Kwenga so nkhondo pa Gata, ko kwenga munthu wa msinkhu ukuru, wenga ndi minwe nkhonde ndi umoza ku janja limoza, kujanja linyake naku viyo, ndi vikumbu nkhonde ndi chimoza ku phazi limoza, vyose pamoza vyenga machumi ghaŵi ndi vinayi (24); nayu so wenga wamu mphapu ya vikhara.

2 Samuele 21:22

Yaŵa ŵanayi ŵenga ŵakutuwa mu mphapu ya vinkhara mu Gata, ndipo ŵangubayika ndi janja laku Davidi ndi la ŵateŵeti ŵake.

2 Samuele 13:3

Kweni Amunone wenga ndi bwezi, yo zina lake lenga Yonadabu, mwana munthurumi waku Shimea, mbali waku Davidi; Yonadabu wenga munthu muchenjezi ukongwa.