2 Samuele 18:2 - Tonga Bible 1986

² Ndipo Davidi wangutuma nkhondo, chigaŵa chimoza cha vigaŵa vitatu pasi paurongozgi waku Yoabu, chigaŵa chimoza cha vigaŵa vitatu pasi paurongozgi waku Abishai mwana waku Zeruya, mwana munyake ndi Yoabu, ndi chigaŵa chimoza cha vigaŵa vitatu pasi paurongozgi waku Itai muGiti. Ndipo karonga wanguŵanene ŵanthu, “Ine ndamweni nane nkharutanga namwe.”

2 Samuele 18:2 Referans Kwoze

Ŵeruzgi 7:16

Ndipo wangugaŵa ŵanthu wo machumi pe chumi ghatatu (300) mu mawumba ghatatu, wanguŵika zimbata mu manja ghaku wo wose ndi tuvipindi twambura kanthu mukati, ndi malumbuni mukati mu tuvipindi.

Sumu 3:6

Kuti nditopa cha vikwi chumi vya ŵanthu wo ŵajiŵika kumikana nane kwakundizunguliya.

2 Samuele 17:11

Kweni ine fundu yangu njakuti, ŵaYisraele wose ŵawungane kwako, kutuwa ku Dani mpaka ku Beresheba, nge ndi mchenga wapa likumba la nyanja unandi wawo, ndikuti imwe namwe mwaŵeni muruti ku nkhondo.

1 Samuele 11:11

Ndi mlenji Sauli wanguŵika ŵanthu mu maliŵanja ghatatu; ndipo ŵangusere mukati mu ugoŵi kumatandakucha, wanguŵabaya ŵaAmoni mpaka pa nyengo yakufunda kwa lumwi; ndipo ŵaku japo ŵanguthaŵa, mwakuti chingana mbanthu ŵaŵi kuti ŵanguziŵa kuma pamoza cha.

Ŵeruzgi 9:43

Ndipo wanguto ŵanthu ŵake, wanguŵagaŵa mipingu yitatu, ŵangukhazga mu minda; wangulereska ndipo wanguwona ŵanthu ŵatuwa mu msumba, wanguŵayukiya ndi wanguŵabaya.

Ŵeruzgi 7:19

Viyo Gideoni ndi ŵanthu machumi pe chumi (100) wo ŵenga pamoza nayo ŵanguza mu mphepete mwa ugoŵi wo pa kwamba kwa ulinda wa usiku pakati, penipo ŵangutaka ŵikepo ŵalonda; ŵangumba zimbata ndipo ŵanguswa tuvipindi to twenga mu manja ghawo.

2 Samuele 23:18

Sono Abishai mwana munyake ndi Yoabu, mwana waku Zeruya, wenga fumu paku ŵa machumi ghatatu. Ndipo iyo wangusoska mkondo wake pa ŵanthu machumi pe chumi ghatatu (300) wanguŵabaya, ndipo wanguŵa ndi lumbiri pade pa ŵatatu ŵa.

1 ŴaKaronga 2:28

Penipo makani yagha ghanguza kwaku Yoabu, pakuti Yoabu wanguzomerezgana ndi Adoniya chingana wengavi kuzomerezana ndi Absalomu, Yoabu wanguthaŵiya ku hema la Ambuya ndi wanguko masengwe gha chiguŵa cha sembe.

2 Samuele 8:16

Yoabu mwana waku Zeruya wanguŵa wapachanya pa ŵankhondo; Yehoshafati mwana waku Ahiludu wenga mlembi wa makani;

2 Samuele 21:17

Kweni Abishai mwana waku Zeruya wangumovya, wangukoso mufilisti ndi kumubaya. Penipo ŵanthu ŵaku Davidi ŵangumurapiya, “Kuti utuliyenge so pamoza nafwe ku nkhondo cha, vinu ungazimwa lumbuni laku Yisraele.”