2 Samuele 15:8 - Tonga Bible 1986

⁸ Pakuti ndamteŵeti wino ndingurapa rapu po ndenga ndeche kuja pa Geshuru mu Aramu, ndinguti, ‘Asani nadi Ambuya andiwezgiyenge so ku Yerusalemu, iku nkhaperekanga chisopo ku Ambuya.’ ”

2 Samuele 15:8 Referans Kwoze

1 Samuele 1:11

Wangurapa rapu wanguti, “Ambuya wa maŵanja nadi muwonenge pa suzgu ya muŵanda munthukazi winu, ndi kundikumbuka, kuruwa ndamuŵanda munthukazi winu cha, kuti mundipaske ndamuŵanda-munthukazi winu mwana munthurumi, ine ndimuperekenge ku Ambuya, mu umoyo wake wose, lwembe kuti likakwaskanga ku mutu wake cha.”

Yeremiya 42:20

kuti pakupuruka kwinu mukafwanga. Pakuti mungundituma ku Ambuya Chiuta winu kuti, ‘Tirombe ku Ambuya Chiuta widu, ndipo chose cho Ambuya Chiuta widu wakambenge utitauliye ndipo tikachichitanga.’

Yesaya 28:15

Pakuti mwakamba kuti, “Tachita phanganu ndi nyifwa, ndi muunda tazomerezgana; asani likhwechu likuru lakapo kuti likazanga kwaku ifwe cha, pakuti maboza ndigho tato kuŵa chakudingang'amo chidu, ndipo mu utesi ndimo tabisama;”

Wakutaula 5:4

Penipo urapa rapu kwaku Chiuta, reka kuswera pakulifiska; chifukwa iyo kuti wendi likondwa mu ŵazereza cha. Fiska cho warapa.

Sumu 56:12

Marapu ghangu kwaku imwe nditenere kufiska, A Chiuta; ndiperekenge kwaku imwe mipasku yakuwonga.

2 Samuele 14:32

Absalomu wangwamuka, “Awona, ndingukutumiya mazu, ‘Uze kunu, mwakuti ndikutumi ku karonga, kwachimufumba, “Chifukwa cho ndikutuliya ku Geshuru nchine? Mphanyi kwenga kwamampha kuti ndije kwenikuwa.” Mwa chifukwa ichi ndizomerezge kuti ndikawonane ndi karonga; ndipo asani nde nayo ndi chifukwa, iku wakandibaye.’ ”

2 Samuele 14:23

Viyo Yoabu wangusoka wanguruta ku Geshuru, ndi kutole Absalomu ku Yerusalemu.

1 Samuele 16:2

Samuele wangwamuka, “Ndirutenge uli? Asani Sauli wavwa ichi, wandibayenge.” Ambuya anguti, “Uto thole la ng'ombe, ndipo wamukuti, ‘Ndaziya kwazipereka sembe ku Ambuya.’

Yoswa 24:15

Ndipo asani kuti mukakhumbanga cha kutataliya Ambuya, sankhani msana wale mweniyo mukatataliyanga, manyi mba chiuta wo auskemwe ŵangutataliya kusirgha liya la Msinji, pamwenga ŵachiuta waAmori ŵeniwo imwe muja mu charu chawo; kweni nge nkhwaku ine ndi wose ŵamu nyumba yangu titataliyenge Ambuya.”

2 Samuele 3:3

wachiŵi Kileaba, waku Abgaili choko chaku Nabala waku Karmele; wachitatu wenga, Abisalomu mwana munthurumi waku Maka mwana munthukazi waku Talma karonga waku Geshuru;

2 Samuele 15:9

Karonga wangunena nayo, “Ruta mu chimangu.” Viyo wangusoka, wanguruta ku Hebroni.