2 Mikoka 9:9 - Tonga Bible 1986

⁹ Ndipo fumukazi yingupaska karonga matalente gha golide machumi pe chumi pachanya machumi ghaŵi (120) ndi vyakununkhira vinandi ukongwa ndi mya yakuzirwa: kwengavi so vyakununkhira vinyake vyakuzirwa kulingana ndi viya fumukazi yaku Sheba yingupaska Solomoni.

2 Mikoka 9:9 Referans Kwoze

Sumu 72:15

Waŵe ndi utali karonga! Wapaskike golide waku Sheba, marombu ŵamurombiyenge kwambura kurekezga; ndipo vitumbiku vyaku Chiuta viŵe paku iyo nyengo yose!

Sumu 72:10

Ŵakaronga ŵaku Tarshishi ndi ŵarau virwa ŵakaperekanga mipasku; ŵakaronga ŵaku Sheba ndi Seba ŵakamuziyanga ndi mithulu.

2 Mikoka 9:24

Ndipo munthu yose wanguza ndi chawanangwa chake, viyaŵi vya siliva ndi viyaŵi vya golide, vivwaru, muro, vyachema, ŵakavalo ndi myulu, vinandi ukongwa chirimika.

2 Mikoka 9:1

Sono penipo fumukazi yaku Sheba yinguvwa ndi mbiri yaku Solomoni yinguza ku Yerusalemu kuzachimwesa ndi mafumbu ghanonono, yakuŵa ndi mzinda ukuru ndi ŵagamira ŵakupinga vyakununkhira ndi golide linandi, ndi mya yakuzirwa, penipo yinguza kwaku Solomoni, yingumunene vyose vyo yenga navyo mu mtima wake.

1 ŴaKaronga 10:10

Pavuli fumukazi yingupaska karonga matalente gha golide machumi pe chumi ndi machumi ghaŵi (120), ndi vyachema vinandi ukongwa, ndi mya ya mtengo wapatali, kuti kunguza so unandi wa vyachema cha pavuli nge ndi vyo fumukazi yaku Sheba yingupaska ku karonga Solomoni.

1 ŴaKaronga 9:14

Hiramu wangutuma ku karonga matalente machumi pe chumi ndi machumi ghaŵi (120) gha golide.

Chiyambo 43:11

Viyo uskeu Yisraele wanguti kwaku iwo. “Asani kwe viyo, iku chitani ichi: toriyani mu mathumba ghinu vipasi vyamampha vya charu ichi, ndi pingiyani muthu yo vyawanangwa, mafuta ghakupozga ghamanavi, ndi uchi umanavi, maziu, muro, mbarara za pistakio, ndi ŵazobara.

Chituwa 30:34

Ndipo Ambuya anguti kwaku Mosese, “Uto vyakununkhira vyamampha, mure ndi sekereti ndi gelebuna, vyakununkhira vyamampha ndi nje zo zakununkhira (chimoza ndi chimoza) viyanenge mu unandi,

2 Mikoka 9:8

Atumbikike Ambuya Chiuta mweniyo wakondwa namwe, ndi wamujarikani pa chitengo cha ufumu wake kuŵa karonga mu malo gha Ambuya Chiuta winu! Chifukwa Chiuta winu watanja ŵaYisraele kuŵakhozga muyaya, chifukwa ichi ŵamumikani kuŵa karonga wawo, mwakuti mweruzgi ndi urunji.”

2 Mikoka 9:10

Ndipo so ŵateŵeti ŵaku Hiramu ndi ŵateŵeti wo ŵanguza ndi golide kutuwa ku Ofiri ŵanguza so ndi miti ya aligumu ndi mya yakuzirwa.