2 Mikoka 8:15 - Tonga Bible 1986

¹⁵ Ndipo ŵazukuru ndi ŵaLevi kuti ŵangupatukako cha ku dangu lo karonga wanguŵalanguliya pa makani ghe ghose ndi pa usambasi.

2 Mikoka 8:15 Referans Kwoze

2 Mikoka 30:12

Janja laku Chiuta lenga so paku Yuda kuŵapaska mtima umoza kuchita cho karonga ndi mafumu ghangulangula mu mazu gha Ambuya.

1 Mikoka 9:29

Ŵanyake ŵaku iwo ŵangusankhikiya kulereska pa vyakupanga ndi pa viyaŵi vyose vyakupaturika, ndi pa ufwa wamampha, vinyo, mafuta, vyakusunkhizgiya, ndi vyachema.

1 ŴaKaronga 7:51

Viyo ndimu yingumariya nchitu yose yo karonga Solomoni wanguchita pa nyumba ya Ambuya. Ndipo wanguserezgamo vinthu vyose vyo Davidi awiske wangupatuliya mlimu waku Chiuta, siliva, golide, ndi viyaŵi, wanguvilonga mu malo ghakusungiyamo mauromba gha nyumba ya Ambuya.

2 Mikoka 8:14

Kwakuyana ndi langulu laku Davidi awiske wanguŵika vigaŵa vya ŵazukuru ku milimu yawo ndi vigaŵa vya ŵaLevi ku nchitu yawo ya mathamiko ndi ya uliska pa maso pa ŵazukuru nge ndimo mlimu wa zuŵa weneriyanga; ŵalinda malikomo nawo mu vigaŵa vya wo pa malikomo ghose; chifukwa viyo ndimo karonga Davidi munthu waku Chiuta wangulanguliya.

2 Mikoka 8:16

Viyo ndimo nchitu yose yaku Solomoni yingunozgeke kwamba pa zuŵa lakuŵikiya chiŵanja cha nyumba ya Ambuya mpaka po yingumariya. Viyo nyumba ya Ambuya yingufiskika.