2 Mikoka 8:11 - Tonga Bible 1986

¹¹ Solomoni wanguza ndi mwana munthukazi waku Farao kutuwa mu msumba waku Davidi, kuza nayo ku nyumba yo wangumuzenge, chifukwa wanguti, “Muwoli wangu wareke kuja mu nyumba yaku Davidi karonga waku Yisraele, chifukwa malo gha, kwaza bokosi la Ambuya sono ngakupaturika.”

2 Mikoka 8:11 Referans Kwoze

1 ŴaKaronga 7:8

Nyumba yaku iyo mwenecho mo wajanga, mu bwaro linyake ku msana kwa chipinda, yenga yakuzengeka ndi misili mweniyo pe. Solomoni wanguzenga so nyumba yakuyana ndi chipinda ichi wanguzenge mwanamunthukazi waku Farao yo wanguto kuŵa muwoli.

1 ŴaKaronga 3:1

Solomoni wanguchita chanasi cha nthengwa ndi Farao karonga wa Egipiti; wangu to mwana munthukazi waku Farao ndipo wanguza nayo mu msumba waku Davidi, mpaka penipo wangumalizga kuzenga nyumba yake ndi nyumba ya Ambuya ndi linga lakuzunguliya Yerusalemu.

1 ŴaKaronga 9:24

Kweni mwana munthukazi waku Farao wangukwera kutuwa ku msumba waku Davidi kuya ku nyumba yake yo wangumuzenge Solomoni, pavuli wanguzenga Milo.

2 Petro 1:18

Ndipo mazu ghenigho tinguvwa ifwe ghachiza kutuliya kuchanya, pakuŵa pamoza nayo mu phiri lo lakupaturika.

Ezekiele 21:2

“Mwana wa munthu, urazge chisku chako ku Yerusalemu taula vya mu malo ghakupaturika: uchimi ndi charu chaku Yisraele.

Chituwa 29:43

Mwenimuwa ndikakumananga ndi ŵaYisraele, ndipo likapaturikanga ndi unkhankhu wangu.

Chituwa 3:5

Sono wanguti, “Ungazanga pafupi; zuwa skapato zako ku marundi ghako, pakuti malo gho wamapo ndi malo ghakupaturika.”

2 Mikoka 8:10

Uwu ndiwo wenga unandi wa ŵarongozgi ŵara ŵa karonga Solomoni, machumi pe chumi ghaŵi pachanya machumi ghankhonde (250) wo ŵenga ndi mtufu pa ŵanthu.