2 Mikoka 5:1 - Tonga Bible 1986

¹ Viyo nchitu yose yo Solomoni wanguchitiya nyumba ya Ambuya yingumara, viyo Solomoni wanguserezga vinthu vyose vyo awiske Davidi wanguvipatuwa, wanguŵika siliva ndi golide ndi viyaŵi vyose mukati mu nkhokwe za nyumba yaku Chiuta.

2 Mikoka 5:1 Referans Kwoze

1 ŴaKaronga 7:51

Viyo ndimu yingumariya nchitu yose yo karonga Solomoni wanguchita pa nyumba ya Ambuya. Ndipo wanguserezgamo vinthu vyose vyo Davidi awiske wangupatuliya mlimu waku Chiuta, siliva, golide, ndi viyaŵi, wanguvilonga mu malo ghakusungiyamo mauromba gha nyumba ya Ambuya.

1 Mikoka 22:14

Mu visungu vikuru ndarongosole nyumba ya Ambuya usambasi wa golide vikwi machumi chumi (100,000) usambasi wa siliva vikwi machumi pe chumi (1,000,000) ndi mkuŵa ndi visulo vyambura kupimika uzitu wake, chifukwa vinandi ukongwa; mathabwa ndi mya navyo ndanozga. Usazgiyeko kwaku yivi.

2 Samuele 8:11

ivi navyo karonga Davidi wanguvipatuliya ku Ambuya pamoza ndi siliva ndi golide vyo wangupatuwa vyakutuwa mu mitundu yose yo wanguthereska,

1 Mikoka 18:11

yivi navyo karonga Davidi wanguvipaturiya ku Ambuya, pamoza ndi siliva ndi golide vyo wangupinga kutuwa ku mitundu yose, kutuwa ku ŵaEdomu, ŵaMoabu, ŵaFilisti ndi ŵaAmeleke.

2 Mikoka 4:22

vyakuzimiya nyali, ndi mbali zisani, ndi mbali zakusunkhizgiyamo vyakununkhira, mazinga ghakukazingapo gha golide wamampha, ndi mphuwu za kasopi za khomo lake la mukati lakuserere ku malo ghakupaturika ndi zamu makhomo ghakuserere mu malo gha pakatikati gha kasopi zenga za golide.

1 ŴaKaronga 7:39

Wangumika vyakumapo, vinkhonde kuchiri ku malaŵi kwa nyumba yo ndi vinkhonde ku nkhonde kwa nyumba, ndipo wanguŵika nyanja ku chisongo chaku vuma kuchiri ku malaŵi kwa nyumba yo.