2 Mikoka 32:8 - Tonga Bible 1986

⁸ Kwaku iyo kwe janja la liŵavu la nyama; kweni kwaku ifwe kwe Ambuya Chiuta widu, kutovya ndi kurwa nkhondo zidu.” Ndipo ŵanthu ŵanguchinthiskika, kuyegeme pa mazu ghaku Hezekiya karonga waku Yuda.

2 Mikoka 32:8 Referans Kwoze

Yeremiya 17:5

Viyo atiti Ambuya: “Wakutembeka ndi munthu mweniyo wagomekezga mu munthu yo wasanduska liŵavu kuŵa nthazi yake, mweniyo mtima wake utuwako ku Ambuya.

2 Mikoka 20:17

Kuti nkhwinu kwachipota nkhondo cha, khwimani mtima, mwamkuma ŵaka jo, kuwona chipozomosko chaku Chiuta chakwaku imwe mwa ŵaYuda ndi Yerusalemu.’ Mungopanga chingana nkhutenthema, mawa rutaninge, chifukwa Chiuta waŵenge namwe.”

2 Mikoka 20:15

Iyo wanguti, “Avwani, imwe mose ŵaYuda ndi imwe muja mu Yerusalemu, ndi imwe karonga Yehosafati, viyo ndimo watumuneniyani Chiuta, wati, ‘Mungopanga cha chingana nkhutenthema chifukwa cha chimzinda ichi chikuru, chifukwa nkhondo njinu cha, njaku Chiuta.

2 Timote 4:17

Kweni Mbuya iyo wangumapo pamoza nane, ndipo wangundikhomeska; alinga kuti mwaku ine mumemezu wo ufiskike, ndipo kuti ŵanguvwa ŵaMitundu wose: ndipo ndingutaskika ku mlomo wa nkharamu.

Machitidu gha Ŵakutumika 18:10

chifukwa ine nde nawe pamoza, ndipo paŵengevi yumoza wakudumiyenge kukuchitiya uheni, chifukwa nde nalo khamu likuru mu msumba uwu.”

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

1 Yohane 4:4

Mwe ŵakwaku Chiuta imwe, mwatwana twangu, ndipo mwaŵapunda; pakuti mweniyo we mwinu ndi mkuruku kwakuruska yo we mu charu.

Sumu 46:11

Ambuya ŵa maŵanja we pamoza nafwe; Chiuta waku Yakobe nchakudingang'amo chidu.

2 Mikoka 13:12

Wonani Chiuta wendi ifwe, ndiyo chirongozi widu, ndi ŵazukuru ŵake ndi mbata zakumba tichirwa nkhondo ndi imwe. Imwe mwa ŵana ŵaku Yisraele rekani kurwana ndi Ambuya Chiuta wa ambuyamwe; chifukwa mwanduwengepo kanthu cha.”

Marangu 20:4

Pakuti Ambuya Chiuta winu ndiyo waruta namwe pamoza, kwachimurwiyani kumikana ndi ŵakupindikana ŵinu kumupaskani imwe chirewa.’

Nthanthi 12:25

Maghanughanu mu mtima wa munthu ghatimusiskiya pasi, kweni limazu lamampha litumukondweska.

2 Mikoka 20:20

Ndipo ŵangucherera ndi chivivivi wanguruta ku bozwa laku Tekoa; ŵachiruta, Yehosafati wanguma wanguti, “Mundivwe, mwa ŵaYuda ndi Yerusalemu! Vwanani mwaku Chiuta widu, ndipo mukhozgekenge; gomezgani ŵamchimi ŵake ndipo mupundenge.”

2 Mikoka 14:11

Ndipo Asa wanguririya kwa Ambuya Chiuta wake kuti, “Ambuya Chiuta, wakulingana ndi imwe nkhulivi, kovya pakati pa ŵanthazi ndi ŵambura nthazi. Tovyeni Ambuya Chiuta widu, pakuti tiyegeme kwinu, ndipo mu zina linu tizirwi ndi chimzinda ichi. Ambuya ndimwe Chiuta widu munthu kuti wangamtondani cha.”

Marangu 20:1

“Muchiya ku nkhondo kwachimikana ndi ŵakupindikana ŵinu, ndi muchiwona ŵakavalo ndi magareta, ndi liŵanja la nkhondo likuru kwakuruska linu, mungaŵawopanga cha; pakuti Ambuya Chiuta winu we namwe pamoza, mweniyo wangukutoleni kuno kutuwa mu Egipiti.

Yesaya 36:18

Chenjeni vinu Hezekiya wangakusovyani ndi kukamba kuti, “Ambuya akatitaskanga.” Kumbi wakuwapo chiuta wa mitundu yo wakutaskapo charu chake ku janja la karonga wa Asiriya?

Yesaya 8:10

Khomani fuzi pamoza, kweni yichitenge kanthu cha, kambani mazu, kweni kuti ghakamanga cha, pakuti Chiuta we nafwe pamoza.

Sumu 46:7

Ambuya ŵa maŵanja ŵe pamoza nafwe; Chiuta waku Yakobe nchakudingang'amo chidu.

Jobu 40:9

Kumbi wendi janja nge ndi Chiuta, ndipo kumbi ungaziŵa kuguluruska ndi mazu ghako nge ngake?

2 Timote 4:22

Mbuya waŵe ndi mzimu wako Wezi uŵe namwe.

2 Mikoka 32:15

Viyo Hezekiya wareke kumpusikani, pamwenga kumunyengani ndi makani ghaviyo, pamwenga kuvwana nayo chifukwa kulivi Chiuta wa mtundu wose pamwenga wa ulemu wose wangaziŵa kutaska ŵanthu ŵake ku janja langu ndi mu janja la ada. Kumbi sono viyo Chiuta winu waziŵenge uli kumtaskani ku janja langu?’ ”

Yoswa 10:42

Yoswa wanguto ŵakaronga yaŵa wose ndi charu chawo pa nyengo yimoza, chifukwa Ambuya Chiuta waku Yisraele wangurwiya Yisraele.

1 Samuele 17:45

Kweni Davidi wangunena ndi iyo, “Iwe utuza kwangu ndi lipanga ndi mkondo ndi nthonga; ehe, ine ndituza kwako muzina la Ambuya wa maŵanja, Chiuta wa zinkhondo zaku Yisraele mweniyo iwe unyoza.

2 ŴaKaronga 6:16

Iyo wanguti, “Ungopanga, pakuti wo ŵendi ifwe unandi ŵaruska wo ŵendi iwo.”

1 Mikoka 5:22

Ŵanandi ŵangubayika, chifukwa nkhondo yenga yaku Chiuta. Ndipo ŵanguja mu charu chawo mpaka nyengo ya umkoli wawo.

2 Mikoka 16:7

Pa nyengo yo wanguza Hamani muwona kwaku Asa karonga waku Yuda, wanguti, “Chifukwa wagomekezga fumu yaku Siriya, ulivi kugomezga Ambuya Chiuta wako, pa chifukwa ichi nkhondo ya fumu ya Siriya murwani wako yapozomoka mu janja lako.

Sumu 20:7

Ŵanyake ŵathamiya magareta, ŵanyake ŵathamiya ŵakavalo; kweni ifwe tithamiya mu zina la Ambuya Chiuta widu.

Sumu 118:8

Nkhwamampha kudingang'a mwa Ambuya, kwakuruska kugomezga munthu.

Yeremiya 42:11

Rekani kopa karonga wa Babiloni, mweniyo mutopa, rekani kumopa, atiti Ambuya, pakuti ine nde namwe pamoza, kumuwomboni ndi kumutaskani ku janja lake.

Zekariya 4:6

Viyo wangunena nane, “Yagha ndi mazu gha Ambuya kwaku Zerubabele; ndi nkhondo cha, pamwenga ndi nthazi cha, kweni ndi Mzimu wangu, atiti Ambuya ŵa maŵanja.

Chituwa 4:31

Ndipo ŵanthu ŵanguvwana, ndipo penipo ŵanguvwa kuti Ambuya anguchezga ndi ŵaYisraele ndi kuti wawona suzgu yawo, ŵangukotama mitu yawo ndi ŵangusopa.

Marangu 20:3

ndipo wakambenge kwaku wo, ‘Avwani, ŵaYisraele mwe, msana wale mundere kufupi kukurwana ndi ŵarwani ŵinu: mtima winu ungafipanga cha. Mungawopanga cha, chingana nkhunjenjeme, pamwenga kutenthema chifukwa chaku wo.

2 ŴaKaronga 18:5

Ŵangugomekezga mu Ambuya Chiuta waku Yisraele, viyo kuti pengavi yumoza wakuyana ndi iyo mu ŵakaronga ŵaku Yuda ŵapavuli pake, chingana ndi mukati mwaku wo ŵengapo paurongo pake.

2 Mikoka 14:10

Ndipo Asa wangutuwa kurwana nayo, ŵangujarika umampha nkhondo zawo mu dambo la Zefata ku Meresha.

Yesaya 30:32

Ndipo kupuma kose kwa ndodo ya chilangu yo Ambuya aŵika paku iwo yikaŵanga nge nkhavwikidu ka mangolongondo ndi zeze; kurwa nawo nkhondo ya janja la kumikiskilana.

Yesaya 31:3

ŴaEgipiti mbanthu, kuti ndi Chiuta cha; ndipo ŵakavalo ŵawo ndi nyama, kuti ndi mzimu cha. Penipo Ambuya atambaruwa janja lawo, wakovya wakaguŵanga, ndipo wakovyeka yo wakawanga, ndipo wose ŵamariyenge pamoza.