2 Mikoka 32:5 - Tonga Bible 1986

⁵ Ndipo so wanguchita ndi phamphu, wanguzenga linga pose po pangupasuka ndikuzengapo vitanthali, kubwalo kwake wanguzenga linyake so, wangukhozga Milo mu msumba waku Davidi. Ndipo so wangusura mahomwa ndi nguru zinandi.

2 Mikoka 32:5 Referans Kwoze

2 Mikoka 25:23

Yoashi karonga waku Yisraele wanguko Amaziya karonga waku Yuda, mwana waku Yoashi, mwana waku Ahaziya pa Beteshemeshi ndi wangumtole ku Yerusalemu ndi wangubwanganduwa linga la Yerusalemu, mikono machumi pe chumi ghanayi (400) kutuwa ku likomo laku Efraimu kufika ku likomo lapa chingodya.

1 ŴaKaronga 9:24

Kweni mwana munthukazi waku Farao wangukwera kutuwa ku msumba waku Davidi kuya ku nyumba yake yo wangumuzenge Solomoni, pavuli wanguzenga Milo.

2 ŴaKaronga 25:4

Sono ŵanguswa linga, karonga yo ndi ŵanthu wose ŵankhondo ŵanguthaŵa ndi usiku munthowa yakuya ku likomo la pakati pa malinga ghaŵi, kudumuwa pa munda wakaronga, chingana ŵaKaldiya ŵanguzingirikizga msumba wo, ndipo ŵangulazga ku Araba.

2 Samuele 5:9

Ndipo Davidi wanguja mu linga, ndi wangulidana linga la msumba waku Davidi, ndipo Davidi wanguzenga msumba zingirizge kutuwa ku Milo mpaka mukati.

Yeremiya 39:4

Penipo Zedikiya karonga waku Yuda ndi ŵankhondo ŵake wose ŵanguwawona, ŵanguthaŵa. Ŵangutuwa mu msumba ndi usika ŵanguruta mu nthowa yaku munda wa karonga, ŵanguporota pa likomo la pakati pa malinga ghaŵi, ndipo ŵanguruta kulazga ku Araba.

2 Mikoka 26:8

ŴaAmoni ŵangupereka mithulu kwaku Uziya, ndipo mbiri yake yinguwanda mpaka ku mphaka zaku Egipiti chifukwa wanguŵa wanthazi ukongwa.

2 Mikoka 23:1

Ndipo kunguŵa mu chirimika cha chinkhonde ndi chiŵi Yehoyada wangujikondweska, wanguto ŵarongozgi ŵa machumi pe chumi, Azariya mwana waku Yerohamu, ndi Ishumaeli mwana waku Yehohanani ndi Azariya mwana waku Obadi, ndi Maseya mwana waku Adaya, ndi Elishafati mwana waku Zikri, kuti ŵapangani nayo.

2 Mikoka 12:1

Ndipo unguti wakhozgeka ufumu waku Rehoboamu ndi nthazi zikuru wangujowo dangu la Ambuya, ndi Yisraele yose pamoza nayo.

2 ŴaKaronga 12:20

Ŵateŵeti ŵake ŵangumuyukiya ndipo ŵangubaya Yoashi mu nyumba yaku Milo, panthowa yakuya ku Sila.

1 ŴaKaronga 11:27

Chifukwa cho wangusoske janja lake kumikana ndi karonga chenga ichi. Solomoni wanguzenga Milo ndipo wangujara linga po pangubwanganduka mu msumba waku Davidi awiske.

Ŵeruzgi 9:6

Ndipo wose ŵakuja mu Shekemu ŵanguwungana pamoza ndi Betemilo yose, ndipo wanguruta ndi ŵangumumika kuŵa karonga, pafupi ndi chimuti cha mkundi cha mzati pa Shekemu.

Nthanthi 25:28

Munthu wambura kujitinthawe uli ndi msumba wo ŵaswa ndi wajowoleka wambura malinga.

2 Mikoka 33:14

Ndipo pavuli paku ichi wanguzenga linga kubwalo ku muzi waku Davidi kuchiri kukuserere dazi ku Gihoni, kufika ndi ku likomo zina lake Somba ndi kuzingirizga Ofeli, wangulikwezga msinkhu utali ukongwa, wanguŵika ŵachirongozgi ŵankhondo mu mizi yose ya malinga ghaku Yuda.

Yoele 2:8

Kuti ŵasazganikana cha, kweni yose watenda mu nthowa yake; ŵaporota mu mahomwa, ndipo kuti ŵakanizgika cha.