2 Mikoka 32:11 - Tonga Bible 1986

¹¹ Ndatinge yo Hezekiya watimuwojani kuti mujipereke ku nyifwa, ku nja, ndi nyota, po watiti, “Mbuya Chiuta widu watitaskenge ku janja la karonga waku Asiriya”?

2 Mikoka 32:11 Referans Kwoze

Mateyu 27:43

Wangugomekezga mwaku Chiuta, wamtaske sono, asani watumukhumba: chifukwa wanguti, ‘Ndine Mwana waku Chiuta.’ ”

Yesaya 36:18

Chenjeni vinu Hezekiya wangakusovyani ndi kukamba kuti, “Ambuya akatitaskanga.” Kumbi wakuwapo chiuta wa mitundu yo wakutaskapo charu chake ku janja la karonga wa Asiriya?

Yesaya 36:12

Kweni muthenga wanguti, “Kumbi mbuyangu wandituma kuzachikamba mazu yagha ku mbuya winu ndi kwaku imwe pe, ku ŵanthu wo ŵaja pa linga cha, wo ŵayungwiya pamoza namwe kurgha busu la ŵeneko ndi kumwa makozo ghaŵeneko?”

Sumu 71:11

ŵatiti, “Chiuta wamujowo; mundondoloskeni ndipo mukoni, chifukwa palivi wakumutaska.”

Sumu 42:10

Kutombozga kwa ŵakupindikana nane; kwenge ndi bala la nyifwa mu liŵavu langu, po ŵakamba nane kwambura kurekezga, wepani, “Chiuta wako?”

Sumu 22:8

Ŵatiti, “Wathamiya Ambuya; rekani amupozomoske; amutaske, pakuti akondwere mwaku iyo!”

Sumu 3:2

ŵanandi ŵakamba vya paku ine, mwaku Chiuta mulivi chovyu chake.

2 Mikoka 32:15

Viyo Hezekiya wareke kumpusikani, pamwenga kumunyengani ndi makani ghaviyo, pamwenga kuvwana nayo chifukwa kulivi Chiuta wa mtundu wose pamwenga wa ulemu wose wangaziŵa kutaska ŵanthu ŵake ku janja langu ndi mu janja la ada. Kumbi sono viyo Chiuta winu waziŵenge uli kumtaskani ku janja langu?’ ”

2 ŴaKaronga 19:10

“Viyo ndimu mukakambiye kwaku Hezekiya karonga waku Yuda: ‘Ungazomerezganga Chiuta wako cha paku mweniyo iwe uyegeme kukupusika pakupangana nawe kuti Yerusalemu kuti wakapaskikanga mu janja la karonga wa Asiriya cha.

2 ŴaKaronga 18:30

Rekani kumuzomerezga kuti muyegeme pa Ambuya wachikamba kuti, Kwakuneneska Ambuya akatiwombonga ndipo msumba uwu, kuti ukapaskikanga mu janja la karonga wa Asiriya cha.’

2 ŴaKaronga 18:27

Kweni nduna yo yinguti kwaku wo, “Kumbi mbuyangu wandituma kuzachikamba makani yagha ku mbuyamwe ndi kwaku imwe pe mwija, ku ŵanthu wo ŵaja pa linga cha, wo ŵe pasuzgu yikuru pamoza namwe kurgha busu la ŵeneko ndi kumwa makozo ghaŵeneko.”

2 Mikoka 32:10

“Viyo ndimo wakambiya Senakaribu karonga waku Asiriya, ‘Kumbi mugomezga chine mo mu Yerusalemu muja ŵakuzingizgika?

2 Mikoka 32:12

Yo Hezekiya ndatinge wakutuzgamo malo ghake gha pachanya ndi viguŵa, ndi kulanguliya Yuda ndi Yerusalemu kuti, “Musopenge pa chiguŵa chimoza ndi kochiyapo vya chema”?