2 Mikoka 27:1 - Tonga Bible 1986

¹ Yotamu wenga ndi virimika machumi ghaŵi pachanya vinkhonde (25) mu ura po wangwamba kuwusa, ndi wanguwusa virimika chumi pachanya vinkhonde ndi chimoza (16) mu Yerusalemu. Zina la nyina lenga Yerusa mwana waku Zadoki.

2 Mikoka 27:1 Referans Kwoze

1 Mikoka 3:12

Amaziya mwana wake, Azariya mwana wake, Yotamu mwana wake,

Mateyu 1:9

ndipo Uziya wangupapa Yotamu; Yotamu wangupapa Ahazi; Ahazi wangupapa Hezekiya;

Mika 1:1

Mazu gha Ambuya gho ghanguza kwaku Mika waku Moresete mu mazuŵa ghaku Yotamu, Ahazi, ndi Hezekiya, ŵakaronga ŵaku Yuda; ndivyo wanguwona kunena vya Samaria ndi Yerusalemu.

Hoseya 1:1

Mazu gha Ambuya gho ghanguza kwaku Hoseya, mwana waku Beri mu mazuŵa ghaku Uziya, Yotamu, Ahazi, ndi Hezekiya ŵakaronga ŵaku Yuda mu mazuŵa ghaku Yeroboamu waku Yoasha, karonga wa ŵaYisraele.

Yesaya 1:1

Chiwona chaku Yesaya mwana waku Amozi, cho wanguwona chakukamba ndi Yuda ndi Yerusalemu mu mazuŵa ghaku Uziya, Yotamu, Ahazi, ndi Hezekiya, ŵakaronga ŵaku Yuda.

2 Mikoka 27:8

Wenga ndi virimika machumi ghaŵi pachanya vinkhonde po wangwamba kuwusa, ndipo wanguwusa virimika chumi pachanya vinkhonde ndi chimoza mu Yerusalemu.

2 Mikoka 26:21

Ndipo karonga Uziya wanguŵa wamakhati mpaka zuŵa la nyifwa yake, ndipo pakuŵa wamakhate, wajanga mu nyumba yake ndi yake, pakuti wangupatuskika kutuwa ku nyumba ya Ambuya. Ndipo Yotamu, mwana wake wenga wa mtufu pa nyumba yake, wangweruzga ŵanthu ŵa charu chiya.

2 Mikoka 26:23

Ndipo Uziya wangugona pamoza ndi awiske, ndi ŵangumuŵika pamoza ndi awiske mu malo ghakuŵikamo ŵakufwa gha wakaronga, chifukwa ŵanguti, “Ngwa makhati.” Yotamu mwana wake wanguwusa mu malo ghake.