2 Mikoka 26:9 - Tonga Bible 1986

⁹ Ndipo so Uziya wanguzenga vitanthali mu Yerusalemu pa Chingodya cha Likomo ndi pa Dambo la Likomo, ndi pa Fyakanya, ndi wanguvizingirizga ndi malinga.

2 Mikoka 26:9 Referans Kwoze

Nehemiya 3:13

Hananu ndi ŵakuja mu Zanoa ŵangulongoso Likomo la Dambo; ŵangulizenga so ndi ŵangumika visasa vyake, mpilingizgu yake ndi mphanjizgu zake, ndi wangulongoso myeso chikwi ya linga, kwachifika pa Likomo la Urongo.

2 Mikoka 25:23

Yoashi karonga waku Yisraele wanguko Amaziya karonga waku Yuda, mwana waku Yoashi, mwana waku Ahaziya pa Beteshemeshi ndi wangumtole ku Yerusalemu ndi wangubwanganduwa linga la Yerusalemu, mikono machumi pe chumi ghanayi (400) kutuwa ku likomo laku Efraimu kufika ku likomo lapa chingodya.

2 ŴaKaronga 14:13

Ndipo Jehoashi karonga waku Yisraele wanguko Amaziya karonga waku Yuda, mwana waku Jehoashi, mwana waku Ahaziya, pa Beteshemeshi, wanguza ku Yerusalemu, ndipo wangubwanganduliya pasi chimati cha Yerusalemu pa thalika la mikono machumi pe chumi ghanayi kwamba pa Likomo la Efraimu kwachifika ku Likomo la Chisongo.

Zekariya 14:10

Charu chose chiŵenge chidika kutuwa ku Geba kwachifika ku Rimoni ku mwera kwa Yerusalemu. Kweni Yerusalemu wajenge wakutumphuka pa malo ghake, kutuwa ku Likomo laku Benjamini kwachifika ku malo gha likomo la kale, ku Likomo laku chi Ngodya ndi kutuwa ku Msumba waku Hamanele kwachifika ku vyakupondiyamo mphereska vya karonga.

Yeremiya 31:38

“Ehe, ghatuza mazuŵa atiti Ambuya, penipo msumba ukazengekiyanga so Ambuya, kwamba ku sonjo waku Hananele kwachifika ku Likomo lapa Chisongo.

Nehemiya 3:32

ndi kwachifika ku chipinda chapa chisongo ndi Likomo la Mberere, ŵasuzi ŵa golide ndi ŵamalonda ŵangulongoso.

Nehemiya 3:24

Wakundondoloska pavuli pake wenga Binuni mwana waku Henadada wangulongoso chigaŵa chinyake, kwamba pa nyumba yaku Azariya kwachifika ku chingodya ndi sonjo ndi chisongo.

Nehemiya 2:15

Pavuli ndingukwere kudambo ndi usiku ndingusanda linga, lo; pavuli ndinguwere kuvuli ndi ndinguserere pa likomo la Dambo, viyo ndinguweko.

Nehemiya 2:13

Ndingutuwa ndi usiku kuya ku likomo la Dambo kuya ku chisima cha Kambe ndi ku likomo la Urongo ndipo ndingusandasanda linga la Yerusalemu lenilo lingugumukiya pasi ndi malikomo ghake gho ghangufya ndi moto.